ISAIA 1:26 - PATHIAN LEKHABU IRTHIANG C.L. Bible (BSI)

²⁶ Tiana nin roirêltuhai anga kha, sia nôk ta ki ti, nangni irfûktirpuhai ang kha nangni pe nôk ki ti; khanchu, “Khopui iamom le dik,” nangni ti nôk an ti.

ISAIA 1:26 ပူးပေါင်းရင်းမြစ်များ

ISAIA 1:21

I thoa khopui iamom tak chu Notizuar angin teh a om tâka? Dik taka, roirêlna, mi dikhai omna chu, mi thathai omna teh a hong ni tâka!

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

ISAIA 33:5

Chung tiang Rengpa chu a oma, a roiinpui vang na! Zion-a diktak le feltakin roi a rêl ta.

ISAIA 54:14

Dikna sikin det ni ta, dengintheitirtuhai rot an ta, chi hrang nei no chi ni, chi omna lakin nang nâi ta no ni.

ISAIA 60:14

Deng nan theitirtu irchihai chu kûnin ni kuang hong an ti. Nang a hnuaisiahai ngai chu, ni ke bula khûksadelin om an ti. “Rengpa khopui, Israel mi irthiang Zion,” nang ti an ti.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

JEREMIA 31:23

Itinrêng thothei Rengpa Israelhai Pathianin hiang hin a ti, “An sal intângna ata ki hruai kîrhai nôk tena chu Judai ram le a khopuihai ata chu hianga chongbâi hi hmang an ti, ‘O mi dikhai omna hmun, o tâng irthiang, Rengpa’n sat nang vur ri se,’ tiin.

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

EZEKIELA 45:8

Hi hmun hi roirêltu rêngin Israel rama a hmun dongtum ni a ta, khanchu mipuihai chu dengintheitir ni ta no nihai, hmun dang murdi chu Israelhai ta ni ta a ti.

MIKA 4:8

O nang, sa rual kul, Zion nâinu omna tâng ni kuanga zuang tung a ta; a ni, inlalna masa kha zuang tung a ta, Jerusalem nâinu inlalna kha.

ZEFANIA 3:13

Israel mi la omsunhai khan pualoina tho no nihaia, milak tho sa no nihaia, An bâia khom huangna chong om ual hliak no nia: an fâkin zâl an ta, tûte’n inchitir ta no nihai.

ZEFANIA 3:9

Kha tika chu mipuihai kha hmûr irthiang irputtir nôk ki ta, Rengpa irhming kha an inzaa anni tiang inthuruala a sin an tho suam theina hrangin,

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

ZAKARIA 8:8

Jerusalema om hrangin nisua tiang le nitâk tiang ata la hong hruaihai ki ti. Anni chu ki mihai ni an ta, kei chu an Pathian iamom tak le diktaka an chunga roirêltu ni ki ti.

NAMBAR 12:3

Mosia chu irnêng chunga mihriam murdihai laia phûkdâi tak a nia.

NAMBAR 16:15

Khanchu Mosia chu a sân a ning an mur pe tâka. Khanchu, Rengpa kuang, “Hi mihriamhai hin thilinhlan an hong ichôihai kha lei pom pehai no ro, an chunga ite tho’nsual ma ung; an sakuartung khom inkhat lua la pehai ma ung,” a tia.

THUPHUANG 21:27

Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.