IRPHUTNA 9:7 - PATHIAN LEKHABU IRTHIANG C.L. Bible (BSI)

⁷ Khan, nangni chu irchi suanpâr tam takin hong pung unglân; irnênga hin nâi tamtak nei unglân; irnêng hong sip roi,” a tia.

IRPHUTNA 9:7 ပူးပေါင်းရင်းမြစ်များ

IRPHUTNA 1:28

Khanchu Pathianin sat a vurhaia, Pathian ngêtin an kuang khan, “Irchi tamtak sema pung hrangin, irnêng chung hi lua sipin, nin ircham takin inomtir roi, tuipui sûnga ngahai chunga, chunglêng vahai chunga khom, thilhring irnêng chunga bokvâka fe murdihai chunga ircham nei roi,” a tia.

IRPHUTNA 35:11

Pathian ngêtin a kuanga khan, “Kei Pathian Itinrêngthotheitu ki ni: irchi tam takin hong pung ro; irchi tep zoi loi rak, nam dang dang changin hon pungtir ni ta, nir chi ata rênghai khom la hong om an ti.

IRPHUTNA 8:17

Taksa nei murdi le thilhring ni iompuihai khom, sahai, ramsahai irnênga bokvâka fehai le vâhai khom hmunkhatin hruai suakhai vingin lân, irnênga hin nâilete nei intamin, irchi tamtak neia an hong pung theina hrangin,” tiin a hrila.

IRPHUTNA 9:1

Khan Pathianin, Nova le a nâihai kha bor a pêkhaia, an kuang khan, “Irchi tamtak thâka hong pungin irnêng chung lua insip roi.

IRPHUTNA 9:19

Hi mi inthumhai hi Nova nâihai chu an ni. Anni inthumhai irchi hi irnêng chung an isip tâk a ni.

IRPHUTNA 9:8

Khan Pathianin Nova le a nâihai kuanga khan,

JEREMIA 29:6

Nin nâipasalhai hrang dôngma zong pehai unglân, nin nâinuhai hrang khom pasal inneitirhai roi, khan kêng anni khomin nâipasalhai le nâinupanghai an inei thei hrang. A tôm tiang ni loiin nin inpung ngêt hrang a ni.