ISAIA 1:23 - PATHIAN LEKHABU IRTHIANG C.L. Bible (BSI)

²³ Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 1:23 ပူးပေါင်းရင်းမြစ်များ

2 THURCHI SUINA 36:14

Juda ulianhai, ochaihai le mipuihai lakin an kôlvêla nam sualhai omdân lâkin, Rengpa irthiangtir sai tempil chu millim biakin an innimtira.

FESUAKNA 23:8

Inthâmna rêng rêng ni ilâk hrang ni ma; inthâmna hin thil dika irthokin mit an chotir ngai. Tho’nchâina nei mihai chu chanlamboiin a siam ngai.

THUVÂRHAI 17:23

Roirêltu dik loiin dâihrekin fâk inrûk an lâka, khanchu roirêlna dik hmang nuam ngai ma.

THUVÂRHAI 29:24

Inru irthoppuitu chu ama hringna a ihnôl a ni. Roirêlna hmuna thudik an sîrin chu izêm tong a ta, thudik an sîr no’n chu Pathianin khua sâl a ti.

ISAIA 1:17

Sin sa sin irchu unglân, a dik hi irzûl roi. A boihai sanhai unglân, farahai roirêl indikpuihai roi, meithâihai sanhai roi.

ISAIA 1:18

Rengpa khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

ISAIA 1:22

Nang tangkarua chu a êkin a iman zoi ni ni ta.

ISAIA 28:14

Jerusalema ki mihai chunga roirêltu lârirpâkhaio, Rengpa thu hih irngai roi:

ISAIA 3:14

Rengpa’n an ulianhai le an hruaituhai chung thu a hong rêla. Nangnihai hi grep irhuan inram zoitu nin ni, mi inrianghai thil nin lâka, nin ina nin bukkhôma.

ISAIA 30:1

Rengpa thusuakin hiang hin a ti: “Tehelzong nuam nâihai hi chu na! ki inuam loi lamin sin an thoa, keima thu ni loiin an chonga an sual chunga sualna an irbel zoi ta.

ISAIA 33:15

Diktaka sinthoa, thil sa hril ngai chu, irhuangna saloi nuam ngai loi chu, fâkinrûkna hmuna kut irdînthei thisen insuak hranga insâp nuam loi thil sual tho hranga kop nuam ngai loi mi chu.

ISAIA 5:23

Fâkinrûk lâkin mi sual a sa inchangtir nuamhai ngai, mi sahai chu saloi an inchangtir ngai.

ISAIA 65:2

Sûn sôtin anni hrangin ki bân ki phara, tehel nuamtuhai hin an inuam lam vai an zonga, an omdân hi dik mah.

JEREMIA 22:17

Khan dik loi taka inlâp tumin ni mit nin lêngtira, Thil poi tho loihai ni thata, nakhrât insua’n ni mihai ni sirbehaia. Rengpa’n a iti tâk a ni.

JEREMIA 32:32

thil saloihai Judai ram le Jerusalem mihai, an rênghai, hruaituhai, an ochaihai le deipuhai an rênga thôna sikin.

JEREMIA 4:17

Jerusalem chu mi’n loi an ihrung ngai angin, hrung an ta, a mihaiin Rengpa chunga an tehel sikin Rengpa’n a iti a ni.

JEREMIA 5:5

Mi lianhai kuang fe ki ta, anni chu va chongpuihai ki ti. An Pathianin a innang chu imo a ini. Rengpa’n imo an itho hranga a inuam chu inhre ngêt a ti,” tiin ki ngaituaa. Khannisian an rêngin Rengpa thuneina an hnôla, a thupêk zôm hrangin an inuam loi a ni.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

EZEKIELA 12:2

“Mihriam nâipa, mi tehelzong insûngkua, hmûna hranga mit neia hmu loihai, inhriatna hranga mikuar neia inhriat loihai laia om ni ni, mi tehelzong in sûngkua an lei ni ngaia.

