ISAIA 13:18 - PATHIAN LEKHABU IRTHIANG C.L. Bible (BSI)

¹⁸ An thal chôihai leh ruathartehai kâp thathai an ta, nâitesen inrenna nei no nihai, nâipang inrenna hlek khat khom nei mahai.

ISAIA 13:18 ပူးပေါင်းရင်းမြစ်များ

2 RÊNGHAI 8:12

Hazaela chu, “Ka pu, itho mo ni chapa,” a tia. Ama’n hiang hin a sâma, “Israel mihai chunga thil saloi ni itho hrang ki hmu sikin, an kulhai la hâl pehai ni ta, an ruathartehai khandaiin tukhai ni ta, an nâitesuihai hnuai changa vîk thathai ni ta, an kho nupui, nâi vonghai khom an phînga irkhit thathai tum ni ti,” a tia.

2 THURCHI SUINA 36:17

Rengpa’n anni soisak hrangin Babulon rêng a hong hruaia, rêngin Judai rama ruathartehai chu tempil sûnga khom a that phiarhaia. Ulian le nâipang lêk loiin, nupang pasal, hrisêl le sêl loi dênin ite inrenna boiin. Pathianin a kuta a ipêk ving a ni.

INPÂKNA HLAHAI 127:3

Irngai ta, nâi le têhai hi Rengpa ata ei irchon an nia: Rîla ra hi a lômman ni pêk a ni.

ISAIA 13:16

An nâitesenhai an mithmuin vîk that pehai an ta, an inhai khom ram zoi a ta, an dôngmahai siatpui pehai an ti.

ISAIA 47:9

Voikhat rengin, sûn khat sûng zelin, hi thilhai hi tuang ni ti. Minlak tho thei zap khomin lân, lusûn tuang ni ta, meithâiin om ni ti.

ISAIA 5:28

An thalhai chu a’rzum insa pehai, an thal ngul khom irfûk saiin an chôia; an sakor ke mitinhai khom ngaih tak a ni, an tâli kehai khom kêllaiher angin a’rhêl dût dûta.

JEREMIA 18:21

Khan atûn chu, Rengpa an nâihai chu phîngchâmin thihai sian, irdoi zoro’n that ni ri sehai. An dôngmahaiin an pasalhai leh an nâihai inchânhai sian; pasalhai chu hripuia thiin, an ruathartehai chu irtukna buala thi ri sehai.

JEREMIA 5:16

An thal kâp thei mihai chu mi hrât le khonzâna nei loia mi that ngai an ni.

JEREMIA 50:30

Khasikin a ruathartehai chu khopui kotsuahaia that ni an ta, a sipaihai khom that ni an ti. Keima Rengpa’n ki iti a ni.

JEREMIA 50:42

An thalhai le khandaihai chôia; nunter le khonzâna nei loi an ni. An irhâi chu tuipui irsok irhâi inring ang kha a nia, an sakorhai chunga an hong chuang lai khan Babulon ram doi hrangin an irsiam diam tâk a ni.

JEREMIA 51:22

pasalhai le nupanghai that hrangin, tarhai le vânglaihai nôi hrangin, ruathartehai le dôngmatehai that hrangin,

JEREMIA 6:23

An phohai le khandaihai a inlang thiai a ni tâka, mi nunter le khonza nei loi an ni. Tuipui irhâi angin sakora an chuanga, an intân irhâi chu a ni. Jerusalem doi hrangin an irsiam diam a ni ta,” a tia.

EZEKIELA 9:10

Kei khomin irhmâi no ning, inrenhai viat no ning; an sintho ang takin thuanhai ki ti,” a tia.

DANIELA 7:5

Sa dang inhnina chu savom anga omin, hi tiang a kehai leh a ngîra, a bâia hin kângru inthum a oma, a sê khokhaia, thoiin lân taksa nei fa’n tam ro, tiin an hrila.

HOSEA 13:16

Samaria ram ata a Pathian chunga tehel a zonga, khandaia intûktirin om an ta, an nâitesenhai kha pai inthek zit ni an ta, an nupang, nâivong laihai kha kaithêr ni an ti.

NAHUMA 2:1

Sukkhoi irnôitu kha ni makunga a zuang chum e: kulpui kha enkolin lân, lampui kha enkol ro; ni kong inngartirin lân, ni sinthotheina kha hrât takin siam insa ro.

NAHUMA 3:10

Khaang dôr khom khan lâkpaiin a oma, sala an tânga: kholai tin monga a nâipang tehai kha an pai inthekpai pehai: a mihriam sahai hrangin tâ an sâna, a milian murdihai kha thîr hruia khitphiar an ni.