ISAIA 12:4 - PATHIAN LEKHABU IRTHIANG C.L. Bible (BSI)

⁴ Kha ni khan chu hiang hin ti ta nin ti: Rengpa inpâk unglân, ar hming chôiindôm roi, A sintho chu a mihai hril unglân, A’rhming inthang lam hi inpuang roi.

ISAIA 12:4 ပူးပေါင်းရင်းမြစ်များ

1 THURCHI SUINA 16:8

Rengpa chunga lômthu hril unglân, ar hming irlam ngai roi. A sintho hi nam tinrêng hrilhai roi.

1 THURCHI SUINA 29:11

Ni roiinpuia, sinthothei tak ni nia, ni’rsânga, ni saa, irnêng le irvâna thilhai hi ni ta a nia, o Pathian an laltak ni nia itinrêng chunga thuneitu ni ni.

NEHEMIA 9:5

Khasikin Pathian biak hranga koihai chu; Levi mi, Jesua le Kadmiela hai, Bania hai, Hasabneia hai, Serebia hai, Hodia hai, Sebania hai, le Pethahia haiin, “Ngîr unglân, Rengpa nin Pathian chu kumtuanga hrangin inpâk roi. Chôiindômna le inpâkna murdiin a iphâk loi irhming roiinpui chu inpâkin om ri se,” an tia.

INPÂKNA HLAHAI 105:1

O, Rengpa kuang lômthu hril unglân, ar hming irlam roi; Mi tin laia khan a sinthohai kha inhriattir roi.

INPÂKNA HLAHAI 107:22

Anni khan lômthu’nsîr irbôlnahai kha inhlan sianlân, An sinthohai kha hla sakin hril ri se.

INPÂKNA HLAHAI 113:5

Rengpa ei Pathian Anchungtaka a toia;

INPÂKNA HLAHAI 148:13

Khahai murdi khan Rengpa irhming chu inpâk ri sehai, Ama irhming vai hi chôiindômin a oma; A roiinpuina khan irnêng le irvân a ikhêl zit a ni.

INPÂKNA HLAHAI 18:46

Rengpa kha a hring mai kêng; ki lungpui kha inpâkin om sianlân; A ni saninhringtu Pathian kha chôiindômin om ri se:

INPÂKNA HLAHAI 21:13

O Rengpa, ni hrâtnaa khan chôiindômin lei omin lân: Khanchu ni sinthotheina inpâkin hla sak kin ti.

INPÂKNA HLAHAI 22:31

‘Rengpa’n a mihai a saninzôk,’ tiin la’rzir hranghai hril an ti.

INPÂKNA HLAHAI 34:3

O, Rengpa chu nin pâkpui unglân, A’rhming kha chôiindôm suam ei ti.

INPÂKNA HLAHAI 40:5

O Rengpa ki Pathian, nangin sinirkhêl ni ithohai leh, keini tiang ni ngaituanahai hi a tam tak taka, Khahai kha ni makunga inlangtir zoi zât ni maka; Inhriattirin hril hrang ni inlân, Tep zoi zât ni no ni.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

INPÂKNA HLAHAI 57:5

O Pathian, nang chu irvân khêl tiang khin chôiindômin omin lân,

INPÂKNA HLAHAI 68:5

Pathian a omna irthianga om kha, Pa nei loihai Pa le meithâihai ngaituatu a ni.

INPÂKNA HLAHAI 73:28

Keima ta hrang rêkin chu Pathian nâi hi a isa a ni: Rengpa Pathian chu ki inzôknaa ki hmanga, Ni sintho murdi thu ki hril theina hrangin.

INPÂKNA HLAHAI 9:11

Rengpa, Zion-a om chu, inpâkin zâi unglân; Mi tinhai laia a sinthohai kha hril roi.

INPÂKNA HLAHAI 96:3

Nam tin laia a roiinpuizia hril unglân, Mi tinrênghai laia a sinirkhêl thohai kha hril roi.

INPÂKNA HLAHAI 97:9

Rengpa nang chu irnêng murdi chunga hin anchungtak ni nia: Nang chu pathian murdi chung taka chôiindômin ni om.

FESUAKNA 15:2

Rengpa chu ni changpuitu hrât tak a nia, Ki saninhringna a nia, ki Pathian a ni, ama inpâk ki ti, ki Pathian a ni, ama chôiindôm ki ti. Kin pahai Pathian a nia, a roiinpuizia hril kin ti.

FESUAKNA 33:19

Rengpa khan a sâma, “Ki roiinpuina vâr irkhêl ni matona intungtir ki ta, ki’rhming irthiang khom nangma inhriat hrangin inpuang ki ti, Rengpa ki ni hi, ni khonzana le satna ki inthanghai chunga ki inlangtir ngai a ni.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 2:11

Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

ISAIA 2:17

Mihriam irpâkna om ta no nia, An irngaiirsângna khom irhniamtir ni a ti.

ISAIA 24:15

Nisua tianga mihai khomin Rengpa chôiindôm an ta, Israelhai Pathian Rengpa irhming chu tuipui kôla omhai khomin inpâk an ti.

ISAIA 25:1

O, Rengpa, ki Pathian ni ni, nir hming chôindômin nan pâk ki ti, Thilirkhêl tamtak ni thoa, Tianlai ata ni lei irfûktir chu, Iamom takin hlo a chuk ngaia.

ISAIA 26:8

Rengpa khasikin ni nuam lam anga fe hrangin lampui zongin nang ki nghâk. Ni’rhming inhriat mai hi ki inuamtak a ni.

ISAIA 33:5

Chung tiang Rengpa chu a oma, a roiinpui vang na! Zion-a diktak le feltakin roi a rêl ta.

ISAIA 42:12

Chômbunga omhaiin Rengpa chu inpâkhai sian, chôiindôm ri sehai.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

ISAIA 66:19

Annihai kha irsinsiana inentirhai ki ta, an laia senkhat chu hôihai ki ti, nam dang laia, Tarsis, Pul,. Luda haia tîrhai ki ta, thal kâp theihai chu Tubala, Javan-hai chômbung hlataka ki’rhming lan hre ngai loihai laia le ki roiinpuina la hmu loihai laia tîrhai ki ta, nam tinrêng laia ki roiinpuizia lan puang an ti.

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

JOHANA 17:26

An kuang ni’rhming kin hriattira, inhriattir mai ki ti; nangin kei lung ni ni thungna ngei kha annia a oma, keima annia ki om theina hrangin,” a tia.