ISAIA 14:13 - PATHIAN LEKHABU IRTHIANG C.L. Bible (BSI)

¹³ Ni lungrîla chu, Irvâna hong fe ki ta, Pathian ârsihai khêla khin, ki rêngtoihmun indomirsâng ki ti; an inkhômna tâng, hmâr tianga omna khan toi ki ta; sûm nêka irsângin om ki ta.

ISAIA 14:13 ပူးပေါင်းရင်းမြစ်များ

EZEKIELA 28:2

“Mihriam nâipa, Tura rêng kuang khan Rengpa Pathianin hiang hin a ti, ti ro: A sân ni om nin liantira, pathian angin ni oma, pathian angin rêngtoihmuna ki toia, kil tina tuipuiin a nir huala, ni tia. pathian angin ni oma, khannisian pathian ni mak chea, mihriam kêng ni ni.

2 THESALONIKA toc2 2 THESALONIKA 2:4

Ama’n chu mihaiin Pathiana an inei, an ibiak murdihai kha doi a ta, anni nêka roiinpuiin irbe a ta, Pathian Tempil ngeia toiin Pathianin irbe a ti.

EZEKIELA 29:3

Hi hi Rengpa Pathianin Aigupta rêng chungthua a ihril chu a ni ti roh. O, Faroa Aigupta rêng, Nail ivadung kôla rûlpui ang ni nia, Nail dung chu ki isiam a nia. Keima ta a nih ti ngaitu, keiin nang ki idoi a ni hi.

MATHAIA 11:23

Nangma Kapernaum khom irvân dênin inpâk ni ini hrang ma ni! mithi khua dênin ni zu fe hrang sôn mak che! Nangmaa sinirkhêl isinhai kha Sodom khuaa sin ni sianlân chu, a vuan ten hin la om mai a ti.

ZEFANIA 2:15

Hi hi khopui raifân thei tak, mâni ir-iam zoi thei tak, a lungrîla keima hi ki ni, ki chunga tûte om mahai, irti lungrîl kha a ni: Sahai riakna hmun hrangin, a ramin a’rkhêl bâk tâka na! A hong khêl murdi’n an dang inchek khum an ta, an kut irlek khum an ti.

EZEKIELA 27:3

kha khopui kha tuipui kôla omin, tuipui kôla om murdihai le sum bepâr tho puma omhai kha, Rengpa Pathianin hiang hin a tih ti pe ro: O, Tura enhoi irkip taka ni iom kha ni’rsorpuia.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

INPÂKNA HLAHAI 48:2

Zion, Pathian tâng irthiang chu ar sângin en a hoia; Reng inthangtak khopui khan rammual pumpui lômna a zuang intunga.

EZEKIELA 28:9

Nang that hrangin an zuang tena khom pathian angin ni la irbe mai hrang ma ni? Nang a that hrangtuhai kuta chu Pathian ni loiin mihriam kêng ni ini kha.

LUKA 10:15

Nangma Kapernaum khom, irvân dênin inpâk ni ini hrang ma ni? Hremhmuna kêng paithâk ni ini hrang.

JOBA 20:6

A irngaiirsângna khan irvân phâk khomsian, A lu khomin sûm hong phâk khom sianlân.

JEREMIA 49:16

Ni’rpâkna hin nang a ihuang a ni. Nang an chiin nir bê dôr kha tûte’n nang an ichi loi a ni. Tâng chung irsâng tak, lungpui rôl chunga om ni nia; khan irmupui ang taka irsângin omin lân khom, Rengpa’n nan sum a ti. Rengpa’n a iti a ni,” ki tia.

EZEKIELA 31:10

“Khasikin atûn, kha thingkungin sûmhai a phâk mân tena irsôna a om chunga khan i zât thil mo a tung hrang ti hi kei Rengpa Pathian hin nan hril ki ti. A’rsâng lia a ôn a lian liaa.

EZEKIELA 40:2

Pathian thil lei hmûna sikin Israel rama a ni hruaia, tâng irsângtak sim tianga khopui hoitak ki hmua, kha khan a nin sum tâka.

DANIELA 5:20

Khannisian a lungrîl irsongin, a milung a ngara, mualinphoiin a oma, a roiinpuina chu a lâkpai pea;

DANIELA 11:36

Reng khan a nuamlam takin tho a ta; ama chôiirsângin, Pathian tinrêng chunga a lian irti a ta, pathianhai Pathian sêlin thil irkhêl hril a ti: khan a ningmurna a hek pe ving mâka chu hlochuk a ta, a iti chu tho ngêt hrang a nia.

OBADIA 1:3

O nang, lung kul sûng kâra oma, hmun irsâng luatu, ‘Tu’n mo hnuaia ni sukthâk hrang?’ ti lungrîltu, ni lungrîl lârirpâkna hin nang a ihuang tâk a ni.