ISAIA 1:4 - PATHIAN LEKHABU IRTHIANG C.L. Bible (BSI)

⁴ O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 1:4 ပူးပေါင်းရင်းမြစ်များ

IRPHUTNA 13:13

Khan, Sodom khua mihai chu Rengpa mithmua a satêrenga sual sin tho an nia.

2 RÊNGHAI 21:22

An irchibulhai Pathian Rengpa chu a hnôla, Rengpa thupêkhai zôm nuam loiin a oma.

2 THURCHI SUINA 12:1

Rehoboama rêng a hong chang indet zoiin chu a mihai leh Rengpa dân uksak loiin.

2 THURCHI SUINA 27:2

A pa angin Rengpa nuamlam a thoa; a pa’n tempil chunga mirimhoi a ihâl angin chu tho maka. Mipuihai rêk chu an sual balamin an la sual maia.

NEHEMIA 1:7

Ni chunga saloi takin thil kin lei tho tâka, ni siahlo Mosia kuanga ni thupêkhai le ni dânhai lak lei zôm ta ma unga.

INPÂKNA HLAHAI 58:3

Mi pualoihai chu an nu sûng rengata Pathian ata senin an oma: An suak zoi le milak thu insîrin an rot ngai.

INPÂKNA HLAHAI 71:22

Serânda’n nang inpâk sa ki ta, O ki Pathian, ni thutak ngei chu inpâk ki ti. O nang Israelhai mi irthiang, perkhuang leh nangma inpâkin zâi ki ti.

INPÂKNA HLAHAI 78:40

Ramchâra khan a chunga tehel an va zong intama. Ramchâra khan ama kha bei an indong intam bâka!

INPÂKNA HLAHAI 78:41

An irhei kîr nôkin Pathian an fiaa, Israelhai Mi Irthiang chu an innuartir ngai.

INPÂKNA HLAHAI 78:57

Irheikîrin, an irchihai angin vârirlet takin an tho lik tâka: Thal ngul iamom loi angin an fe kôia.

INPÂKNA HLAHAI 78:8

Le, an irchibulhai anga, Irlo tukullian le tehelzong; Irlo milung siam indik loi, Pathian ata lungrîl iamom hong irput an om loina hrangin.

INPÂKNA HLAHAI 89:18

Kin phô hi Rengpa ta a nia; Kin rêng hi Israelhai Mi Irthiang ta a ni.

FESUAKNA 32:7

Rengpa khan Mosia kuang a ti pea, “Zu kîr nôk zel ta roh, mipui Aigupta ram ata ni hong ihruaisuakhai khan, sualin an ni ihnôl zoi tâk kêng.

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 1:28

Ama makunga tehel le mi sualhai chu vîk indarhai a ta, Rengpa irheisanhai chu irhmang zoi an ti.

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

ISAIA 14:20

Ni ram nin siattira, nikhua le tui ni thathai sikin anni laia phûmin om no chi ni. Thil saloi thotuhai irhming chu kumtuangin sâm ni no ni.

ISAIA 29:19

Inrianghai Rengpaa khan lôm an ta, invâihai khom Israel mi irthianghai kôla lâm an ti.

ISAIA 3:8

Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

ISAIA 30:1

Rengpa thusuakin hiang hin a ti: “Tehelzong nuam nâihai hi chu na! ki inuam loi lamin sin an thoa, keima thu ni loiin an chonga an sual chunga sualna an irbel zoi ta.

ISAIA 30:15

Itinrêng Rengpa’n Israel mi irthiangin hiang hin a ti: “Hong kîr unglân, omchian ta roi, khanchu saninhring ni nin ti, chardong loiin iam unglân, kha kha nin hrâtna hrang a ni. Khannisian nuam mak chêia.

ISAIA 30:9

Tehelzong ngai nam an nia, nâi milak thei tak an ni, Rengpa thupêk irngai nuam loi nâihai an ni.

ISAIA 31:2

Ama’n chu a tho dân an hriata, thil saloi khom a tho dân an hriata, a thu sût ual no ni. Thil sual thohai chunga an kut insum an ta, anni santuhai laia khom an kut insum sa an ti.

ISAIA 37:23

Tu mo ni innuisan, imo nang ar fê pe na? Tu chunga mo ni ikhêk? Tu chunga moh mualphoi ni irlâk? Israel mi irthiang chunga moh ni mah.

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

ISAIA 41:16

Zâp ni ta vuang inlêng a ta, kêllaiherin sêm irhmang zoi a ti. Rengpaa khan lôm ni ta, Israel mi irthianghai chu chôiindômin om an ti.

ISAIA 41:20

Kha kha mihaiin hmu an ta, kei Rengpa hin ki iti a nih ti inhria an ti, Rengpa Israel mi irthiang kutsuak a nih ti inhre ving an ti.

ISAIA 5:19

Hor hnothai sian kin hmu theina hrangin, hong tho lat ta ri sehai, Israelhai mi irthiangin a thiltum chu, ei inhriat theina hrangin, zuan tungtir ta ri se, tituhai chu.

ISAIA 5:24

Annihai sika hin meiin fapôl a ikâng angin, ilhling a ikâng inhek angin, an irzunghai kâng inhekin, an sa lai takin hek zoi a ti; itinrêng Rengpa dân chu zôm loiin. Israelhai mi irthiang an hnôl sikin.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

ISAIA 58:2

A ni tin irzôm natin an ni zonga, ki inuam lam chu inhriat an nuama, diktaka sintho ngai nam ni irhoi an tuma, Pathian thilpêk zôm irkip chu tum ual loiin, diktakin roirêl lam an nir dona, Pathian nâi nuam tak anga inlang pumin.

