ISAIA 10:6 - PATHIAN LEKHABU IRTHIANG C.L. Bible (BSI)

⁶ Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

ISAIA 10:6 ပူးပေါင်းရင်းမြစ်များ

2 SAMUELA 22:43

Anni chu irnênga vâiphin angin ki suk india, kholaidunga dialdôk ang dôrin ki sirchîlhai chita.

2 RÊNGHAI 18:25

Nin ram kin hong rûna, ki ilâk hi Rengpa thu a ini loi ma ni? Ama Rengpa ngêtin, hong rûnin lân, la ving ro; a ni iti a ni,” a tia.

ISAIA 19:17

Itinrêng Rengpa’n Aigupta a isoisak hrang dân, ar hâi an inhriat viat khomin Judai ramhaiin lei chi an ti.

ISAIA 22:5

Inlârna irhôra hin chardongna nî mi hruaia omin, Rengpa itinrêng Rengpa’n a hong intungtir ta hi te. Khua kul banghai chu an suk siata, chardong irhâiin tâng tin an tor zoi ta.

ISAIA 24:5

A sûnga omhaiin irnêng hi an porinchetira, dân zôm loiin thupêk khom pom nuam mahai, kumkhua Thuthung ite bêa bê loiin.

ISAIA 29:13

Rengpa’n hiang hin a ti: “Hi mihai hin an bâi vaiin an ni nâia, an hmûr vaiin an ni chôiindôma, an lungrîl chu hlatak a ni. Mihriamhai thupêk ang ringota an ni insâp a ni.

ISAIA 32:6

Mi sualin chu thu siat a ngaituaa, thil saloi tho hrang ar ngaitua ngai. A sintho le a bâi suak chu Rengpa êsêl lam a ni; phîngchâmhai fâk hrang a lâkpaia, tuiinhrâlhai in hrang a bunpai ngai.

ISAIA 33:1

Thil la’rhmang ngai loi, mi ta rok pehai ngaio! Mi ihuang ngai loi, mi huanghai ngai hin, nin rok zoiin chu inrûkna tong nin ti, nin huanghai zoiin huangin om nin ti.

ISAIA 33:14

Zion-a om mi sualhaiin an chia, sakhua ngaipoimo loihai chu inthing an ti. “Ei laia tuhai hin mo a ningmurna mei tuang thei hrang? Kumtuanga chok mai hrang hih tu mo tuang zoi hrang?” ti an ti.

ISAIA 41:25

Nisua tiang ata mi kin pungtira, Ki’rhming sâmin, hmâr tiang ata khom mi hong an ti. Bêl vuaktu’n pil a isir chîl angin roirêltuhai chu dialdôka sirchîlin.

ISAIA 49:17

An siat nuamtu nêkin a sin insa nuamtuhai chu, an irhnot ngai a ni. An siattirtuhai chu nangni rotsan lat an ti.

ISAIA 49:25

Rengpa’n hiang hin a ti: “Mihai râl doi chu sutpai ki ta, mi hrât kuta om khom hnûkdok ki ti. Nang a doituhai chu doihai ki ta. Ni nâihai chu keima’n saninhringhai ki ti.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

ISAIA 5:29

An khêk irhâi khom kâmkeibaknei inrûm ang a ni, an sa sê lai chu inrûm pumin an irputpaia; tûte sut thei zât ni mah.

ISAIA 5:5

Itin ual takin mo ki la isoisakhai hrang? Nang hong hril nôk ki ti, a dôn chin ki ta, inramtir ki ti, a dôn irdoihai insiatpai ki ta, ramsahaiin sirpha an ti.

ISAIA 63:3

Keima khomin nam danghai chu grep ra angin ki sirchîl chit a ni. Tûte’n ni changpui mahai, ki ninginmurna, ki sirchîl chita, ki ning an mura ki sirbe chita. An thisenin ki tukfamhai a ni khian nenga, ki tukfamhai a porinchetir zoi ta.

ISAIA 63:6

Kha mihai kha ningmur pumin ki sir chîlhaia, ki ningmurin an inruia, an thisen chu hnuai chunga a iluang zoi a ni ta.

ISAIA 7:17

Rengpa’n nang le ni mihriamhai le ni pa in mihai chunga, Efraimahai chu Judai ram ata an infelhai zoiin chu, la om ngai loi intakna intungtir hrang a ni; Assuria rêng chu hong hruai a ta.

ISAIA 8:4

Nâisen khan, “Ka nu, ka pa a ti thei mân Damaska irchongna le Samari khua ata râllâk sum an lâk hrang chu Assuria rêng kuanga tung a ti,” a tia.

ISAIA 8:8

A kuang bit a ta, liam irhlei ni a ti. Judai ram tiang panin, dîlhai a ti. An ring phâkin a ram pumpui dîlhai a ti. Ni ram chunga a mitha phar duai a ti. O! Immanuel ni ram irzat rêng rêng chu boi ving a ti.

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

ISAIA 9:19

Itinrêng Rengpa ningmurna khan, ram chu an kângtira, mihriamhai chu hâl hranga irtikkhôm mai mai an ni. Tûte mâni urênghai khom san thei loiin;

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 3:10

Hihai zoia hin Israel zuarpuinu, iamom loi Juda chu tumna diktakin ki kuang hong kîr tum loiin tumna milak thoa hong kîr tumin,” keima Rengpa’n ki iti a ni ta.

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

JEREMIA 4:14

Jerusalem ni lungrîla irthokin sual infâi ro, khanchu saninzôkin om ni ti. Idôr mo ni ngaituana sual hi a la iom hrang?

EZEKIELA 29:20

Keima ta hranga sin a lei thôna sikin, Aigupta ram chu pe ki ti. Kei Rengpa Pathian hin ki iti a ni.

EZEKIELA 38:12

Khanchu matona khopui siat hai, khataka om mihai chu longindarin, râllâk sumhai la ni ti. Khahai kha nam tinhai lai ata hruaikhôm an nia, atûn chu sahai le irchonhai neia, rammual laitaka om chu a ni.

EZEKIELA 38:13

Khanchu Seba le Dedan mihai le Tarsis khopuihai ata sum bepâr thotuhaiin, ‘Thil hluhai la hranga ni ihong mo? sumtakhai, rângachak hai, sahai le irchonhai la hrangin ni sipaihai hi ni hong ituanghai mo? kha thil hlu murdihai kha la hranga hong mo ni ini?’ tiin nang sâm an ti,” a tia.

MIKA 7:10

Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.

HABAKUKA 1:12

O Rengpa ki Pathian, ki mi Irthiang, kumtuang mi ni ini loi ma ni? Thi ngai mak che. O Rengpa, nangin anni kha roirêlna hrangin nin thang tâka, O Lungpui, nangin anni kha ni sep hrangin ni inkunghai an ni.

ZAKARIA 10:5

Sipaihaiin an râlhai lampuia dialdôka an ichîlhai angin, Juda mihai chu zoina changin la om an ti. Rengpa chu anni tiang a om sikin la doihai an ta, râlhai sakor chung chuang mihai ten khom lan hnêhai an ti.

MATHAIA 15:7

Nangni vârirlethaio, Isaia’n nin chungchâng a lei insîr kha a dik kêng!