ISAIA 14:2 - PATHIAN LEKHABU IRTHIANG C.L. Bible (BSI)

² Khan mihaiin hruaihai an ta, an omna hmun intunghai an ti, khanchu Israel in sûng mihaiin Rengpa rama khan nupang le pasalhai la nei an ti; suaka infetirtuhai kha suaka om an ta, anni dengintheitirtuhai chunga roi la rêl an ti.

ISAIA 14:2 ပူးပေါင်းရင်းမြစ်များ

EZRA 2:65

an siahlo nupang le pasal 7,337 tep loiin: khan hla saktu nupang le pasal 200 a neihai sa,

INPÂKNA HLAHAI 68:18

Nang chu chung tiang ni kâia; Ni ichelhai kha suakin ni hruaia; Mihriamhai ata thilpêkhai ni donga, A ni, tehel zonghai laia khom; Rengpa Pathian kha an kuang a om theina hrangin.

ISAIA 18:7

Nam hrât le sinthothei hai, mi isora, hmêlsahai chu, tianlai ata mi lei ichihai ngai chu tui tamtak luangna hmun ata kha, Itinrêng Rengpa irhminga phua, a omna hmun Zion-a khan, thilpêk chôiin hong an ti.

ISAIA 31:8

Assuria chu mihriam khandai ni loiin tuk that ni a ta, mihriam irlek loi khandaiin thi a ti. Rot sianlân khom ruathartehaiin sala chelthung an ti.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 49:22

Rengpa Pathianin hiang hin a ti: “Nam tin mithmua ki bân phar ki ta, irsinsiain, ni nâihai pomhai an ta, ni nâinuhai pohai an ti.

ISAIA 49:23

Renghai chu ni pahai ni an ta, rêngnuhai dônhai an ti. Irnênga khûksadelin chubai nang mûk an ta, ni kea vâiphin kop chu inliak an ti. Keima hi Rengpa ki nih ti nin hriat theina hrangin, a ni nghâktuhai tûte mualphoi irla no nihai.

ISAIA 49:25

Rengpa’n hiang hin a ti: “Mihai râl doi chu sutpai ki ta, mi hrât kuta om khom hnûkdok ki ti. Nang a doituhai chu doihai ki ta. Ni nâihai chu keima’n saninhringhai ki ti.

ISAIA 54:3

Ni ramri khom chang tiang le vei tiang irzat mai a ta, nam dang ilua ramhai khom, ni nâihaiin lua an ti. Khopui ram sai tâk khom inlum inthar nôk an ti.

ISAIA 60:14

Deng nan theitirtu irchihai chu kûnin ni kuang hong an ti. Nang a hnuaisiahai ngai chu, ni ke bula khûksadelin om an ti. “Rengpa khopui, Israel mi irthiang Zion,” nang ti an ti.

ISAIA 60:4

Ni mit hong inlêngtirin lân, ram hlatak ata ni nâihai chu an hong ta, ni nâinuhai an hong puakhai.

ISAIA 61:5

Nam danghai chu hmanghai nin ta, nin sa vâihai enkol an ti, ram dang mihaiin nin loi phol an ta, nin grep irhuanhai chuan an ti.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

JEREMIA 30:16

Nang a fâk inhektuhai chu fâk inhek ni an ti. Ni râlhai murdi sala hruai an ta, mi longtuhai chu longin om an ti. Nin ramtirtuhai chu inramtirhai ki ti.

JEREMIA 49:2

Nikhua chu a hong itung thiai a ni, kha ni khan chu Raba khopuia mi omhai chu irdoina irhâi inhretirhai ki ta, mâkin om an ta, a khuahai chu hâlpai ni an ti. Khanchu Israelhai khan an kuang ata a lâk pehaia irthokin an ram chu lapai nôk an ti.

EZEKIELA 39:10

Ram kâra thing tua hrang an irkhôm nang no nia, ite rampui hnuaia irkhôm nang viat no ni. Râltukfam mâksana omhai kha an itua hrang a ni sikin. Anni longindartirtuhai le an neinun sampâr inrûktuhai chu, anni longindarhaiin an neinunhai leh pehai an ti,” Rengpa Pathianin a ti.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

JOELA 3:8

nin nâipahai, nin nâinuhai kha Juda nâihai kuta zuar ki ti, anni khan hlataka Seba mihai kuang, anni kha zuar an ta”: Rengpa khan a iti tâk a ni.

LEVI DÂN 25:44

Pasal mani, nupang mani suak nin nangin chu nin kôlvêla nam dang ircho roh.

OBADIA 1:17

Zion tânga rêk chu, irtansuakhai kha om an ta, irthiang a ti. Khan, Jakoba insûng mihai khan an irchon donghai kha chang an ti.

ZAKARIA 2:13

Mi murdihaio, Rengpa makunga khan dâichit roi: Ama kha a hmun irthiang ata a hong thoi tâka, tiin va hril ro, a tia.

ZAKARIA 2:9

Irngai roi, ki kut ki inthik khum hrang a nia, anni sinthotuhai râllâk ni mai an ti: khanchu, sipaihai Rengpa khan a ni tîr a nih ti nin la inhriat hrang a ni.

LUKA 12:45

Khannisian siahlo khan, ‘Ka pu hong kîr lat no ni,’ tiin nupang pasal zêm sianlân, lei fâk lei nêkin len rui sianlân,

ROM KHUAA MIHAI KUANGA TÎRTÔN PAULA LEKHATHON 15:27

Irphal taka tho an ni, aniachu an ni ata lâkai an nei mai ngai a ni. Jentailhaiin an irtha tiang thila Judahai an irkoppuiin chu, rammual tianga thila khom Jentailhaiin Judahai sin an itho a inang a ni.

2 KORINTH 10:5

Pathian inhriatna dân hranga lârirpâkna lamchâina tinrênghai kha kin seta, ngaituana tinrêng suaka hruaiin Krista thu kin zôm ngai.

GALATIA 5:13

Urênghaio, nangni chu Zalênna nei hranga koi nin ni, nin Zalênna hi taksa ta hranga zoro inchuma hmang viat no roi; lung irthung irhlômin sin irtho irhlôm roi.

EFESI 4:8

Pathian Lekha thua khom: “Chung tiang a kâia khan râl tamtak a imanhai kha suaka a hruaia, Mihriamhai kuang khom thilpêk a sem,” ti a ni kha.

THUPHUANG 3:9

Irngai ta! Setana pâla mi senkhathai, Juda ni loia, milak tho Juda irtihai kha hong tîr ki ta, ni ke bula chubai nang hong inmûktir ki ti; khanchu khahai khan lung nang ki thung tih inhriat an ti.