ISAIA 12:1 - PATHIAN LEKHABU IRTHIANG C.L. Bible (BSI)

¹ Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 12:1 ပူးပေါင်းရင်းမြစ်များ

NEHEMIA 8:10

Khanchu an kuang khan, “Fe unglân, thil thâi fa unglân thil thum in roi, ite suang hrang boihai hrangin thonhai unglân, a vuan hin Rengpa ta hrangin sûn irthiang a ni, nin milung insiat no unglân; Rengpa chunga lômna kha nin hrâtna a ni,” a tia.

JOBA 11:16

Ni dengtheinahai irnghil ni ta, Tui luang angin inhre thei mai ta ni ti.

JOBA 13:16

Hi hi ki saninhringna ni a ta, Pathian ngaisak no mi chu a makunga hin hong om no nihaia.

INPÂKNA HLAHAI 30:5

A ninginmur kha mitkhap kâr vai a nia; A indit bîknaa khan hringna a om ngai: Chapna hi riak hrangin khohloi tiang a hong lût theia, Zînga chu raifânna a zuang tung ngai.

INPÂKNA HLAHAI 71:21

Nangin ki roiinpuina nin pung pe’n lân, Zuang irhei nôkin irtharngamna ni pe ro.

INPÂKNA HLAHAI 85:4

O ni saninhringtu Pathian, nir heikîrtirin lân, Kin chunga ni ninginmurna chu inmong roh.

INPÂKNA HLAHAI 86:17

Ni ni ikan bîkna inlangtirin lân; A ni khôkmâktuhaiin kha kha hmu an ta, an mualinphoina hrangin, Rengpa, nangin ni ni changpuia, irtharngam ni ni sak sikin.

INPÂKNA HLAHAI 9:1

Rengpa kuang khan ki milung murdi’n lômthu insîr ki ti; Ni sinirkhêl tho murdi chu hril ki ti.

ISAIA 10:25

Zoro sôtnotea chu ki ningmurna hek a ta, an chunga thuanhai ki ti.

ISAIA 10:4

Sala om hranga an ichelhai laia om nin ta, an ithathai laia om nin ta, kha dôr khom khan Rengpa ningmur chum pe maka, a kut a la’rlek maia.

ISAIA 11:16

Aigupta ram rengata Israelhai an suak theina hrangin, lamlian a iom ang khan, a mi la omhai hrang Assuria ram ata khom, lamlian om rum thei ta a ti.

ISAIA 14:3

Khanchu, ni beidongna irthokin, sin intak inthotirnahai ata, Rengpa’n a’rngamtirhai nikhuaa chu hiang hih la ni a ti.

ISAIA 2:11

Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

ISAIA 25:1

O, Rengpa, ki Pathian ni ni, nir hming chôindômin nan pâk ki ti, Thilirkhêl tamtak ni thoa, Tianlai ata ni lei irfûktir chu, Iamom takin hlo a chuk ngaia.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 26:1

Kha zoiin chu hi hla hih Judai rama sak an ti: “Khopui iamom taka ei lênga, ei zôkna hrangin kul bang a ni siam pea.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 54:7

Zoro sôtnote nang ki mâksana, lung nang kin kham hrai sikin, nang koi nôk lat ki ti.

ISAIA 54:8

Ki ning an mur hrai sika nang ki irotsan viat a ni, lungthungin kumtuangin nan ren mai ki ti, nangma irtantu Rengpa’n a ti.

ISAIA 54:9

Nova dam lai khan irnênga tui sip ta loi hrangin thu kin kunga, ningmur taka irchu ta loi hrang atûna ki inkung hi, nang an rentu Rengpa’n a ti.

ISAIA 60:10

Nam danghaiin ni kul banghai hong sin nôk an ta, rênghai khomin ni sin tho an ti. Ki ningmur hraiin nang ki vîk nâkin, irsîrin lung nang kin kham nôk ta.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 64:5

Thildik tho nuam, ni nuam lama omdân theihai, ni lei lôm ngai. Kin chunga chu ni ning an mura, kin sual nuam hrai sikin, zoro sôttaka sual tâkhai hi saninhring kin la ini thei hrang mo?

ISAIA 65:18

Ki thilsiam thara chu, lômin râifân kumkhua ta nin ti. Lômna’n Jerusalem ki siam inthara, a mihai khom lôm mai an ti.

ISAIA 66:13

Nâi a in-ôi ang hin keima’n nangni in-ôi ki ti, irtharngam takin Jerusalema khan om ta nin ti.

JEREMIA 30:19

Kha hmun ata kha lômthu hrilna le raifânna irhâi hong suak a ta, ama chu inpungtir ki ta, hek thei ual ta no nia, roiinpuitir ki ta, nâiinpang no nihai.

JEREMIA 31:13

Dôngmate chu raifânin lâm a ta, ruatharte le tarhai khom lôm an ta, an chardongna lômna inchangtir pehai ki ta, an beidongna irtharngam sakhai ki ti.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

ZAKARIA 1:16

Khasikin Rengpa khan hiang hin a iti a ni: za’rngaina le Jerusalem tiang ki’rhei lai a nia, kha khan ki in kha sin a nia, ti hi Sipaihai Rengpa thu suak a ni: khan, Jerusalem chunga khan irkhîna khianghrol kaiinding ni a ti.

ZAKARIA 14:20

Kha tena chu sakor silnianghai chung tena khom hi thu hi irziak ni a ti. “Rengpa ta hranga inhlan,” ti hi. Tempila bu anh suangna bêlhai chu maichâm kôla tâborhai ang dêna irthiang ni ta a ti.

ZAKARIA 14:9

Khan Rengpa chu irnêng chung murdia rêngin om a ta; mi tinin Pathian angin ama chu biak an ta, ar hming khom inkhat vai ni a ti.

ZAKARIA 8:11

Khannisian atûn chu, hi irchi la omsunhai hi chu kha nikhuaa ki ilohai ang khan chu lôhai ta no ning.

ZAKARIA 8:19

“Juda mihai ta hrangin tha minlinaa le, tha ringanaa le, tha sarinaa le tha sômnaa bungheina hi lômna le râifânna kût ni a ta, khasikin dikna le irngeina hi irngaiinnat roi,” tiin.

ROM KHUAA MIHAI KUANGA TÎRTÔN PAULA LEKHATHON 11:15

Anni pai thâkna lua rammual hi Pathian ruala siam nôkna a ni’n chu, anni lômlût nôkna chu thina ata hring nôkna ni no ni mo?