ISAIA 10:1 - PATHIAN LEKHABU IRTHIANG C.L. Bible (BSI)

¹ Dân ihnôngom tak siamin, thupêk ngar tak insuaktuhai nin lu chung la rik a ti.

ISAIA 10:1 ပူးပေါင်းရင်းမြစ်များ

1 RÊNGHAI 21:13

Mi sual inhni hin “Pathian le rêng an sîrinsiat a ni,” tiin an sêla. Nabota chu kho sûng ata an hruaisuaka, an dêng that ta.

INPÂKNA HLAHAI 58:2

A ni, nin milungin chu thil sual tak nin tho ngaia; Irnênga nin kuta thil saloi taka tho kha nin var ngaia.

FESUAKNA 23:3

Roirêlna hmuna inriang thiarthâk no roh.

FESUAKNA 23:6

Mi inriang kha roirêlna hmuna a ngîrin chu, thudik takin ni irngaitua pe hrang a ni.

ISAIA 29:21

Mi dang suala intuma, roirêltuhai rêl insualtira, thu chanlamboia mi dik intuangtirhai chu, irhmang ving an ti.

ISAIA 3:11

Mi sualhai chung chu a rik, an siat hrang sikin. An itho angin an chunga khom tho ni a ti.

ISAIA 3:14

Rengpa’n an ulianhai le an hruaituhai chung thu a hong rêla. Nangnihai hi grep irhuan inram zoitu nin ni, mi inrianghai thil nin lâka, nin ina nin bukkhôma.

ISAIA 5:11

Zînga zu hrût phutin, zân sôta inrui ngaihai chu, intak pehai a ti.

ISAIA 5:18

Sual ata irdînthei loihai, suala irlet nuam loihai chung chu rik pehai a ti.

ISAIA 5:23

Fâkinrûk lâkin mi sual a sa inchangtir nuamhai ngai, mi sahai chu saloi an inchangtir ngai.

ISAIA 5:8

Mi danghai nêka, tam ualin, irhuan hmun lian thohaio, nangni intak pe a ti. Tûte irleng ta no nihaia, beidong tuangin nin bingin la om nin ti.

ISAIA 59:13

Rengpa hnôlin kin nuarsana, kin Pathian irnghilin, thu chanlamboiin tehel kin zong pea, irphialna zongin minlak kin thoa.

ISAIA 59:4

Tûte’n dikna san nuam loiin, thudik hmanga doi ngam om mak chêi. Thil chanlamboia nin irnghata, minlak ngot nin thoa. Thu buai om thei hrang nin zonga, thu saloi nin inchangtir ngai.

JEREMIA 22:13

Mi dik loi taka in sintu, irhuangna sika lian; mihai sinthoa, an tha hlo pe nuam loitu chu, a chung irhel pe a ti.

AMOSA 2:7

mi inrianghai lu chunga pildi ten khom an hnarsaa, inrianghai an inrûkpai pea, pa le nâipa’n dôngmate inkhat an inmai irhlôma, ki’rhming irthiang an porinchetir a ni.

MIKA 6:16

Omria thu’nkunghai kha vong mai a nia, Ahaba sûngkua thiltho murdihai leh an inkungnahai khan nin ife a ni: khanchu hmun irama nangni ki isiam hrang a ni, a sûnga omhai hi nuiza siamna’n om an ta, khan, ki mihai irhming siatna kha pêl ni ti.

HABAKUKA 2:12

Thisen insuaka khopui siam le, pualoinaa khopui indingtirtu chung chu a rik e!

HABAKUKA 2:15

A tualbômhai kuanga in hrang pêka, khataka khan a tûr kha pola a silkai boi kha a hmu theina hranga inruitirtu chung chu a rik e!

HABAKUKA 2:19

Thing kuanga khan, “Har roh,” tia lung chong theiloi kuang, “Thoi ro,” titu kha, A chung a rik e! Hi hin nangni a irchutir hrang ma ni? En ta, rângachak le tangkaruaa inluan a nia, A sûnga phûk zel om viat ma.

HABAKUKA 2:6

Hihai murdi hin ama chunga êrôna thu, intêkna thuvâr tôi “A ta ni ual loia inpungtir chu i dôr ten mo a inei hrang? Mâni le mâni bânda insiattu chung chu a va rik e! an iti loi hrang ma ni?

HABAKUKA 2:9

Mi sual kuta irthoka a zôk theina hrangin, a bu irsâng taka an sêp theina hrangin, a insûng ta hranga inlâpna dikloi lâktu chu a chung a rik e!

MATHAIA 11:21

“Korazin! ni chung a rik e! Bethsaida, ni chung a rik e! Nangnia sinirkhêl sinhai kha Tura le Sidon khuaa sin, ni ta sian chu bora puan silin irvut irpolin an sual ata irlet ta an ti.

MATHAIA 23:23

“Nangni Dân irchutirtuhai le Farisai vârirlethaio, nin chung a rik! A zoro taka vâng ngai, podina hai, lêngmiser hai, kumhoi hai sôma inkhat nin pêk ngaia, Dân thua poimo ual, dikna hai, lungkhamna hai; iamomna hai nin ngainêp ngai, khannisian, khahai kha kêng nin itho rua tak chu a ni, a danghai khi ma ual loiin.

MATHAIA 23:27

“Nangni Dân irchutirtuhai le Farisai vârirlethai! Thân lung nâl invâra, pên tianga sataka inlang, khannisian a sûng tiang chu mithi ruhai le ruak porinchena tinrênga sip ang kha nin ni.

MATHAIA 23:29

“Nangni Dân irchutirtuhai le Farisai vârirlethai! nin chung a rik e! Deipuhai thân nin sina, mi felhai inhriatmaina lunghai nin irvo ngaia;

MATHAIA 26:24

Mihriam Nâipa hi a thurchi an irziak ang takin a ife hrang a ni; khannisianlân, Mihriam Nâipa incheltir hrangtu chung chu a rik; kha mihriam kha chu irsiang no sian, a ta hrangin sa ual a ti,” a tia.

LUKA 11:52

Dân irchutirtuhai khom nangni an tak pe vang na! vârna châbi nin chôipaia, nangni lak lût no chin ni, a lût nuamhai tena nin khâl ngai”, a tia.

JOHANA 19:6

Ochai inlalhai le a nghâkhaiin an hmu’n chu, “Krosa hembe roh, Krosa hembe roh,” tiin an khêka. Pilata’n an kuang, “Nangni’n hruai unglân, Krosa hembe roi, keiin chu ite a chunga a sualna hmu ma ung,” a tia.

JOHANA 9:22

A nu le pahai khan Judahai an chi sika khaanga an iti a ni; Judahaiin chu, “Ama kha Krista a nih,” ti a pom murdi chu Sinagok ata inhnot suak hrangin an le’rsiam diam tâka.

JUDA 1:11

Lungkham an om bâk ngaia! Kaina lampui kha an zuia, sum irzûlin Balaama sualna tiang an intâna, Kora angin tehel an zong sikin, an irhmang sa ta!