ISAIA 10:20 - PATHIAN LEKHABU IRTHIANG C.L. Bible (BSI)

²⁰ Kha ni tena Israel la dam sunhai le Jakoba irchi a thi zoi loi la omhaiin, anni soisaktuhai iam ngam zoi ta no nihaia, Rengpa Israel mi irthiang chu iam mai thei ta an ti.

ISAIA 10:20 ပူးပေါင်းရင်းမြစ်များ

2 RÊNGHAI 16:7

Ahaza’n Assuria rêng Tiglat Pilesera kuang palai a tîra, “Ni siahlo, ni nâi ki ni, Suria rêng le Israel rêngin an ni doia, khasikin anni kut ata hi ni sansuak ta ro,” a tia.

2 RÊNGHAI 19:31

Jerusalem ata la dam suak hrang an oma, Zion tânga a thi zoi loi an iom ngêt hrang a ni. Rengpa sathnem irngaina’n hi thil hi a itho ngêt hrang a ni.

2 THURCHI SUINA 14:11

Asa chu a Pathian Rengpa kuanga a chongchaia, “O Rengpa sipai hrât loihai, hrât taka inchangtir theitu, nangma ang hi tûte om mahai. O Rengpa kin Pathian, ni zuang changpui ro, nangmaa hin kin irnghata, nangma irhming sâmin hi mihai doi hrangin kin irthok a ni. O Rengpa kin Pathian ni nia, mihriamin nang ngam no ri sehai,” a tia.

2 THURCHI SUINA 28:16

Kha laia khan rêng Ahaza chu ama changpui hrangin Assuria rênghai a koia.

2 THURCHI SUINA 28:20

Assuria rêng Tiglat-Pilesera chu Ahaza chu va san nêkin intakna an tungtir pea.

EZRA 9:14

ni thupêk kin insiat zoi khom hin hianga thil intirom thotuhai leh hin kin la irnei mai hrang ma ni? A zôk le a khêl thei om loiin, irhmang ving hrang anga kin chunga hin ni ning mo inmur no ni?

ISAIA 1:9

Itinrêng Rengpa’n a dam sun tômte hi chu nihai no sianlân, Sodom khua ang khan irhmang zoi ei ti, Gomora khua angin om ei ti.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 11:16

Aigupta ram rengata Israelhai an suak theina hrangin, lamlian a iom ang khan, a mi la omhai hrang Assuria ram ata khom, lamlian om rum thei ta a ti.

ISAIA 37:4

Pathian hring hrilinsiat hranga Assuria mi tîr Rab-sakea thuhril kha Rengpa ni Pathianin a len hriatsuak ta. Rengpa ni Pathianin an sîrtuhai kha soisak sian chu. Kin mihriam a dama la omhai hrangin chongchai ro, nang a ti,” an va tia.

ISAIA 46:3

Jakoba le Israel in mi la dam murdihaio, Ki thu hi irngai roi, nin suak ata nangni ki ipuak inlian nin ni.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

ISAIA 6:13

Sôma inkhat irang maiin pe khom sian ite a’rfêna om no nia, Sesua le thing irkit zoia a bula a’rzung la om ang hi ni a ta. Ama kha irchi irthiang bul chu a ni,” a tia.

JEREMIA 3:23

Tâng sîpa kin millim chubai mûkhai khan ni sâm thei viat mahai. Israelhai hranga changpuina chu Rengpa kin Pathian kuanga irthokin a izuang hrang a ni.

JEREMIA 44:14

Tukhom Juda mi a la dam sunhai Aigupta rama om hranga zuang chu, zôkin dam suak thei no nihai. Inkhat lua khomin om nôk hranga an inuam Judai rama khan kîr nôk thei no ni. Mi tômte irtansuakhai ti no chu tûte kîr no nihai,” a tia.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 5:13

Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

ZEFANIA 3:13

Israel mi la omsunhai khan pualoina tho no nihaia, milak tho sa no nihaia, An bâia khom huangna chong om ual hliak no nia: an fâkin zâl an ta, tûte’n inchitir ta no nihai.