ISAIA 13:20 - PATHIAN LEKHABU IRTHIANG C.L. Bible (BSI)

²⁰ Tûte om ta no nihaia, sat lam hong panhai khomsian, tûte lût ngam no nihai. Arab mikhual inzinhai khomin puan in sung no nihai. Belra entuhai khomin an belrahai irngampui ta no nihai.

ISAIA 13:20 ပူးပေါင်းရင်းမြစ်များ

2 THURCHI SUINA 17:11

Filistia mi senkhathaiin khâzana tangkarua le thilpêk dang tamtak an hong pêk ngaia. Arab mi senkhathai khomin kêlbelra sângsari irzasari le kêl sângsari irzasari an hong pêk saa.

JOBA 3:7

Kha zân kha zân beidong ni sian, râifânna irhâi ite om no ri se.

HLAHAI HLA 1:7

Nin hril ro, ni lungkhamna hi, Kho tiang mo ni belrahai hôlin, sûn laia kho tiang mo ni irngamtirhai hrang? Nangma zongin belrapu danghai kuang ki ichai vêl hrang ma ni?

ISAIA 14:23

“Phît insiat ving ki ta, sarku omna hmun le dialdôkin siam ki ti,” Itinrêng Rengpa thu suakin a ti.

ISAIA 21:1

Babulon chung thu chu: kêllaiherin ramchârna a inher angin ram chiom tak ata siatna hong tung a ti.

ISAIA 25:2

Khopuihai chu nin siattir theia, A kulhai khom nin chimtira, Nam dang khopuihai ram zoiin, siam insa ni ta no ni.

ISAIA 34:17

An hrangin tasân an fel zoi tâka, ram indang infelin a om ta, kha kha an kumtuang hmun hrang chu a ni, an irchihai khomin lua mai an ti.

JEREMIA 49:33

Hazor chu ramchârin sia mai ta ki ti. Sihalhai omna hrangin, a sûnga tûte zel om ta no nihai. Keima Rengpa’n ki iti a ni,” a tia.

JEREMIA 50:13

Ki ningmurna sikin Babulon-a tûte om ta no nihaia; inramin masan ni a ta, a theng inlôihaiin inlâiin an irngai irkhêl a ti.

JEREMIA 50:21

Khan Rengpa’n, “Merathaim ram le a mihai le Pekod-ah omhai chu doi roi. Thathai unglân, irhmangtirhai roi. Thu nangni ki ipêk ang tak hin tho roi. Keima Rengpa’n ki iti tâk a ni.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

JEREMIA 50:39

“Khasikin Babulon chu khohrihai le irtha saloihai irfangin le ramchâra simbu omna ni a ti. Kha khan mi om nôk ta ngai no nihai, zoro la hong om hranga khom tûte lêng thei no nihai.

JEREMIA 50:45

Khasikin Babulon khopui doia ki thiltum le a mihai chunga ki itho hrang hi irngai roi. An nâihai tena lua kaiphîthaiin, mi tinin an ichi hrang a ni.

JEREMIA 51:25

Babulon ram, nang chu rammual pumpui insiattu mual ang kha ni nia, khan keima Rengpa hi ni râl ki ni. Ki kut leh nang indom ki ta, hnuaia nan zâltir ki ta, irvâmchit ni ti.

JEREMIA 51:29

Babulon chu ramchâr, mi tûte om loina hmun sin hranga Rengpa’n a thiltum a chuk tâk sikin, irnêng chu an thingin a irnok a ni.

JEREMIA 51:37

Kha ram kha hmun ram, rama sahai lêngna chang a ti. En irkhêl tak chang a ta; kha khan tûte om no nihaia; mi tin a hmuhaiin a sate’n chi an ti.

JEREMIA 51:43

A khuahai chu en intak, tui boina, ramchâr, mi tûte om loi inzin loina hmun ang kha a ni.