ISAIA 11:14 - PATHIAN LEKHABU IRTHIANG C.L. Bible (BSI)

¹⁴ Nitâk tianga om Filistia chu doi intam nôk an ta, nisua tianga omhai khom rok pehai an ti.

ISAIA 11:14 ပူးပေါင်းရင်းမြစ်များ

ISAIA 14:29

Filistia mihaio, nangni an ivîkna hmol a kiak ta, râiinfân mai no roi, mirûl chu thi khomsian, a tûr la hong hring thei a ta, a irtui ata rûl vânvuang la hong chang a ti.

ISAIA 15:1

Moab chungthu chu zân khat sûngin Ar khua soisakin a oma, Moab chu a dok taa, zân khat sûngin Kir khua khom soisak a nia, Moab chu a dok nôk ta.

ISAIA 16:14

Atûn hin chu Rengpa’n, “Irhloa a kum inkung kum thum sûngin Moab roiinpuina chu om ta no nia. Mi tam zaphai khom sian a thi zoi loi mi tômte an la oma, a la omhai khom ite tho thei ta no nihai,” tiin a hrila.

ISAIA 25:10

Rengpa’n Zion tâng hi saninzôk a ta, Moab chu fapon êk khura an ipai ang hin chîlin pai a ti.

ISAIA 33:1

Thil la’rhmang ngai loi, mi ta rok pehai ngaio! Mi ihuang ngai loi, mi huanghai ngai hin, nin rok zoiin chu inrûkna tong nin ti, nin huanghai zoiin huangin om nin ti.

ISAIA 59:19

Rengpa irhming roiinpui chu sak le thanga mi’n chi an ti. Rengpa phûkin, tuilian a isêm angin, chardongna chu hong tung a ti.

ISAIA 60:14

Deng nan theitirtu irchihai chu kûnin ni kuang hong an ti. Nang a hnuaisiahai ngai chu, ni ke bula khûksadelin om an ti. “Rengpa khopui, Israel mi irthiang Zion,” nang ti an ti.

ISAIA 63:1

Tu moh Edom khopui, Bozra khua ata puan sen vung sil a hong so? roiinpui takin a’rvoa, a hong vut vut so. “Keima ki ni, saninhringtu roiinpui, ki inhnê tâk thu ki inpuang a ni”.

ISAIA 9:12

Nisua tianga Suria, nitâk tianga Filistia Israelhai doi hrangin an bâi an âng khumhaia. Kha dôr khom khan Rengpa ningmurna hek maka, a kut a la irlek mai a ni.

JEREMIA 40:11

Khaang khan, Israel mi tin Moab, Edom le ram danga omhai khan Babulon rama rêng mi tômte Judai rama a mâk thu le Ahikama nâipa Gedalia, Safana tupa chu khahai optu hrangin an inkung a nih ti a lei inhriata.

JEREMIA 48:40

Rengpa’n chong an kunga, irmu’n a mitha phar dûr angin hi Moab chu nam inkhatin a inbo hrang a nia,

JEREMIA 49:2

Nikhua chu a hong itung thiai a ni, kha ni khan chu Raba khopuia mi omhai chu irdoina irhâi inhretirhai ki ta, mâkin om an ta, a khuahai chu hâlpai ni an ti. Khanchu Israelhai khan an kuang ata a lâk pehaia irthokin an ram chu lapai nôk an ti.

JEREMIA 49:22

Bozra chu râlhaiin irmu a mitha phar puma a inbôhai angin, an idoi hrang a ni. Kha nikhuaa khan Edom sipaihai chu nupang nâiha isê irtha’nvâi ang hin om a ti,” a tia.

JEREMIA 49:28

Khan Kedara nam le Hazor thuhnuaia om ram bunghai, Babulon rama rêng Nebukadnezara’n a ilâkhai chungthua Rengpa’n a iti chu hi hi a ni: “Kedar mihai chu doi unglân, nisua tianga mihai nam kha insiat roi!

EZEKIELA 25:14

Ki mi Israelhaiin ki phuba lâk chu Edom-hai chunga intungtir an ti. Khan Edom-haiin ki phuba lâk hi itin mo a ini ngai ti inhresuak thei an ti,” Rengpa Pathianin a ti.

DANIELA 11:41

Ram roiinpui khom lûtkhum a ta, tamtak that ni a ti: khannisian a kut ata hihai hi sansuak ni an ti: Edom, Moab, le Amon mihriam sahai chu.

JOELA 3:19

Juda nâihai chunga saloi taka thoa an rama mi thiam thisen an insua sikin, Aigupta ram kha hong ram a ta, Edom ram kha ramchâr ram chârkhohroi nih a ti.

AMOSA 9:12

Edom hmuna la omhai le ki’rhminga koi nam murdihai kha an nei theina hrangin,” a tia.

HABAKUKA 1:8

An sakorhai khom kâmkeite nêkin an chaninrang uala, khohloi tianga inêhai nêk khomin ichi an om ual; An sakor chung chuanghai kha an hong chum thiar thiara: A ni, an sakor chung chuanghai kha hlatak ata hong an ni; Irmupui âr chel hrang angin an zuang hrâta.

ZEFANIA 2:5

Tuipui kama om Keret namhai kha an chung a rik e! O Kanaan, Filistia mihai ram, Rengpa thu kha ni chunga a zuang itung a ni; Luatu omloi rakin nang inboipai ki ti.

ZEFANIA 2:7

Khanchu, tuipui kam kha Juda sûnghaia la omsunhai ta hrang ni a ta; kha khan an belra rualhai kha tâk an ta, khohloi tiang chu Askelon khua inhaia riak an ti; Rengpa an Pathian khan hong hro a ta, An sal intângna kha irletpai a ti.

ZEFANIA 2:9

Khanchu, a nuna kin nun sûng chu, Moab kha Sodom ang ni a ta, Amon nâihai kha Gomora ang ni ngêt ngêt an ta, an ram kha hloisûla sip, michi khur le kumkhua lualoi ang ni a ti: Ki mi la’rkholhai khan anni kha râllâk an ta, ki nam la omsunhai khan lua an ta, tih hi Sipaihai Rengpa, Israelhai Pathian thu suak a ni.

NAMBAR 24:17

sûnmaton tiang ki ena, Israel namhai ki hmua; ârsi vâr tak anga rêng kha nam ata la suak a ta, sim tianga meikhu angin Israel ata hong suak a ti. Moab hruaituhai kha doi a ta, Setha mihai chu lan hnêhai a ti.

MATHAIA 8:11

Nangni ki hril, sak le thang ata mi tamtak hong an ta, irvân Rama khan Abrahama, Isaka, Jakoba hai leh hruaithe la otsap an ta;

ROIRÊLTUHAI 6:3

Khan, Israelhaiin chîmu thil an tho’n chu Midian mihai, Amalek mihai le Ramchâra om mihai chu an hong fea, an hong doihai ngai.