ISAIA 11:6 - PATHIAN LEKHABU IRTHIANG C.L. Bible (BSI)

⁶ Inehai chu kêlbelrahai leh omsuam an ta, kâmkei le kêl khom kual suam an ti. Sehrât te le kâmkeibaknei têhai chu, satêhai leh omsuam an ta, Nâipangtein hruaihai hluk a ti.

ISAIA 11:6 ပူးပေါင်းရင်းမြစ်များ

JOBA 5:23

Irnêng pil ni ituknaa khom lung om no nia; rama sahrâng khomin nang doi no nihai.

ISAIA 2:4

Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

ISAIA 65:25

Inê le kêlbelra hmunkhatin om an ta, kâmkeibaknei khomin sehrât angin fapôl fa a ti. Mirûlhai khomin nêngpil hi bu’n ngam an ti. Ki tâng irthianga khan, thil saloi le natnahai om ta no ni, Rengpa’n a ti.

EZEKIELA 34:25

Lungthi taka an omna hrangin an kuang thuthung siam ki ta, ki belrahai chu zôka an om theina hrangin le ram hnuaihaia an riak theina hrangin, ram sûnga ramsa murdihai chu irzûlpaihai ki ti.

HOSEA 2:18

Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.