ISAIA 14:20 - PATHIAN LEKHABU IRTHIANG C.L. Bible (BSI)

²⁰ Ni ram nin siattira, nikhua le tui ni thathai sikin anni laia phûmin om no chi ni. Thil saloi thotuhai irhming chu kumtuangin sâm ni no ni.

ISAIA 14:20 ပူးပေါင်းရင်းမြစ်များ

INPÂKNA HLAHAI 21:10

An rahai kha irnêng ata irhmangtir ni ta, An irchihai kha mihriam nâihai lai ata irhmangtir sa ni ti.

JOBA 18:19

A mihai laia tû le nâi nei no nia, A lêngna hmuna khan tûte a lua hrang om no ni.

INPÂKNA HLAHAI 109:13

A’rchihai chu irhmangtirin om sianlân; Thoiinthar hong om nôka khan an irhming kha kâtpaiin om ri se.

INPÂKNA HLAHAI 37:28

Rengpa’n chu roirêlna fel a’rngaiinhlua, A mi irthianghai chu rotsan ngai mah; Kumkhua hrangin vong insa’n an oma: Mi sia irchihai chu irhmangtirin om an ti.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

JOBA 18:16

A hnuai tianga irzunghai chu hmon a ta, chung tianga a ônhai chu châr a ti.

THUHRILTU 6:3

Mi’n nâi irzakhat neiin, kum tamtak hring sianlân, khannisian a milung chu thil sahaiin inlômtir thei loiin, sa ving khomin thânmual a liam thei noa ni’n chu, kha mi nêk khan nâite a thi saia suak chu a sa ual keiin chu ki iti a ni.

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

ISAIA 31:2

Ama’n chu a tho dân an hriata, thil saloi khom a tho dân an hriata, a thu sût ual no ni. Thil sual thohai chunga an kut insum an ta, anni santuhai laia khom an kut insum sa an ti.

2 RÊNGHAI 9:35

Phûm hrang an va fea, a lu, a ru le a kut le ke ti no chu hmu hrang om ta mah.

JOBA 18:17

Irnênga ama inhriat maina irhmang a ta, Kholaia a’rhming zel inlang ta no ni.