ISAIA 11:9 - PATHIAN LEKHABU IRTHIANG C.L. Bible (BSI)

⁹ Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 11:9 ပူးပေါင်းရင်းမြစ်များ

JOBA 5:23

Irnêng pil ni ituknaa khom lung om no nia; rama sahrâng khomin nang doi no nihai.

INPÂKNA HLAHAI 72:19

A’rhming roiinpui tak hi kumkhua’n inpâkin om sa sianlân; Irnêng pumpui khom hi a roiinpuinaa insipin om ri se. Amen, Amen.

INPÂKNA HLAHAI 78:54

Khan, a hmun irthiang ramri kha a hruai intunga, Hi tâng, a kut chang tiang a ilâk hi.

ISAIA 11:13

Efraima hnarsa siatna om ta no nia, Juda doihai ngai khom om ta no nihai. Efraima’n Juda chu hnarsa ta no ni. Juda rêngin Efraima chu inbuai ta no ni.

ISAIA 11:8

Irhnu nêk laihai khom soksapho kôla lêng suam an ta, irhnu mâk chakhaiin sokngân kuaa an kut sia an ti.

ISAIA 2:4

Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

ISAIA 32:16

Ramchârna hmuna diktakin roirêl an ta, ram satnahai khan diktakin sintho an ti.

ISAIA 33:6

Nin zoro vongtu a ni, a mihai chu a hrunghaia, vârna le inhriattheina a pêka, Rengpa chi hih an irchon hlutak a ni.

ISAIA 35:9

Khatak khan chu kâmkeibaknei om maka, ram sahrâng khom hong ngam no ni. Hmu hrang khom om no ni. Irtan saihai fena lampui a nia.

ISAIA 45:6

nisua tiang ata nitâk tiang dênin, Keima ti no chu Pathian dang zel om mahai ti mihaiin inhre thei an ti, Keima ti no chu Pathian dang rêng om mahai.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

ISAIA 54:5

Nang a siamtu chu ni pasal ni a ta, A’rhming chu itinrêng Rengpa a ni. Israelhai irtantu, mi irthiang, irnêng pumpui Pathian iti a ni.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

ISAIA 59:19

Rengpa irhming roiinpui chu sak le thanga mi’n chi an ti. Rengpa phûkin, tuilian a isêm angin, chardongna chu hong tung a ti.

ISAIA 65:25

Inê le kêlbelra hmunkhatin om an ta, kâmkeibaknei khomin sehrât angin fapôl fa a ti. Mirûlhai khomin nêngpil hi bu’n ngam an ti. Ki tâng irthianga khan, thil saloi le natnahai om ta no ni, Rengpa’n a ti.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

JEREMIA 31:23

Itinrêng thothei Rengpa Israelhai Pathianin hiang hin a ti, “An sal intângna ata ki hruai kîrhai nôk tena chu Judai ram le a khopuihai ata chu hianga chongbâi hi hmang an ti, ‘O mi dikhai omna hmun, o tâng irthiang, Rengpa’n sat nang vur ri se,’ tiin.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

EZEKIELA 34:25

Lungthi taka an omna hrangin an kuang thuthung siam ki ta, ki belrahai chu zôka an om theina hrangin le ram hnuaihaia an riak theina hrangin, ram sûnga ramsa murdihai chu irzûlpaihai ki ti.

EZEKIELA 47:5

Kha hnung chu mûk sângkhat dang ar khi nôka, kha tui kha chu an thûk sabak tâk sikin pal thei ta ma unga, irhliai ti no’n chu irkân lam om thei ta maka.

DANIELA 11:45

Khan Tuipui le tâng irthiang roiinpui tak kâra khan a rêng puan in chu sung a ta, khannisian a mongna tung a ta, tûte’n san thei ni no ni.

DANIELA 12:4

Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia.

HOSEA 2:18

Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.

JOELA 3:17

Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

HABAKUKA 2:14

Tuikhanglian kha tuihaiin a isip angin, Rengpa roiinpuina inhriatna khan irnêng hi a isip hrang a ni.

ZAKARIA 14:9

Khan Rengpa chu irnêng chung murdia rêngin om a ta; mi tinin Pathian angin ama chu biak an ta, ar hming khom inkhat vai ni a ti.

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

1 THESALONIKA 5:15

Tukhomin tu sual khom suala thuan loi hrangin irdîn unglân, itiklai khomin thil sa tho’rhlômin mi murdi chunga thil sa tho mai roi.

THUPHUANG 21:27

Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.