ISAIA 65:11

Rengpa chu mâksana, ki tâng irthiang irnghiltuhai chu Gad-a chubai irmûkna hmun sinsiama, an bingin uain in irhlômin om an ti.

ISAIA 65:3

Hi mihai hin ki inuam loi thil an tho nuama, irhuan serhaia irbôlna thil an inhlana, nam dang pathian maichâma mirimhoihai an hâla.

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

JEREMIA 15:6

Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 2:31

Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

JEREMIA 2:33

Irdithai irzui dân hi chu ni inhriat infel chu a ni hi. Nupang sual takhai khomin irchûna chu hmu an ti.

JEREMIA 2:5

Rengpa’n a ti, “Nin irchibulhaiin keimaa hin imo thil dikloi an ihmua an ni irhlapuiin, an irot? Chanlamboi millimhai chubai mûkin hmanghmunboi an ichang tâk a ni.

JEREMIA 32:32

thil saloihai Judai ram le Jerusalem mihai, an rênghai, hruaituhai, an ochaihai le deipuhai an rênga thôna sikin.

JEREMIA 50:29

Khan Rengpa’n, “Babulon doi hrangin inhril roi. Mi tukhom thal hmang dân inhriat tâk kai chu tîrsuak roi. Khopui kha irhual khak unglân, tûte inzôk no roi. A thil thohai kha thuan nôk unglân, mi a ilôhai lam takin thohai roi, Israel mi irthiang ki chunga irpâkna’n a tho sikin.

JEREMIA 51:5

Israel le Juda chu, Israel mi irthiang, ki chunga hin sual khomsian, keima Rengpa Pathian Itinrêngthotheiin ki intha loi a ni.

JEREMIA 7:19

Khannisian an bingin an irsiat irhlôm sikin, mualphoina an chunga a itung a ni.

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

EZEKIELA 14:5

Israel insûngkuahai chu an millim sika an ni irheisan tâk sikin an lungrîl tak ki man theina hrangin zuang sâmhai ki ti.

EZEKIELA 16:33

Notizuarhai murdi kuanga khan mi’n thilpêkhai an pêk ngaia, nang rêk chu ni lungthunghai murdi chu thilpêkhai ni pêk ngaia, a nuampuhai kuanga ram tin ata hong an ta, nang an zâlpui theina hrangin ni hrilhaia.

EZEKIELA 16:45

Nang chu ni nu, mâni pasal le nâihai donsui loitu nâinu kha ni nia, nang chu ni zuarpuihai tiang khan, mâni pasal le nâihai donsui loitu zuarpui ni ni: ni nu lak Hit mi a nia, ni pa lak Amor mi a ni.

DANIELA 9:11

A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

ZEFANIA 1:6

Rengpa irheisantuhai leh Rengpa zong loia ama irdon loituhai kha inboipaihai pat ki ti.

NAMBAR 32:14

Khanchu irngai roi, Israelhai chunga Rengpa ninginmurna ichiom tak chu bôk pe sain nangni irchi pualoihai hin nin puhai hmun chu nin luapai tâka.

MATHAIA 11:28

“Nangni sinsôl le puakrik pêl murdihaio, ki kuang hong unglân, keima’n nangni irngamtir ki ti.

MATHAIA 23:33

Nangni mirûlhai le mirûl irchihaio! Hremhmun fe hranga rêlinchukna irthokin itin mo zôk thei hrangin nin irtûng?

MATHAIA 3:7

Khan, Farisaihai le Sadukai tamtak hong a hmu’n an kuang, “Mirûl irchihaio, ningmur hong tung hrang rengata zôk hrangin tu mo baptisma chang hranga nangni inthor?

ROM KHUAA MIHAI KUANGA TÎRTÔN PAULA LEKHATHON 8:7

Taksa nuamlam chu Pathian a doia; Pathian Dân zôm maka, zôm khom zôm thei ual mah;

1 KORINTH 10:22

Rengpa chu ning ei inmurtir hrang ma ni? Ama nêkin ei ihrât ma ni?

DÂN INHNINA 29:25

Hiang hin sâm an ti: ‘An irchihai pathian khan Aigupta ram ata a zu hruai suak lai khan thuthung a siampuihaia, Rengpa mihai khan kha kha an tho’nchâia;

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

DÂN INHNINA 32:19

Rengpa khan a hmu’n chu a ning an mura, a nâi le tehai kha an thikpai ta.

DÂN INHNINA 32:5

Pualoina a inei ma ni? Nei make, A nâihai kha kêng dem om chu, Irlo beng ngarhai le ihnanghai kha.

KOLOSA 1:24

Nangni sika ki tuangna hin atûn hin ki râi a ifân a ni. A takpum, Koiindang ta hranga Krista tuang bakhai kha ki takpumin ki isunzom mai a ni.

THUPHUANG 18:5

A sualna khan irvân a phâka, Pathianin a thilsual tho kha a inhriat chian a ni.

ROIRÊLTUHAI 10:10

Israelhaiin Rengpa an koia, “Kin Pathian kin irheisana, Baal sin kin thoa, ni chunga thilsual kin itho a ni,” an tia.