ISAIA 13:7 - PATHIAN LEKHABU IRTHIANG C.L. Bible (BSI)

⁷ Khasikin, mi tinrênghai hrâtna tôm a ta, an phûk inthing a ti.

ISAIA 13:7 ပူးပေါင်းရင်းမြစ်များ

EZEKIELA 21:7

Khan, ‘Ithoa mo ni inrûm?’ an ti’n chu, ‘A thurchi chu a hong tung tâk sikin ki irzal a ni. Mi murdi lungrîl zâm irzal a ta, an kut sahai kim a ta, thâiindôpin om an ta, irlo’nthingin om an ti,’ ti roh. Irngai ro, a zoro a hong tung tâk a ni,” Rengpa pathian thusuakin a ti.

NAHUMA 2:10

Inrongtirin a oma, a rong chiana, a iram a ni: an milung kha a zôi tâka, an irkhûkhai kha a ngara, An konghai khom a na zit tâka, an hmêlhai khom a dông zoi zit tâka.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

EZEKIELA 7:17

An kuthai chu hrât loiin om a ta, an irkhûkhai chu irzalin om an ti.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

JEREMIA 50:43

Babulon rama rêngin an thurchi a len hriata, a kuthai chu a’rzal zoi tâka. Lungzîngna’n a dea, nupang nâiha isê angin natna khan a chela.

ISAIA 51:20

Ni nâihai chu kholaidung hmun tina irzalin an irtet phura, Lên leh sa ai khum angin, Rengpa ningmurna an tuang ta, an Pathianin a ihnôl a ni.

ISAIA 37:27

a sûnga omhai an chia, irtha’nvâiin mualphoi an irlâka muala hloisûl sipin, in chung sîpa ilhling chiak sipin, phâivua lum isêm inthêmhai khom, ki lei irêl sai a ni.

FESUAKNA 15:15

Edom rama hruaituhai chitna’n sip an ta, Moab mi hrâthai insînain chelhai an ti, Kanaan rama mihai zâmirzal ving an ti.

JOSUA 2:11

Kha kha kin inhriatin kin rot zoia, nangni chi sikin mi tin mumal nei loiin kin om ta. Nin Pathian Rengpa hi vân chung le hnuaia roirêltu a ni.

INPÂKNA HLAHAI 58:7

Anni chu tui hrât taka luang angin luangpaihai sianlân: Hloisûl angin sirsôpin chuai ri se.

JEREMIA 51:30

Babulon rama sipaihai chu irsual an monga, an kulpui sûnga an om chian tâk, thâiindôpin nupang angin an om tâk. Khopui dâi mikothai chu a siata, inhai chu a kâng tâk.

EZEKIELA 21:12

Mihriam nâipa, chapin lân, inrûm vong vong ro, Ki mihai tuang hrang an nia, ki mihai chu Israel mi lianhai leh khandaia that an ini hrang a ni. Khasikin beidongin ni rôp irchûm roh.

NAHUMA 2:11

Tûte inchitir loia an oma, kâmkeibaknei chalhai, kâmkeibaknei puihai, kâmkeibaknei têhai an ichai vêlna, kâmkeibaknei irbu zôl le kâmkeibaknei têhaiin an fâkna hmun kha khôn mo a ini?