ISAIA 1:21 - PATHIAN LEKHABU IRTHIANG C.L. Bible (BSI)

²¹ I thoa khopui iamom tak chu Notizuar angin teh a om tâka? Dik taka, roirêlna, mi dikhai omna chu, mi thathai omna teh a hong ni tâka!

ISAIA 1:21 ပူးပေါင်းရင်းမြစ်များ

THUPHUANG 11:8

An ruak kha an Rengpa hembea a omna Jerusalem lamliana khan om a ti. Kha kho roiinpui kha irtha tiang thua chu Sodom le Aigupta ti a ni.

THUPHUANG 11:2

Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

HEBRAI toc2 HEBRAI 12:22

Nangni chu Zion Tâng, Pathian hring khopui, vân Jerusalem le Vântîrtôn sâng tamtakhai omna nin ingîr a ni.

TÎRTÔNHAI SINTHO 7:52

Nin puhaiin deipuhai laia tu mo deng an inthei loi? Mi fel Tak, hong hranga thu lei hriltuhai kha an thathaia, atûn nangnihai hi, kha Mi fel tak incheltirtu le thatpuhai kha nin ni.

LUKA 13:34

“O Jerusalem, Jerusalem, deipuhai thattu, ni kuanga tîrhai lunga lei dêng thattu! Ârpuinu’n a tehai a mitha hnuaia a iop khôm angin ni nâihai voi iza op khôm ki tuma, nin inuam loi kha?

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

HOSEA 11:12

Efraima khan milak thu’n a nir hual vêla, Israel sûnghai khan huangna’n; Juda khomin Pathian tiang ngaisak maka, mi irthiang chunga khan iam a iom loi a ni.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

ISAIA 48:2

Khopui irthiang mi kin nih nin irtia, Israelhai Pathian iamtu nin irtia, ama irhming chu itinrêng Rengpa a ni.

ISAIA 5:7

Itinrêng Rengpa irhuan chu Israel in sûng mihai hi an nia, Judai rama mihai hi a inhroihai tak chu an ni. Diktaka roirêl sabeiin, mi that an nuam ngaia, khannisian chardonga an khêk irhâi a hmu intamhai ta.

INPÂKNA HLAHAI 48:8

Sipaihai Rengpa khopuia, ei Pathian khopuia khan, Mikuara ei inhriat ang dênin ei hmu ta: Pathianin kha khopui kha kumkhua hrangin indettir a ti.

INPÂKNA HLAHAI 48:1

Rengpa chu a roiinpuia, a saterenga inpâk hrang a ni, Ei Pathian khopuia, a tâng irthianga khan.

INPÂKNA HLAHAI 46:4

Ivadung inkhat a oma, kha ônhai khan Pathian khopui an lômtir ngai, Anchungtaka omna hmun irthiang chu.

NEHEMIA 11:1

Mipui hruaituhai chu Jerusalema an oma; sômkhat laia inkhat khopui irthiang Jerusalema inomtir le sômkhat laia kuak kho danga om hrang hai inhriatna’n mipuihaiin tâ an sâna.

2 THURCHI SUINA 19:9

Hiang hin a tia, “Rengpa chipumin ama sin nin itho hrang a ni; nin itho kai chu iamom takin tho unglân,

2 SAMUELA 8:15

Davida khan Israel mihai chunga roi a rêla, mi murdi chunga khan fel takin roi a rêla.

THUPHUANG 17:1

Berbu sari chôi vântîrtôn sarihai laia inkhat kha a honga, a ni hong chongpuia. “Hong ta, tui tamtak chunga toi, notizuar irhming inthang tak chunga hremna om hrang kha nang irhmutir ki ti.

ISAIA 1:22

Nang tangkarua chu a êkin a iman zoi ni ni ta.

ISAIA 59:3

Nin kuta thisen a kâi neng nunga, nin kut zaphaa dik loina a sipa, nin hmûr le minlak nin thoa, nin mileiin thu saloi nin hrila.

ISAIA 59:14

Diktaka roirêlna om ta ma, diktaka sintho rêng om ma ung. Iamna chu tui laia a om chiana, dikna khom hong lût thei mah.

ISAIA 59:15

Iamomna rêng om ta maka, sualna khan an hnê zoi ta, Rengpa’n a hong hmua a milung chuk pe ta ma, roirêlna dik hmu hrang zel nei ta mah.

HOSEA 2:5

An nu khan noti a zuar ngaia, anni invongtu kha inzakom takin a om: ki bu hai, ki tui hai, ki samul hai, ki pat hai, ki sahriakhai le ki in hranghai ni pêktu, ki irditpuihai irzûl ki ti, a iti a ni.

HABAKUKA 1:4

Khasikin, dân thu khan ar fêna om thei maka, Roirêlna thu suak ual ngai ma: Mi felhai kha mi siahai khan an irhual vêla. Khasikin roirêlna kha dikloi takin a suak ngai a ni.

ISAIA 26:10

Mi sualhaiin inren hlo ngai khom sianlân, thil dik tho irchu nuam ual mahai, dikna rama khom hin thil sual an tho maia, Rengpa roiinpuina chu hmu nuam mahai.