IRPHUTNA 8:12 - PATHIAN LEKHABU IRTHIANG C.L. Bible (BSI)

¹² Khan sûn sari dang a nghâk zoiin chu vasu an vuangtir nôka, a kuang hong kîr nôk pe ta maka.

IRPHUTNA 8:12 ပူးပေါင်းရင်းမြစ်များ

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 26:8

Rengpa khasikin ni nuam lam anga fe hrangin lampui zongin nang ki nghâk. Ni’rhming inhriat mai hi ki inuamtak a ni.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

IRPHUTNA 8:10

Khan sûn sari dang a nghâk nôka, vasu kha irkuang ata an vuangtir nôka,

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

INPÂKNA HLAHAI 27:14

Rengpa kha nghâk mai roh; Hrât takin omin lân, ni milung kha inhâitir ri se; A ni, Rengpa chu nghâk mai roh.

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

IRPHUTNA 8:11

vasu chu a vuangin khohloi tiang chu a hong kîr nôka; khan irngai ro, a hmûra khan Oliv hna tharte a hong sê khap pea, khanchu Nova’n tui a tôm tah ti an hriat thei ta.

JEREMIA 48:28

Nangin Moab khuaa om mihai nin khopui hi ma ta roi; rôl lunghai laia va om roi. Pûk bâi kôla irbu kaitu vasu ang chu ni roi.