ISAIA 1:29 - PATHIAN LEKHABU IRTHIANG C.L. Bible (BSI)

²⁹ Sesua thinga siam Biak In khârnahai kha lan zak nin ti, Irhuan ser nin isiamhai khom inzakpui nin ta,

ISAIA 1:29 ပူးပေါင်းရင်းမြစ်များ

ISAIA 30:22

Nin tangkarua tuamna le rângachak inluan millimhai chu intirom ti nin ta, pai nin ti, pai zoi a ni tah la ti nin ti.

ISAIA 31:7

Kha lai khan chu tukhom an sual ngai, tangkarua le rângachak millim an kut suakhai chu pai an ti.

ISAIA 42:17

Millim iama, “Kin Pathian ni nia,” tituhai chu, duai an ta, mualphoi irsak an ti.

ISAIA 45:16

Millim siamtuhai chu inzak irla tak tak an ta, an rêngin mualphoi irla an ti.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

ISAIA 65:3

Hi mihai hin ki inuam loi thil an tho nuama, irhuan serhaia irbôlna thil an inhlana, nam dang pathian maichâma mirimhoihai an hâla.

ISAIA 66:17

Irthiang infâi hranga tui irsila, nam dang pathian biak hranga honghai vok le châichek hmê fâka, intirom fâkhai ngai chu, an irhmang zoi vâng a ni; Rengpa thusuakin a ti.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 3:6

Josia rêng chang laiin Rengpa’n ki kuang, “Nupang iamom loi Israel sintho kha ni lei hmu mo? Ki kuang ata tâng irsâng tui chunga le thing hring kung hnuaihai khan notizuar sin ni itho ngai a ni.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

EZEKIELA 36:31

Nin omdân pualoihai le nin sin siat thohai kha inhre suak nin ta, khanchu nin porinchenahai le nin sualnahai sikin nin mithmu ngêta khan nin bingin irtir irhlôm nin ti.

EZEKIELA 6:13

Khan, tâng irsânghai, tâng sîp murdia hai le thing hring tin hnuaia le seso thing buk tin hnuaia an millimhai kuanga mirimhoi an inhlanna hmuna, an maichâm vêla an millimhai bula an mithi ruakhai a om tika chu kei hi Rengpa ki nih ti inhriat an ti.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

HOSEA 4:13

Tâng sîphaia khan an irbôla, mualhaia khan mirimhoi an hâla, thing sesua le bero le tarpin thing hnuaihai khan a raifân a hoi sikin. Khasikin nin nâinuhai khan notizuar an uara, nin moihaiin uire an iuar a ni.

HOSEA 4:19

Phâivua isêm angin sêm invuangin la om an ta, an sonong irbôlnaa khan lan zak ngêt an ti.

ROM KHUAA MIHAI KUANGA TÎRTÔN PAULA LEKHATHON 6:21

Atûna nin inzakpui tak, thil nin lei itho ngai kha, nin inlâppui mo? Kha khan a mong taka chu thina an tunga.