ISAIA 1:16 - PATHIAN LEKHABU IRTHIANG C.L. Bible (BSI)

¹⁶ Irsil unglân, fâi ta roi, thilsual nin itho ngai hi ma ta unglân, thilsual tho ta ngai no roi.

ISAIA 1:16 ပူးပေါင်းရင်းမြစ်များ

2 RÊNGHAI 17:13

Rengpa’n Israelhai le Judahai hril hrangin a tirtôn le deipuhai a tîr ngaia, “Nin omdân intirom hi masan unglân, nin irchibulhai laia ki dân pêkna lekhabua chuang ki siahlo deipuhai ihril; ki thupêk le ki inkunghai zôm unglân, tiin.

INPÂKNA HLAHAI 26:6

Ki kuthai hi sêlnaboiin irsûk ki ta, Khasikin, O Rengpa, ni maichâm kha irhîl ki ti;

INPÂKNA HLAHAI 34:14

Sual rotsanin lân, thil sa tho roh; Irngeina zongin lân, a’rzûlin irzûl roh.

INPÂKNA HLAHAI 37:27

Sual rotsanin lân, thil sa tho roh; Khanchu kumkhua’n om mai ni ti.

INPÂKNA HLAHAI 51:2

Ki siatnahai hi ni’rsunfâi zitin lân, Ki sual hi nin fâi roh.

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

THUVÂRHAI 4:27

Sualna hnung songsanin lân, intûn takin mân tiang fe ro. Lampui dika irthokin vei tiang mani, chang tiang mani pêt viat no roh.

ISAIA 52:11

Suak roi, suak roi, Babulon hi suaksan roi; thil porinchehai hi inthem viat no roi, Rengpa timmatua pêlhaio, irthial irthiang unglân, suaksan roi.

JEREMIA 18:11

Khasikin atûn hin Juda mihai le Jerusalema omhai kuang, anni doi hrangin thil ki’rsiama, dûk thohai hrangin ki irzoi diam ta a nih ti hril roh. Anni chu sual sintho hringnun hmang inhek hrangin hril ro, an lampuihai thûla an sinthohai mâkin.

JEREMIA 25:5

Rengpa’n nangni le nin irchibulhaiin nin nei mai hranga nangni a ipêk rama nin om thei maina hrangin, nin sual hringnun le nin thil saloi thohai masan hrangin nangni a ihril ngai a ni.

JEREMIA 26:3

Mipuihaiin an irngaia an omdân saloihai an mâk theina hrangin, an mâksan theiin chu an thil sual thohai sika khan an chunga vânduaina intung hranga ki irêl sai kha irlêktir pehai ki ti,” a tia.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 4:14

Jerusalem ni lungrîla irthokin sual infâi ro, khanchu saninzôkin om ni ti. Idôr mo ni ngaituana sual hi a la iom hrang?

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

JONA 3:8

Mihriam le sahai khan bora puan sil ualhai sianlân, a satêrengin Pathian insam ri se: a ni, mi tinin mâni lam saloi le an kuta sin sualna kha irheisan ri sehai.

ZAKARIA 13:1

Khan Sipaihai Rengpa’n, “Kha zoro kha a hong tung tena chu, Davida irchi suanpâra mihai le Jerusalema mihai, an sualnahai le an millim biaknahai thâr irthiangna hrangin tuikuang inhong pe ni an ti.

ZAKARIA 7:7

Khan, hi hi matona Jerusalem chu tuanintung taka a oma, mipui tamtak a sip laia le, a khopuihai ti bana, sim tiang le nitâk tiang tâng kôlhaia an om laia deipuhai kuanga Rengpa’n a lei ihril kha a ni.

MATHAIA 3:8

Nin sualhai ata nin irlet ngêt a nih ti inlang hrangin sin tho roi.

TÎRTÔNHAI SINTHO 22:16

Ir-ial loiin thoiin lân, ar hming sâmin baptisma changin lân, ni sualhai irsunfâi ta roh,’ a ni tia.

ROM KHUAA MIHAI KUANGA TÎRTÔN PAULA LEKHATHON 12:9

Lungthungna chu vârillekna kop loiin ni ri se. Sual chu khôkmâk unglân, a sa kha pom khak roi.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

JAKOBA toc2 JAKOBA 4:8

Pathian nâi roi, ama khomin nangni nâi a ti. Mi sualhaio, nin kuthai irsûkinfâi unglân, mi vârillekhaio, nin milung irthiangtir roi.

1 PETERA toc2 1 PETERA 2:1

Khanchu sual chi tinrêng masan unglân, huangna hai, vârirletna hai, hnarsâna hai, insîrinsiatna hai murdi masan roi;

1 PETERA toc2 1 PETERA 3:11

Sual irheisanin thil sa tho ri se, Irngeina zongin lungrîl pêk takin irzûl mai ri se.

THUPHUANG 7:14

“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.