ISAIA 1:9 - PATHIAN LEKHABU IRTHIANG C.L. Bible (BSI)

⁹ Itinrêng Rengpa’n a dam sun tômte hi chu nihai no sianlân, Sodom khua ang khan irhmang zoi ei ti, Gomora khua angin om ei ti.

ISAIA 1:9 ပူးပေါင်းရင်းမြစ်များ

IRPHUTNA 18:26

Khanchu Rengpa’n, “Sodom kho sûnga hin mi fel sômringa ki hmu khomin, anni sikin a khua pumpui la hôi ki ti,” a tia.

IRPHUTNA 18:32

Khan ama’n, “O Rengpa ni ning chu inmur no ro, voikhat vai nang irdon nôk ki ti, sômkhat vai an niin te,” a tia. Khan, ama’n chu, “Sômkhat vai anni khomin thathai no ning,” a tia.

IRPHUTNA 19:24

khan Rengpa’n Sodom le Gomora khua chunga khan irvâna Rengpa kuang ata meiri-al ropuivânsâng angin an thotira;

1 RÊNGHAI 19:18

Khannisian, Israel rama hin Baal chubai la mûk ngai loi le la tum ngai loi mi sângsari, keima hrang hôi ki ti,” a tia.

2 RÊNGHAI 19:4

Pathian hring êsêl hranga Assuria rêng itîr, Rab-sakea ihril ang kha, Rengpa ni Pathianin nang len hre suak a ti; Rengpa ni Pathianin inhriatin deng nan theitir khomsian, kin mihriam a la damhai ta hrangin, nangma’n chongchai ro,” an va tia.

ISAIA 1:8

Jerusalem khua vai a la zôka, an irhual hrai sikin, kul nei loia, grep irhuan a irpuk angin, fanghma irhuana a’rzâmtirna ang ma maiin.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 11:16

Aigupta ram rengata Israelhai an suak theina hrangin, lamlian a iom ang khan, a mi la omhai hrang Assuria ram ata khom, lamlian om rum thei ta a ti.

ISAIA 17:6

Oliv ra tâk zoi sai, a rêla la om ta thei loi, a vîk irsânga minli ringa la om ang hi la ni an ta, Israelhai Pathian Rengpa thusuakin a ti.

ISAIA 24:13

A ra an inok thâk Oliv kunghai khom, Grep râng an inot phiar sai tâk ang hin rammuala nam tin la hong ni an ti.

ISAIA 24:6

Khasikin irnêng hi khosâl a ni tâka. A sûnga omhaiin an sualna ra an fâka, mihriamhai kângin an oma, a thi zoi loi chu tômte an ni.

ISAIA 37:4

Pathian hring hrilinsiat hranga Assuria mi tîr Rab-sakea thuhril kha Rengpa ni Pathianin a len hriatsuak ta. Rengpa ni Pathianin an sîrtuhai kha soisak sian chu. Kin mihriam a dama la omhai hrangin chongchai ro, nang a ti,” an va tia.

ISAIA 46:3

Jakoba le Israel in mi la dam murdihaio, Ki thu hi irngai roi, nin suak ata nangni ki ipuak inlian nin ni.

ISAIA 6:13

Sôma inkhat irang maiin pe khom sian ite a’rfêna om no nia, Sesua le thing irkit zoia a bula a’rzung la om ang hi ni a ta. Ama kha irchi irthiang bul chu a ni,” a tia.

ISAIA 65:8

Rengpa’n hiang hin a ti: “Grep dôn tûte’n pai ngai mahai, uainin kêng an siam ngai. Ki siahlohai khom hi an rêngin, thathai ving no ning.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 42:2

“Rengpa ni Pathian kuang, keini ta hrang le hitaka hôia la omhai ta hrangin ni chongchai pe sa roh. Zoro lei fe tâka khan chu tamtak kin ni ngaia, khan atûn hin chu ni ihmu anga hin mi tômte vai imâkin kin iom a ni.

JEREMIA 50:20

Kha zoro kha a hong tungin chu, Israel rama sual sin hmu ni ta no nia, Judai rama tho’nchâina hmu ni ta no ni, an hringna ki inzôk pehai kha ki ngaidam hrang tâk sikin, keima Rengpa’n ki iti a ni,” a tia.

CHAP HLA 3:22

Rengpa nunhoi le inrenna hi chu chuai ngai maka.

CHAP HLA 4:6

Tûte tôn irman loiin Sodom khua a isiat ang khan, a mihai tuang nêkin ki mihai tuangna hi a natinsat ual.

EZEKIELA 14:22

Aniachu, irngai ta, khataka omsun hruaisuak hranghai chu mâkin om an ta, an nâinuhai le nâipahai khom; irngai ta, nin kuanga hong suak an ta, an omdân le an sinthohai hmu nin ta, khan, Jerusalem chunga thil saloi ki zuang intung thua khan irtharngamin om nin ta, a chunga ki zuang intung tâk murdi thua khom.

EZEKIELA 6:8

“Senkhat chu thina lôi an ta, nam danghai laia, ram tina indarh ki ti.

JOELA 2:32

Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.

AMOSA 4:11

Sodom le Gomora khua kha Pathianin an chimtir lai angin, nin laia mi senkhat kin chimtira, thing kâng sabak loi lâksuak ang nin ni: kha tena khom khan ki kuang hong kîr mak chêi, Rengpa thu suak khan a ti.

HABAKUKA 3:2

O Rengpa, ni chong kin hriata ki chi tâka, O Rengpa, hi kum sûng hin ni sin tho inthar nôkin lân, Hi kum sûnghai hin inlârtir nôkin lân, Ninginmurnaa khan za’rngaina kha inhre mai roh.

ZEFANIA 2:9

Khanchu, a nuna kin nun sûng chu, Moab kha Sodom ang ni a ta, Amon nâihai kha Gomora ang ni ngêt ngêt an ta, an ram kha hloisûla sip, michi khur le kumkhua lualoi ang ni a ti: Ki mi la’rkholhai khan anni kha râllâk an ta, ki nam la omsunhai khan lua an ta, tih hi Sipaihai Rengpa, Israelhai Pathian thu suak a ni.

MATHAIA 7:14

Hringna mikot chu a chîna, a lampui khom ar chêpa, a hmutuhai khom tômte an ni.

ROM KHUAA MIHAI KUANGA TÎRTÔN PAULA LEKHATHON 9:27

Isaia khom khan Israel mihai thu khêkpuiin, “Israel mihai chu tuikhanglian chiai dôrin tam khomhai sianlân, a ihrem ban tômte vai saninhring ni an ti.

ROM KHUAA MIHAI KUANGA TÎRTÔN PAULA LEKHATHON 9:29

Isaia dênin, “Rengpa Itinrêngthothei khan irchi ni lei hôi pe no sian chu, Sodom angin ni ta a ta, Gomora ang dênin ni ta ei ti,” tia a lei insîr ang khan.

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.

2 PETERA toc2 2 PETERA 2:6

Sodom le Gomora khua khom a’rvuttir chita, Pathian uksak loihai a ihrem lam hrang entîrna hrangin a insiat chittir a ni khate.

THUPHUANG 11:8

An ruak kha an Rengpa hembea a omna Jerusalem lamliana khan om a ti. Kha kho roiinpui kha irtha tiang thua chu Sodom le Aigupta ti a ni.