IRPHUTNA 6:6 - PATHIAN LEKHABU IRTHIANG C.L. Bible (BSI)

⁶ Kha tena chu irnênga om hrang mihriam a lei isiam tâk hi a sate’n a’rsîra, lungrîl natna’n a neipui tâka.

IRPHUTNA 6:6 ပူးပေါင်းရင်းမြစ်များ

IRPHUTNA 6:7

Khanchu Rengpa’n, “Ki mihriam siam, hi irnênga omhai hi inboi ving inlân, mihriamhai, sahai, thilhring hai, chunglêng vahai leh hin; ki siam tâk sikin a sân ki’rsîr,” a tia.

2 SAMUELA 24:16

Rengpa vântirtôn khan insiat hrangin Jerusalem tiang a kut a hor leka, khan Rengpa’n a mihai kuttum tho hrang a iti kha a milung a’rthûltira, mi thattu vântirtôn kuang khan, “A ruk ta, ni kut irlek ta no ro,” a tia. Rengpa vântirtôn kha Jebus mi Arauna hruizôl kôla khan a oma.

1 THURCHI SUINA 21:15

Rengpa’n Jerusalem insiat hrangin vântîrtôn a zuang tîra, nuam nôk maka, vântîrtônhai kuang khan, “A ruk ta, tho ta no ro,” a tia. Khan vântîrtôn kha Jebus mi Arauna hruizôla khan vântîrtôn kha a ngîra.

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

INPÂKNA HLAHAI 110:4

Rengpa’n chong an kunga, a lungrîl indanglam no ni: “Nang chu Melkisedeka ochai nina ata zuang suiin kumtuang ochai ni nih ti,” tiin.

INPÂKNA HLAHAI 119:158

Vârirlethai chu lunghoi loi takin ki ena, Ni thu an zôm no sikin.

INPÂKNA HLAHAI 78:40

Ramchâra khan a chunga tehel an va zong intama. Ramchâra khan ama kha bei an indong intam bâka!

INPÂKNA HLAHAI 81:13

O, ki mihai hin ki thu irngaiin, Israelhai hi ki lampuihaia hin fehai sianlân chu o!

INPÂKNA HLAHAI 95:10

Kum sômminli sûng dên kha mi irchihai chunga khan ki milung ni mah, “An milunga irngaiinsual hmang mi an nia, Ki lampuihai khom inhre mahai,” ki tia:

FESUAKNA 32:14

Khasika khan kêng Rengpa’n a lungrîl an danglamtira, a mihai chunga vânduaina irkhêl intungtir hranga a lei ihril kha a irlêktir a ni.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

ISAIA 63:10

Khannisian ama kuang ata an tehel pe nôka, a’rtha irthiang lungrîl chu an natir pea, an râlin a om pehaia, a idoihai nôk a ni ta.

JEREMIA 18:7

I ang zoroa khom namin mo, rêng ramin mo, phâipai ki ta, setchit ki ta, irhmangtir ki ti, lei ti ngai khom inlân,

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

JOELA 2:13

nin puan ni loiin nin milung thêr unglân, Rengpa nin Pathian tiang khan irhei roi: ama kha lunginkham thei tak le inrennaa sip, milung irnêm le khonzâna nei intam, thil saloi ata hong kîr ngai a ni,” a tia.

JONA 3:10

Khanchu, Pathianin an thilthohai kha enin, a lampui saloi kha an irheisan tih a hmua; an kuang a lei insîr tâk angin, tho a itum thil saloi kha Pathian khan ar hei kîra; a itho ta loi a ni.

MALAKIA 3:6

Kei Rengpa hi danglam ngai ma unga, khasikin nangni, O Jakoba irchihaio, ar hmang ni mak chêi.

NAMBAR 23:19

Pathian chu mihriam minlak ang hi ni maka, Ama chu mihriam milung irletkochok ngai ang hi ni ma; chong a inkung tâk chu a tho ngêt ngai. Thu a hrila, a’rzoi zel ngai.

ROM KHUAA MIHAI KUANGA TÎRTