ISAIA 10:2 - PATHIAN LEKHABU IRTHIANG C.L. Bible (BSI)

² Inrianghai lampui nin danhaia, diktaka roirêl pe ni ngai mahai; meithâihai huangin, farahai nin inrûk pehai ngai.

ISAIA 10:2 ပူးပေါင်းရင်းမြစ်များ

JOBA 31:16

Inrianghai le tikhoihai changpui sêl ngai ma unga. Meithâihai beiindongtir ngai no ning.

INPÂKNA HLAHAI 94:6

Meithâi le mikhual chu an thata, Pa nei loi chu an that ngai.

FESUAKNA 23:6

Mi inriang kha roirêlna hmuna a ngîrin chu, thudik takin ni irngaitua pe hrang a ni.

THUVÂRHAI 22:22

Inriang chu an riang sikin rot pe no’n lân, roirêl hmuna milung indonghai chu nêpsiahai sa no ro.

THUVÂRHAI 30:14

Mi senkhat chu an hahai khandai ang le an haphoihai chemte anga ngaih an oma; irnêng ata inrianghai le mihriam lai ata irsamhai invol irhmang hrangin.

ISAIA 1:17

Sin sa sin irchu unglân, a dik hi irzûl roi. A boihai sanhai unglân, farahai roirêl indikpuihai roi, meithâihai sanhai roi.

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 29:21

Mi dang suala intuma, roirêltuhai rêl insualtira, thu chanlamboia mi dik intuangtirhai chu, irhmang ving an ti.

ISAIA 3:14

Rengpa’n an ulianhai le an hruaituhai chung thu a hong rêla. Nangnihai hi grep irhuan inram zoitu nin ni, mi inrianghai thil nin lâka, nin ina nin bukkhôma.

ISAIA 3:15

Ithoa mo hianga ki mihai nin isoisakhai, mi inriang an ineisun nin lâk pehaia? Rengpa, tinrêng Rengpa thu suakin a ti.

ISAIA 32:6

Mi sualin chu thu siat a ngaituaa, thil saloi tho hrang ar ngaitua ngai. A sintho le a bâi suak chu Rengpa êsêl lam a ni; phîngchâmhai fâk hrang a lâkpaia, tuiinhrâlhai in hrang a bunpai ngai.

ISAIA 5:23

Fâkinrûk lâkin mi sual a sa inchangtir nuamhai ngai, mi sahai chu saloi an inchangtir ngai.

ISAIA 5:7

Itinrêng Rengpa irhuan chu Israel in sûng mihai hi an nia, Judai rama mihai hi a inhroihai tak chu an ni. Diktaka roirêl sabeiin, mi that an nuam ngaia, khannisian chardonga an khêk irhâi a hmu intamhai ta.

ISAIA 59:15

Iamomna rêng om ta maka, sualna khan an hnê zoi ta, Rengpa’n a hong hmua a milung chuk pe ta ma, roirêlna dik hmu hrang zel nei ta mah.

JEREMIA 7:6

Ram dang mihai, farahai le meithâihai hnuaisia ma unglân, hi rama thilsual tho loihai that ma ta roi. Nangni an siat hrang sikin pathian danghai chubai mûk kha ma ta roi.

CHAP HLA 3:35

Anchungtak mit hmua mi a dikna hnôl pea a omin;

EZEKIELA 22:7

Khopui mihai kha tukhom mâni nu le pa mahrip tho om ta mahaia, ram dang mihai hrangin, meithâi le farahai nuamningin an lohaia.

AMOSA 2:6

Rengpa khan hiang hin a ti: “Israel tho’nchâina inthum sikin, a ni, minli sikin, a hremna kha inboi no ning; tangkarua mi fel an zuar sik le kekok bun khata mi irsam an zuar sikin:

AMOSA 2:7

mi inrianghai lu chunga pildi ten khom an hnarsaa, inrianghai an inrûkpai pea, pa le nâipa’n dôngmate inkhat an inmai irhlôma, ki’rhming irthiang an porinchetir a ni.

AMOSA 5:19

Kâmkeibaknei rotsana, savom tong mi ang le ina lûta, bang chunga kut irnghata, mirûlin a inchuk ang a ni.

MIKA 3:1

O nangni, Jakoba-hai hruaituhai le Israel sûngkuaa roirêltuhaio, irngai unglân, nangni ki ngên a ni: roirêl dân kha nin inhriat hrang ni no ni mo?

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

MATHAIA 23:13

“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.