ISAIA 11:4 - PATHIAN LEKHABU IRTHIANG C.L. Bible (BSI)

⁴ Inrianghai chu diktakin rêl pehai a ta, a ram sûnga mi irngaiin tômtehai khom chôiirsânghai a ti. Ama thua om nuamhai chu irnêng hi vîkhaina a ta, mi sualhai chu sêm thathai a ti.

ISAIA 11:4 ပူးပေါင်းရင်းမြစ်များ

2 SAMUELA 8:15

Davida khan Israel mihai chunga roi a rêla, mi murdi chunga khan fel takin roi a rêla.

JOBA 15:30

Inthim ata hong suak no nia, Meiri-alin a ônhai kâng irhmang a ta, A chongbâi suakin ama chu hruai a ti.

JOBA 4:9

Pathian phûka an irhmang ngaia, ningmurna sêmin an irhmang ngai.

INPÂKNA HLAHAI 110:2

Rengpa khan ni hrâtna hnukirhâi chu Zion tânga irthokin tîr suak a ta; “Nangma’n nang doituhai chunga roirêl ro,” tiin.

INPÂKNA HLAHAI 18:8

A hnâr ata meikhu an ding ngut ngut tâka, A bâia suak mei khan a kâng zuak zuak tâka, Kha khan meihol khom a’raltir zur zur tâka.

INPÂKNA HLAHAI 2:9

Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

INPÂKNA HLAHAI 76:10

Mihriam ninginmur khan nang a roiinpuitir uala, Ning nin murin a hmâihai chu irkhit a ti.

ISAIA 1:17

Sin sa sin irchu unglân, a dik hi irzûl roi. A boihai sanhai unglân, farahai roirêl indikpuihai roi, meithâihai sanhai roi.

ISAIA 13:11

Hnuai hi a sual sikin hrem ki ta, mi sualhai khom an sual sikin hremhai ki ti; mi lârirpâkhai irsongna chu inboi ki ta. Mi nunsia le irpâkhai chu irhnuai an ta.

ISAIA 14:30

Rengpa’n a mi inriang chaninvâihai infâhai a ta, chardonghai chu irtharngam takin irngam ta an ti. Nangnihai chu nin nâihai le châmin thi nin ti, a la thi thei loihai chu tuk thathai ki ti.

ISAIA 16:5

Khanchu rêngtoihmun kha chu, inren irhlômna pungin om a ta, kha ina Davida puan ina khan, mi inkhat roirêlin, roirêlna fel zongin, thil fel inrangtaka thoin, toi a ti.

ISAIA 2:4

Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

ISAIA 26:6

Ama khan ke’nbâihai an irvâka, an inuamna tiang an pan ngai.

ISAIA 29:19

Inrianghai Rengpaa khan lôm an ta, invâihai khom Israel mi irthianghai kôla lâm an ti.

ISAIA 3:14

Rengpa’n an ulianhai le an hruaituhai chung thu a hong rêla. Nangnihai hi grep irhuan inram zoitu nin ni, mi inrianghai thil nin lâka, nin ina nin bukkhôma.

ISAIA 30:28

A phûk irhâi chu tuilian lêt angin, ring tena tuia lût ang hi a ni. Nam tin theithâkin insiattir a ta, an bâia sakor thîrkam sê an ta, hruaihai a ti.

ISAIA 30:31

Assuria-haiin Rengpa irhâi an inhriatin chu chipumin inthing an ta, a ningmur chu tuang an ti.

ISAIA 30:33

Assuria rêng hâlna hrang meipui irsiam sai a ni tâka, thing tamtak an thîn sa maia, a kâng hrangin Rengpa’n mei le kât ir-al tui angin zuan luangtir a ti.

ISAIA 32:1

Irngai roh rêng dik inkhat hon lal hrang a ni. A ulianhai khomin diktakin roirêl an ti.

ISAIA 32:7

Mi huatirhamhai huatirhamna chu an thûk bâka! Thil sual tho an tum maia, minlakin inrianghai insiathaia, invâihai dika omhai khom insiat an tum ngai.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

ISAIA 40:7

Rengpa phâivua’n a zuang zâpa, sûlhring a thêma, pârhai a chuai ngai. A ni, mihriam hi chu sûlhring anga om an ni.

ISAIA 49:2

Ki thu khom khandai ngaih tak an changtira, A kut zapha kâra a ni siaa, thal irzumtak angin a ni hmanga, a thal siana koka a ni thup ta.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

JEREMIA 33:15

Kha tena chu Davida irchi fel tak kha rêng hrangin inthang ki ta, kha rêng khan a ram pumpui huapin a dikna le felna chu insua a ti.

JEREMIA 5:28

an marin an isa a ni ta. Thil saloi an itho khan a ruk tah ti nei loiin, farahai dongtum pehai loiin, mi sirdea omhai khom irhruaina dik hmu mahai.

HOSEA 6:5

Khasikin, deipuhai hmangin anni kha nôia; ki bâia thuhaiin anni kha ki ithat a ni. Ni chunga roirêlnahai kha vâr fe suak zut zut ang a ni.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

MALAKIA 4:6

Ama khan pahai lungrîl kha nâihai lungrîl tiang irnghattir a ta, nâihai lungrîl kha an pahai tiang; khano’nchu ki zuang hin ram kha khuasâlin zuang hremna lik ki ti”, tiin.

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

MATHAIA 5:5

“Thuhnuairôlhai chu an vân a sa e, Pathian chonginkung kha an la hmu hrang sikin.

TÎRTÔNHAI SINTHO 9:1

Saula chu Rengpa irchutirhai kha that hrangin a lan sîhai thiaia. Ochai inlal tak kuang a fea,

2 KORINTH 10:1

Keima, Paula, nin laia ki oma nin chunga irngaiintôm le dâiriama oma, nin kuanga ki om no le nin chunga lum raka om ngaitu an iti hin Krista thuhnuairôlna le nunhoina songin nangni ki ngên a ni.

GALATIA 5:23

thuhnuairôlna hai insumtheina hai a ni. Khaang tianga Dân irkal om mah.

2 THESALONIKA toc2 2 THESALONIKA 2:8

Kha zoro tika chu Dân insiatpa kha hong inlang a ta, khannisian ama kha Rengpa Jisua’n hong that a ta, a zuang nôkna roiinpui taka khan zuang irhmangtir a ti.

TITA toc2 TITA 3:2

Tûte hrilsiat loia, irngeisîpa rual irchanga, mi tin chunga zâidam hrangin ti pe roh.

JAKOBA toc2 JAKOBA 3:13

Nin laia vârna le inhriat thiamna nei mo an om? Om dân sa le thil sa tho’n thiam tak le thuhnuairôl takin inlangtir ri se.

THUPHUANG 1:16

A kut chang tiang ârsi sari a chôia; a bâia irthokin khandai bê hni nei ngaih tak a hong suaka, a hmêl chu misa hrât lai tak ang a ni.

THUPHUANG 19:11

Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.

THUPHUANG 19:15

A bâia irthokin khandai ngaihtak a hong suaka, ama khan nam tin inhnê a ti. Thîr khianghrolin an chunga roirêl a ta, Pathian Itinrêngthothei ningmur inrikna grep sômna khura khan sirpha a ti.

THUPHUANG 2:16

Khasikin ni sualna ata irlet roh! Ni’rlet no’n chu ni kuang zuang ki ta, ki bâia khandai khan anni kha ki zuang idoi hrang kêng.