ISAIA 1:28 - PATHIAN LEKHABU IRTHIANG C.L. Bible (BSI)

²⁸ Ama makunga tehel le mi sualhai chu vîk indarhai a ta, Rengpa irheisanhai chu irhmang zoi an ti.

ISAIA 1:28 ပူးပေါင်းရင်းမြစ်များ

INPÂKNA HLAHAI 1:6

Mi felhai fena chu Rengpa khan an hriat mai ngaia; Mi siahai fena rêk chu irhmangna a ni.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

ISAIA 30:13

Hi thil sual hi nin tho tâk sikin lung bang irsâng tak, a chim va vâng tâk, hong puara chim ta hrang ang nin ni ta.

JOBA 31:3

Mi sualhai hranga siatna le thiltho insualhai hranga vânduaina a ini loi hrang mo?

2 PETERA toc2 2 PETERA 3:7

Pathian ngaisak loihai chungchâng rêl zoro le irhmangtir tika meia kâng irhmang hrangin atûn irnêng le irvân khom hi Pathian thu’n a ihôi a ni.

1 THESALONIKA 5:3

“Ningbeina le zôkna,” zoroa an ti lai takin nupang nâiha ise angin voikhat rengin an chunga irhmangna zuang tung a ta, lôi thei no nihai.

ISAIA 66:24

An suak tiang chu keima ni doia tehelzong ngaihai ruak kha hmu an ta, a thua irlung omhai chu thi zoi zât ni no ni, a kâng hrang mei khom chuai no ni, mi murdi’n intirom ti ok an ti.

ISAIA 65:11

Rengpa chu mâksana, ki tâng irthiang irnghiltuhai chu Gad-a chubai irmûkna hmun sinsiama, an bingin uain in irhlômin om an ti.

ISAIA 50:11

Khannisian, mâni meiser inchoka, ir-al thei chôihaio, nin thal irling thei vâra khan fe ngân roi ba, Rengpa kut ata nin idong hrang chu, intak tuanga nin ithal dôr dôr hrang a ni.

THUVÂRHAI 29:1

Mi’n an hril intam dôr a tukullian chu voikhat rengin lan rîl a ta, thoi nôk thei viat ta no ni.

INPÂKNA HLAHAI 125:5

Mi siahai deng nin theitir tikin, Ni lampui hnung songhai khom hi denginthei sa roh. Israelhai chunga khan irtharngamna om ri se!

INPÂKNA HLAHAI 104:35

Mi sualhai chu irnênga irthoka hin irhmangtirin omhai sianlân; Mi siahai chu om ta no ri sehai. O ki hringna, Rengpa chu inpâk ro! Rengpa chu inpâk roi!

INPÂKNA HLAHAI 92:9

O Rengpa, irngai ta, nangma doituhai hi, Irngai ta, nangma doituhai hi an irhmang hrang a ni; Thil tho’nsualtuhai murdi hi indarin om zit an ti.

INPÂKNA HLAHAI 73:27

Irngai ta, nangma ata hlataka omhai chu an irhmang hrang a ni: A uiresantu murdi chu nir hmangtir ta.

INPÂKNA HLAHAI 37:38

Tho’nchâituhai chu a pâla insiatin om an ta, Mi sia mongna chu irhmangna ni a ti.

INPÂKNA HLAHAI 9:5

Nam tin ni halirchua, mi siahai ni’rhmangtira, An irhming chu kumkhontuanga hrangin ni kâtpai tâka.

INPÂKNA HLAHAI 5:6

Milak ngaihai chu inboihai ni ta; Rengpa’n thisen insua hmang le mi huang hmang chu an tir ngai.

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

1 SAMUELA 12:25

Khannisianlân sual sin nin la tho maia ni’n chu, nangni le nin rênghai khom la’rhmang ving nin ti,” a tia.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 24:20

Zu’nrui angin hon hnîng van hnîng a ta, irnak irvun boi angin om a ti. Sualnahai hi irkhêl takin irtetpui a ta, thoi ta no ni.

ISAIA 33:14

Zion-a om mi sualhaiin an chia, sakhua ngaipoimo loihai chu inthing an ti. “Ei laia tuhai hin mo a ningmurna mei tuang thei hrang? Kumtuanga chok mai hrang hih tu mo tuang zoi hrang?” ti an ti.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

ISAIA 58:2

A ni tin irzôm natin an ni zonga, ki inuam lam chu inhriat an nuama, diktaka sintho ngai nam ni irhoi an tuma, Pathian thilpêk zôm irkip chu tum ual loiin, diktakin roirêl lam an nir dona, Pathian nâi nuam tak anga inlang pumin.

ISAIA 66:17

Irthiang infâi hranga tui irsila, nam dang pathian biak hranga honghai vok le châichek hmê fâka, intirom fâkhai ngai chu, an irhmang zoi vâng a ni; Rengpa thusuakin a ti.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 44:12

Juda mi a la dam sunhai Aigupta rama fea om tumhai kai chu, an irhmang ving ti ki ieninfel hrang a ni. An rêngin a chîn a lian Aigupta rama, khandaiin aninole châmin mani thi an ti. Enintak tak ni an ta, mihaiin hmusithaiin intuangtirhai an ta, an irhminghai khomâksâmna’n hmang an ti.

HOSEA 14:9

Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

2 THURCHI SUINA 21:10

khatak ata chu Edom-haiin Judahai hnuaia om loiin atûn ten hin rêng dang an inei mai a ni ta. Jehorama’n, Rengpa, a’rchibulhai Pathian chu a uksak no sikin, kha lai zoro vêl khan Libna khuahai an irhel pe nôka.

2 THURCHI SUINA 28:6

Israel rêng Remalia nâipa Pekahia khomin Ahazia chu a doia, an hnêa. Juda sipaihai satak tak mi nuai khat le sînghni a thata. Judai rama mihai chu an irchibulhai Pathian Rengpa chu an mâksan sikin Rengpa’n kha thilhai kha an chunga a intungtir a ni.

2 THURCHI SUINA 28:23

Ama inhnêtu Suriahai pathianhai chu chubai a mûkhaia, Suria pathianhai hin Suria rêng an changpuia, khasikin an kuang thilinhlan hrangin ni changpui ngêt a ti, iti a ni. Kha kha a mihai leh an isiatpui nôkna chu a ni.

JOBA 34:26

An sual sikin, mihai mithmua a soisakhaia,

JOBA 34:27

Ama an rotsan sikin le a dânhai an zôm pe no sikin.

ISAIA 64:6

Kin rêngin kin porinche zoi ta, kin satna murdihai khom puanbom porche tak ang a ni ta, thinghna chuai tâk angin kin om ta, kin inchâinahai hin a ni ihruai irhmang a ni ta.