ISAIA 14:1 - PATHIAN LEKHABU IRTHIANG C.L. Bible (BSI)

¹ Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 14:1 ပူးပေါင်းရင်းမြစ်များ

ESTHERI 8:17

Khanchu, ram bial tin le kho tina, rêng thupêk a tungna hmun tina, Judahaiin lômna le raifânna an neia, sûn irngamna le hruaithena hai khom an nei ta. Judahai kha an chi tâk sikin, kha rama mi tamtak chu Judaa an irlet tâk a ni.

INPÂKNA HLAHAI 102:13

Thoi ni ta, Zion tâng chu lunginkham ni ti: Ama chu lungkham zoro a ni tâka, a ni, zoro inkung chu a tung tâka.

INPÂKNA HLAHAI 102:14

Ni siahlohai khan a lunghai kha an irngaiinhlua, A vâiphin khom lung an inkhama.

INPÂKNA HLAHAI 143:12

Ni lungkham lianna sikin ni doituhai chu irhmangtirin lân, Ni nêpsiatuhai murdi chu irhmangtir ro, Ni suak ki ni sikin.

INPÂKNA HLAHAI 98:3

Israela insûng mihai chunga a lungkhamzia le a iamomzia kha an hriat maia: Kôlkunga mi murdi khomin ei Pathian saninhringna kha an hmu tâka.

ISAIA 19:18

Kha ni tena chu Aigupta ram kho ringa sûnga Hebrai chong hmang an ta, itinrêng Rengpa irhming sâmin chonginkung an ti. Anni laia khua inkhat chu, “Haheres” ti an ti.

ISAIA 21:1

Babulon chung thu chu: kêllaiherin ramchârna a inher angin ram chiom tak ata siatna hong tung a ti.

ISAIA 27:6

Itika mani chu, Jakoba irchihai hin irzung la tha nôk ngêt an ti, Israel chu incherin hong pâr nôk a tih. Irnêng chung hi an ra la sip a ti.

ISAIA 41:8

O Israel nang chu ki siahlo ni nia, O Jakoba ki irtan ni ni, ki rualpa Abrahama inei ni nih.

ISAIA 41:9

Kôlkung ata ki ilâksuak ni nia, A kil hlatak ata nang ki ikoisuak a ni. “Ki siahlo ni nih,” nang ki ti mai kha, Nang kin thanga nang hnôl viat no ning.

ISAIA 44:1

Atûn hin chu, nang ki siahlo Jakoba, ki mi inthang, O Israel irngai roh.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 47:1

O nang dôngmate Babulon khua nâinu, Zuang suakin lân, nêngpila hin toi roh. Rêngtoihmun ata kha Kaldai nâinu irnênga hin toi ro, a’rnoi nêngnuang nang ti ual no nihai.

ISAIA 49:10

An phîngchâmin tuiinhrâl ta ngai no nihai, phâivua lum le sûn misa lum khom chi ual no nihai. An hruaitu’n an renhaia, tui tamna hmuna a hruaihai ngai.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 49:15

Nu’n a nâi irhnûk lai moh irnghil thei ni? A rîla ra mo irnghil thei ni? nuhaiin an nâihai an irnghil ngai khomin, keima’n chu nangni irnghil viat no ning.

ISAIA 49:25

Rengpa’n hiang hin a ti: “Mihai râl doi chu sutpai ki ta, mi hrât kuta om khom hnûkdok ki ti. Nang a doituhai chu doihai ki ta. Ni nâihai chu keima’n saninhringhai ki ti.

ISAIA 49:7

Israelhai irtantu mi irthiang, Rengpa’n hiang hin a ti: “Nangma, mi ihnuaisia, nam tin ien indong, roirêltuhai siahlo, rênghaiin suak ata ni izôk nang hmu an ta, mi lianhai khom ni makunga kûn an ta; Rengpa’n a thu an kung sikin Israel mi irthiangin nang an thang ta.”

ISAIA 54:3

Ni ramri khom chang tiang le vei tiang irzat mai a ta, nam dang ilua ramhai khom, ni nâihaiin lua an ti. Khopui ram sai tâk khom inlum inthar nôk an ti.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

ISAIA 56:3

Rengpa mihai hor bêl ngai nam danghaiin, “Rengpa’n a mihai le ni en indang lamin,” ti viat no roi, thainuzel mi khomin “Thingcher pa pai ki ni,” ti no ri se.

ISAIA 60:10

Nam danghaiin ni kul banghai hong sin nôk an ta, rênghai khomin ni sin tho an ti. Ki ningmur hraiin nang ki vîk nâkin, irsîrin lung nang kin kham nôk ta.

ISAIA 60:14

Deng nan theitirtu irchihai chu kûnin ni kuang hong an ti. Nang a hnuaisiahai ngai chu, ni ke bula khûksadelin om an ti. “Rengpa khopui, Israel mi irthiang Zion,” nang ti an ti.

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

JEREMIA 16:15

Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JEREMIA 30:8

Kha ni khan chu a ringkol pêl inkhiaktir pe ki ta, an khitna hrui sûtpai pe ki ta, ram dang mihai siahlo ni ta no nihai,

JEREMIA 31:4

O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 50:33

Khan Rengpa Itinrêngthotheiin hiang hin a ti, “Israel mihai le Juda mihai chu sirbea om an nia, a cheltuhaiin satakin an hrunga, insua nuam ta mahai.

JEREMIA 51:51

Nangni’n, ‘Mualphoi irsak le inzak nir hmutir kin nia; ram dang mihaiin tempila hmun irthianghai an lua zoi tâk sikin, changpui irngaiin kin inhriat suak a ni ta,’ nin tia.

EZEKIELA 16:60

Khannisianlân, ni nâiinpang laia ni kuanga ki thuthung chu kin hriat maia, ni kuanga kumkhua thuthung siam ki ti.

EZEKIELA 47:22

hihai hi kumkhua irchon hrang chu ni a ta, khanchu ram dang mi nin laia om nâi le tehai lei nei tâkhai khom khan ram kha nin irsem tena anni khomin dongtum nei an ti. Anni chu Israel mihai anga tep sa ni an ta, Israel mihai laia khan tasân pumin ram kha anni’n dong an ti.

ZAKARIA 1:17

Hiang hin sipaihai Rengpa khan a ti e, ki khopuihai kha irhniangna sikin chuai nôk an ta, Rengpa khan Zion kha irtharngam nôk a ta, Jerusalem kha inthang nôk a ta, tiin van sam nôk ro, a tia.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

LUKA 1:54

Ei irchibulhai kuanga a inkung ang khan. A siahlo Israelhai san hrangin a zuang tâka.

LUKA 2:32

Jentailhai kuang ni vâr inlangtir hrang le ni mi Israelhai roiinpuina hrang chu,” a tia.