ISAIA 12:2 - PATHIAN LEKHABU IRTHIANG C.L. Bible (BSI)

² Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 12:2 ပူးပေါင်းရင်းမြစ်များ

2 SAMUELA 7:24

Khaang khan Israelhai chu kumtuanga ni mihai ni hrangin ni siamhai tâka. Nangma, Rengpa chu an Pathian ni nia.

JOBA 13:16

Hi hi ki saninhringna ni a ta, Pathian ngaisak no mi chu a makunga hin hong om no nihaia.

INPÂKNA HLAHAI 112:8

A milung kha a deta, chi no ni, Ama doituhai chunga a thu nuamlam ten a hmu mâka chu.

INPÂKNA HLAHAI 118:14

Rengpa chu ki hrâtna le ki hla a nia; Ama chu ki saninhringna a ni ta.

INPÂKNA HLAHAI 118:21

Nangma’n ni ni sâm tâk sikin ni kuang lômthu hril ki ti, Nang chu ki saninhringna ni ni tâka.

INPÂKNA HLAHAI 27:1

Rengpa chu ki vârna le ni saninhringtu a ni; tu mo ki ichi hrang? Rengpa chu ki hringna kulpui a ni; tu mo ki ichi hrang?

INPÂKNA HLAHAI 65:6

Sinthotheinaa konga khita, Mâni hrâtnaa tânghai indet ngaitu chu ni ni;

INPÂKNA HLAHAI 68:20

Pathian chu ei ta hrangin saninzôktu Pathian a ni; Thina ata suaknahai chu Rengpa Jehova ta a ni sa.

INPÂKNA HLAHAI 68:21

Khannisianlân Pathianin ama doituhai lu chu sât irphalphat a ta, A thiamloinaa la fe thiaia lu vun sam irbuk tak a ni.

INPÂKNA HLAHAI 83:18

Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.

FESUAKNA 15:2

Rengpa chu ni changpuitu hrât tak a nia, Ki saninhringna a nia, ki Pathian a ni, ama inpâk ki ti, ki Pathian a ni, ama chôiindôm ki ti. Kin pahai Pathian a nia, a roiinpuizia hril kin ti.

ISAIA 10:24

Khasikin, itinrêng Rengpa Pathianin hiang hin a ti: “Zion-a om ki mihai, Aigupta mihai itho angin, Assuria’n khianghrol leh nangni vîk khom sianlân, chi no roi.

ISAIA 17:10

Nangni saninhringtu Pathian nin irnghila, nin zôkna lungpui chu inhre nuam loiin. Enhoi takin irhuan nin sinhaia, nam dang pathian biak nin uara,

ISAIA 27:5

An râlhaiin keima ihrung an nuamin chu, keima hi ni hong irngeipuihai sian.

ISAIA 32:2

Phâivuapui a tho khoma an irbîkna hrang, ruapui lai ata an hul theina hrang, ramchâra tui luang le tângchâra lungpui raifân angin om an ti.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

ISAIA 38:20

Rengpa’n a nin dam ta, perkhuang sukin ama inpâkna hla sak ki ta, ki dam sûng chu Rengpa ina Ama inpâkna hla sak ki ti.

ISAIA 45:17

Rengpa’n Israelhai chu kumtuanga hrangin saninhringhai a ta, itiklai khomin mualinphoi no nihai,” a ti.

ISAIA 49:5

Ki suak mân khan, siahlo hrangin Rengpa’n a ni lei inkung ta; Jakoba chu hruai kîr hrang le Israelhai chu hruaikhôm hrangin Rengpa’n a ni chôiindôma, ki Pathian chu ki hrâtna hnâr a ni.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

ISAIA 51:12

Keima hi ki nih irtharngamna intungtu, a thi thei mihriam, pârhai anga mihring nâihai hi, ithoa mo nin la ichihai mai?

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 62:11

Nam tin inhriatin Rengpa’n an puang ta. Zion nâihai chu hril ro, “Rengpa’n nangni a hong san ta, a isansuakhai a hong hruaihaia. A irtan saihai an fâhai ta,” tiin.

ISAIA 65:18

Ki thilsiam thara chu, lômin râifân kumkhua ta nin ti. Lômna’n Jerusalem ki siam inthara, a mihai khom lôm mai an ti.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

JEREMIA 23:6

Rengin a toi tena chu, Juda mihai chu zôk riam ta an ta, Israel mihai chu irtharngamin om ta an ti. Ama chu, ‘Rengpa ei saninhringna’ tia koi ni a ti.

JEREMIA 3:23

Tâng sîpa kin millim chubai mûkhai khan ni sâm thei viat mahai. Israelhai hranga changpuina chu Rengpa kin Pathian kuanga irthokin a izuang hrang a ni.

DANIELA 3:28

Rêng Nebukadnezara’n thu a hrila “Sadraka, Mesaka le Abednego hai Pathian chu inpâkin om ri se; ama’n irvân tirtônhai a zuang tîra; a siahlo a sinthotuhai chu a sansuaka, kha mihai khan an Pathian ti no chu pathian dang sintho loiin, chubai khom mûk loiin, an taksa an inhlan ngama.

HOSEA 1:7

Juda sûngkuahai rêk chu inren ki ta, thal ngul mani, khandai mani, irdoina mani sakor mani, sakor chung chuang mi mani anni saninhring loiin, Rengpa an Pathian khan saninhring ki ti, a tia.

JOELA 2:23

Nangni, Zion nâihaio, lôm roi, Rengpa nin Pathiana khan raiinfân roi: rotui masa kha a ruk bakin nangni a pêka, nin ta hrangin rua an thotira, tha khatnaa rua masa le rua hnungkhôn kha.

JONA 2:9

Kei rêkin chu lômthu insîrna irhâi leh ni kuang irbôlna inhlan ki ta; Thu ki inkung tak kha hlensua ki ti. Saninhringna kha Rengpa ta a ni,” tiin.

HABAKUKA 3:18

Rengpaa khan raiinfân ki ta, ki saninhringna Pathiana khan lôm ki ti.

ROM KHUAA MIHAI KUANGA TÎRTÔN PAULA LEKHATHON 1:16

Thurchi Sa hi inzakpui ma ung, tukhom, a iam murdi saninhringna hranga Pathian sinthotheina a nia; Judahai hrangin a ni phota, Jentailhai hrang khom a ni nôka.

1 TIMOTHEA toc2 1 TIMOTHEA 3:16

Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.

THUPHUANG 7:10

Khahai khan hnukirhai inring takin, “Saninhringna hi ei Pathian, rêngtoihmuna toitu le Belrate kuanga irthoka a ni,” tiin an khêka.

1 SAMUELA 2:1

Hani kha a chongchaia, “Rengpa chunga ki lungrîl a lôm tak taka, ki hrâtna chu Rengpa chôiirsângin a om ta, ki râlhai chu ki bâiin a phenênga, Pathian saninhringna khan ki lôm tak tak a ni ta.