EZEKIELA 22:27

Sorkâr roirêltuhai khom chu inê, an sa fâk irchu irthêr ang an ni. Irchongna irzûlin mi an thathai ngai.

HOSEA 4:18

An zu in kha an chîna, nôtizuara an irsiama, an roiinpuina nêkin inzakpuiom kha an irngaiinhlu uala.

HOSEA 5:10

Juda milianhai kha ramri sontuhai ang an nia; an chunga ki ninginmurna kha tui angin bunthuan ki ti.

HOSEA 9:15

An sualna murdi kha Gilgal-a an tho irphuta, kha khan anni kha ki khôkmâka. An thiltho sual sika khan ki in ata inhnot suak ki ti. Annihai hi lungthung ta no ning; an hruaitu murdihai kha tehel zong an ni.

AMOSA 5:12

Nin sualnahai a tamzia le nin sualnahai a’rkhêlzia kin hriata; mi felhai dengintheitira, fâkinrûkna lâka, kul mikota mi irsamhai dongtum ngei khom pêk phal loihai.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 3:9

Nangni Jakoba-hai sûngkua hruaituhai le Israel sûngkua roirêltu, roirêlna dik intira, dikna tinrêng irlettir paituhaio, hi hi irngai unglân nangni ki ngên a ni.

MIKA 6:12

khataka mi irchonghai kha manêpnain an sipa, khataka omhai khan milak an thoa, an bâi sûnga an milei kha huangna’n an ihmang a ni.

MIKA 7:3

thil saloi thôna hrangin an kut kha a theithiama, hruaituhaiin inphût an neia, roirêltuhaiin fâkinrûkna an ngêna, mi lianhaiin an inuam tak sual an hrila, an inthurual irhlôm a ni.

ZAKARIA 7:10

Nin ram sûnga ram dang mihai, meithâihai, farahai le inrianginvâihai chu nuam le ningin lohai no unglân, khabana mâni urênghai chunga tukhomin sinsiat ngaitua no ri sehai,” tiin.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

NAMBAR 22:7

Khanchu Moab upahai le Midian upahai chu khuasâlna hrang, a man chôiin Balaama kuang an fea, khan Balaka iti khom kha an insîr pea.

MATHAIA 21:13

an kuang, “Pathian Thubua, Pathianin, ‘Ki in chu chongchaina in ti an ti,’ ti irziak a ni. Khannisian, nangni’n chu nakhrâtsonghai khura kêng nin isiam a ni hi,” a tia.

MARKA 11:17

Khanchu, an kuang, “ ‘Ki in chu nam tin ta hranga chongchaina in ti an tih,’ ti irziak a ini loi ma ni? Nangni rêkin chu inruhai chêng inbualna’n nin isiam hi,” tiin a’rchuhaia.

LUKA 19:46

an kuang, “Ki in chu chongchaina in ni a ti, ti irziak a ni, nangni’n chu nakhrâtsonghai khura kêng nin siam ual tâk,” a tia.

LUKA 24:27

Khanchu, Mosia ata irphutin deipu murdi thu suiin Pathian Lekha thua, a thurchi irziakna hmun tina a hrilfiah pehaia.

DÂN INHNINA 16:19

Dik takin roirêl an ta, thiarthâk an inei hrang ni ma, fâkinrûkna hin mi vârhai mit an chotir ngaia, mi dikhai chungthu khom dik loi takin a rêl ngai.

JAKOBA toc2 JAKOBA 1:27

Pathian mit hmua sakho biak dân irthiang le sual kop loi chu hi hi a ni: fara le meithâihai an intak laia donsui le rammual porinche kop loia irvong insa hi a ni.

1 SAMUELA 8:3

Khannisianlân, anni khan an pa omdân zui loiin, sum le puan tiang an huatirhama, khasikin fâk inrûkhai an hmanga, dik loi takin roi an rêl ngaia.