ISAIA 1:3 - PATHIAN LEKHABU IRTHIANG C.L. Bible (BSI)

³ Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

ISAIA 1:3 ပူးပေါင်းရင်းမြစ်များ

INPÂKNA HLAHAI 94:8

Mi laia mi môlhaio, irngaitua roi: Mi’nvêthaio, itika mo nin ivâr hrang tâk?

THUVÂRHAI 28:5

Mi saloihai khan dikna inhre thiam ngai mahaia, Rengpa chubai mûktuhai vaiin an inhriat thiam ngai.

THUVÂRHAI 6:6

Mi thaboihai khan phâivâng kuang fe’n lân, a lampui irchu roh.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 42:20

Thil tamtak a hmua, khannisian zôm loiin a oma, mikuar a doa, khannisian inhre thei mah.

ISAIA 44:18

Annihai anga mihai kha chu an inmôl hrai ta, ite inhre loi an ni; an ihmuhai an chia, an mit an insîng ngaia, an inhriat thei loina hrangin lungrîl pe ngai mahai.

ISAIA 5:12

Zu hmuna serânda le perkhuang hmanga, têngrep le belemhai hmanga, zu inruia omhai chu, Rengpa sintho en nuam loiin. A kut sintho khom en nuam loiin.

ISAIA 5:13

Ki mihaiin an inhriat nuam no sikin, sala intâng ngêt an ti. An milianhai phîngchâmin thi an ta, mipui vântânghai khom tui inhrâlin thi an ti.

ISAIA 56:11

Ui huatirham ang hin khop thei loia, belra enpu chu ni pumin, a siat le a sa theitha thei loi; mâni nuam lam anga omin, an hranga inlâpna vai zong maiin.

JEREMIA 10:14

Hi hi an hmu’n chu mihriamhai chu inmôl le inhriatna nei loiin an irbe ngai; millim siamhai chu an inzak tâka, an pathianhai kha a dol le hringna nei loi an ni sikin.

JEREMIA 10:8

An rêngin an invêtin an into a ni, thing millima irthokin imo an irchu thei hrang?

JEREMIA 35:16

Jonadaba irchihaiin chu an irchibul thupêk an zôma, nangni rêkin chu zôm nuam mak chêi.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

JEREMIA 50:6

“Ki mihai chu belra enkoltuhaiin a binga an insuaa chaninvâi ang a ni. Belrahai angin tâng inkhat ata tâng danga irthonin, an in omna an irnghil ngai a ni.

JEREMIA 8:7

Tuichir le ivahai khomin kîr zoro an inhriata, vasuhai, pelôihai, le sâlvahaiin irthon zoro an inhriata. Khannisian ki mihaiin chu nangni rêlna hranga ki dânhai nin irnghil a ni.

EZEKIELA 16:30

Ni lungrîla inzakna nei viat mak chea, ni nunzia chu nupang tukullian sual tak thil ni thoa, ti hi Rengpa pathian thusuak a ni.

DANIELA 9:11

A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

HOSEA 2:8

Bu, uain, sahriakhai hi, tangka ki inpung pehai hi, rângachak, Baal hranga an ihmanghai le, keima ipêk a nih ti hi inhre mahai.

MATHAIA 13:19

Tukhomin Pathian Ram thu chu irngaia an inhriat thiam no’n chu mi sual chu a honga, a milunga inthek sai chu ar chupui ngai.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

2 PETERA toc2 2 PETERA 3:5

Tianlaia khan Pathian thu’n, irvânhai khi siam a ini le irnêng chu tui ata siam suak a inihai, tui le tui kâra a isia hai,