ISAIA 1:15 - PATHIAN LEKHABU IRTHIANG C.L. Bible (BSI)

¹⁵ Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.

ISAIA 1:15 ပူးပေါင်းရင်းမြစ်များ

1 RÊNGHAI 8:22

Solomona chu mipuihai maton tiang, Rengpa maichâm kôla a ngîra, bân phar pumin,

1 RÊNGHAI 8:54

Khan, Solomona chu Rengpa kuang a chongchai zoiin chu bân phara a chongchaina hmun maichâm kôl ata chu a ngîra.

EZRA 9:5

Khohloi tianga irbôl zoroa khan beidong pumin songkol le diar chet pumin ki thoia; ki khûksadela, Rengpa ki Pathian tiang ki bân ki phara;

JOBA 27:20

Tuilianin a ide zut angin, Zâna phâivopui tho’n sêm inzuan a ti.

JOBA 35:13

Pathian nuama zongtuhai chu irngaitua ngai maka, Itinrêngthotheitu khomin irngaitua pe no ni.

INPÂKNA HLAHAI 134:2

Nin kuthai chu hmun irthianga khan phar unglân, Rengpa chu inpâk roi!

INPÂKNA HLAHAI 55:1

O Pathian, ki chongchainaa hin ni bêng zuang do’n lân; Lungkham ki ngênnaa hin irthup no roh.

INPÂKNA HLAHAI 66:18

Ki milung sualna ki’rngaisakin chu Rengpa’n nir ngaitua no ni.

FESUAKNA 9:29

Mosia’n a kuang, “Khopui ki suaksan zoiin chu, Rengpa tiang ki kut phar ki ta, hnuai hi Rengpa ta a nih ti nin hriat theina hrangin, irvân inrûmhai mong a ta; irial khom tho ta no ni.

THUVÂRHAI 1:28

Kha tenin chu ni koi nin ta, khannisianlân, nangni sâm thei no ning. Kil tina ni zong vêl nin ta, khannisian ni hmu ta no chin ni.

ISAIA 4:4

Rengpa irtha’n Zion mihai chungchâng rêl infelin an porchenahai infâi a ta, mei ikâng angin irtha khan Jerusalema thisenhai chu infâi a ti.

ISAIA 45:15

Israelhai Pathian, anni saninhringtu chu Pathian irthup ni lei ini a ni.

ISAIA 58:4

Bu nin ngheiin, nin ning an mura, nin inbuaihaia, irsual nuamin, kuttum nin thâk ngai. Hi nikhua nia nin chongchaina chu chunga mi’n inhre ri se, nin iti ma ni?

ISAIA 58:7

Phîngchâmhai chu nin bu semhai unglân, a chai inlênghai chu nin in sûnga hruai inlûthai roi; korongboia nin ihmuhai chu sil le bom pehai unglân, nin urênghai masanhai no roi.

ISAIA 64:7

Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

JEREMIA 11:11

Khasika khan keima Rengpa’n an chunga siatna zuan sum ki ta, zôk thei no nihai ti hi ki inhriattirhai a ni. Changpui hrangin an ni koi khomin irngai pehai no ning.

JEREMIA 14:12

Bu ngheihai khomsian changpui hranga an khêkna kha irngai pehai no ning, an hâlirvôm le an chîmu irbôlna inhlan sika khan, an chunga lôm ual no ning. Irdoina hai, châmna le hri le hraihaiin anni chu ki ithathai hrang a ni,” a tia.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

EZEKIELA 11:6

Hi khopuia hin mi nin ithat intamhai zêla, khataka tuallaihai chu mithi ruakin a sipa.

EZEKIELA 14:3

“Mihriam nâipa, hi mihai hin an millimhai makunga an sualna irtetna chu an sia a ni; keima’n sâmna ki la ipêk hrang an la isôn ma ni?

EZEKIELA 39:23

Khanchu nam tinhaiin Israelhai chu ki chunga an sualna sikin sala intângin an om ti inhre ta an ti. Kei chu anni ata a dang tianga irheiin, an râlhai indoitirin irdoina khan thathai ki ti.

HOSEA 5:6

An belra pâlhai le an sehrât pâlhai le Rengpa zong hrangin fe an ta, khannisianlân ama kha chu hmu no nihai, anni ata a irkiang tâk a ni.

MIKA 3:4

Kha tika chu Rengpa insam an ti, khannisianlân anni kha sâm no ni: a ni, kha tika chu an thil thoa an itho insa loizia ang takin, annihai ata a hmâi thup a ti.

ZAKARIA 7:13

Thu ki hril lai khan an irngai no sikin, kei khoma an thuhril chu irngai pehai ma ung.

MATHAIA 23:13

“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.

MATHAIA 6:7

“Nin chongchaiin Jentailhai angin nôk mai mai no roi; an chongchai tam sikin inhriat hrangin an ibe a ni.

JOHANA 9:31

Pathianin mi sual chong irngai nuam mah ti ei inhriat; khannisianlân, Pathian ngaisaka, a nuamlam thotuhai chong chu ar ngaitua ngai.

1 TIMOTHEA toc2 1 TIMOTHEA 2:8

Khanchu, nin inkhômna kipa pasalhaiin chu tho ta takin, ningmur le lunghla puma tho loiin kut irthiang pharin chongchai ri sehai.