ISAIA 13:6 - PATHIAN LEKHABU IRTHIANG C.L. Bible (BSI)

⁶ Khêk sup sup unglân, Rengpa nikhua chu anai ta, itinrêng thotheiin siatna intungtir a ti.

ISAIA 13:6 ပူးပေါင်းရင်းမြစ်များ

JOBA 31:23

Pathian ni isoisak ki chi hrai sikin, An lal hrai sikin kha thilhai kha ki itho ngamloi a ni.

ISAIA 10:25

Zoro sôtnotea chu ki ningmurna hek a ta, an chunga thuanhai ki ti.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 13:9

Rengpa nikhua hong tung a ta, a ningmurna an lang tena chu, ramhai chu inthim a ta, a sûnga om mi sualhai chu irhmang an ti.

ISAIA 14:23

“Phît insiat ving ki ta, sarku omna hmun le dialdôkin siam ki ti,” Itinrêng Rengpa thu suakin a ti.

ISAIA 14:31

Filistia kho tina mihaio, khêk unglân, nin rêngin chi ta roi; hmâr tiang ata kêllaiher a hong khû so, sôl inhre loi sipaihai so,

ISAIA 2:12

Kha ni tena chu itinrêng Rengpa’n, lârirpâkhai, irngaiirsânghai, le mi huang hmang murdihai, irhnuaitirhai a ti.

ISAIA 23:1

Tura khua chung thu chu: Tarsis irkuang neituhai chu, khêk an ta, inhai chu irkuang irngamna ten khom a siat zoi ta, Kupra chiaiphoi nin dên tena kêng kha kha nin inhriat.

ISAIA 34:2

Nam tin chunga Rengpa ning an mura, an sipaihai laia a ning an mur pe a ni. Thathai ving hrangin a siahai ta, that hrangin ar fûktir zoi ta.

ISAIA 34:8

Rengpa’n phuba a lâk zoro a chuk ta, Zion ta hranga thuan nôkna zoro a phâk ta.

ISAIA 47:11

Minlak thoa zôk thei loina, sin saloiin nang de hrang a ni ta. Tuang zoi zât loi vânduainahai ni chunga hin hong tung hrang a ni. Ni lei inhriat thei loi siatna hong tung thut ta a ti.

ISAIA 52:5

Atûn hin imo ki iti ta hrang? Rengpa thusuakin a ti. Ki mihai chu Babulon-a man boiin suaka an hruaia, an chunga roirêltuhaiin en nuam loiin, ti hi Rengpa thusuak a ni. Sûn so sôt ki’rhming an insiat ngai a ni.

ISAIA 61:2

Rengpa’n a mihai an zôk hrang zoro le a râlhai; a ni pêk hrang zoro a tung tâk ti inpuang hranga a ni itîr ki ni. Lusûnhai kha irtharngam sakhai hranga a ni itîr ki ni.

ISAIA 63:4

Phuba lâk chu a ruk ta ki tia, ki mihai chu irtan zoro a hong tung ta a ni.

ISAIA 65:14

Ki siahlohai lungrîl lôm a ta, nangni chu lungrîlnain chiar mai nin ta, milungdûk tongin khêk nin ti.

JEREMIA 25:34

Khasikin hruaituhai chap roi, nangni ki mi belrapuhai, chap inring roi! Beidongin pil kâra inhlum roi. Thata nin om hrang zoro chu a hong nâi ta, kêlbelrachalhai angin irchan ni ta nin ti.

JEREMIA 49:3

Hesbon mihaio, khêk suak roi! Ai khua chu a siatchit ta! Reba nupanghaio, chap hrangin irsiam ta roi. Bora puan sil unglân, chap ta roi. Lungzîngin chai sup ta roi. Nin pathian Milkoma chu a ochaihai le hruaituhai leh khan sala intâng hrangin an ihruaihai hrang a ni.

JEREMIA 51:8

Babulon ram chu irhnot takin an rîla, a isiat tâk a ni. Ama chu châ ta roi! A sâbehai hrangin hloi zong pe unglân, a la dam khom a ni thei.

EZEKIELA 13:5

Rengpa sûna irdoinaa inding ngam hrangin a râl chi lai irtong ngam loiin, Israel insûngkuahai hrung le rakhâl hrangin kâmnang mak chêi.

EZEKIELA 21:12

Mihriam nâipa, chapin lân, inrûm vong vong ro, Ki mihai tuang hrang an nia, ki mihai chu Israel mi lianhai leh khandaia that an ini hrang a ni. Khasikin beidongin ni rôp irchûm roh.

DANIELA 5:26

Khan a hrilfiana khom hi hi a ni; Mene ti chu nin lal zoro hrang ten a’rsinsiaa, a inmongtir hrang tihna a ni;

DANIELA 5:9

Rêng Belsazzara chu a sate’n chardongin a bôm nôka, a hmêl danglamin a oma, a mi lianhai khom an lung a zîng pehai u uala.

JOELA 1:11

O nangni, loi neituhaio, inzak unglân; o nangni, grep hrui enkoltuhaio, bu le faôi sikin khêk rak rak roi; loia bu ât hrang kha ar hmang tâk sikin.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

JOELA 1:15

Kha nikhua kha a chung a rike! Rengpa nikhua kha anai tâka, Itinrêng thotheitu ata irhmangna ang zuang tung a ti.

JOELA 1:5

Inruihaio, har unglân, chap roi; uain in murdihaio, a uain thum sika khan khêk rak rak roi; nin bâi ata lapai a ni tâk sikin.

JOELA 2:1

Zion-a khan bekul tum unglân, ki tâng irthianga khan râl irdîpna inpuang roi; hi ram sûnga mi murdihai kha inthing ri sehai: Rengpa nikhua kha a zuang tung thiaia, a inâi tâk a ni;

JOELA 2:11

Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

AMOSA 5:18

Rengpa nikhua nuamhaio, nin chung a zîng e! Ithoa mo Rengpa nikhua kha nin inuam? vâr ni loiin inthim a ni ual.

ZEFANIA 1:14

Rengpa nikhua roiinpui tak kha anai tâk e, a nâiin a itheng lat hrang a ni, Rengpa nikho irhâi kha irkhêl tak a ni; kha khan mi hrât kha khêk rak rak a ti.

ZEFANIA 1:7

Rengpa pathian makunga khan dâihrek roh: Rengpa nikhua kha anai tâk sikin: Rengpa khan irbôlna a sinsiam tâka, A mi fialhai khom a’rthiangtirhai tâk a ni.

ZAKARIA 14:1

Roirêl hranga Rengpa toina hrang nikhua chu anai ta! khanchu Jerusalem chu longindarh ni a ta, râllâk sumhai chu ni mithmu ngeia irsem an ti.

MALAKIA 4:5

Irngai u ta, Rengpa zuangna nikhua ichiom tak le irkhêl tak makunga khan deipu Elija kha nangni zuang tîr pe ki ti.

JAKOBA toc2 JAKOBA 5:1

Nangni mi irchonghaio, irngai u ta, nin chunga intak zuang tung hrang sikin chap unglân, khêkhroi ta roi.

THUPHUANG 18:10

A hremna kha tuang sa an chi sikin hla tak ata thîr an ta, “Babulon kho roiinpui le kho det, ni chung a rik! Ni chung a rik! Dârkâr khat sûngin te ni chunga roirêlna a itung tâk hi,” an tia.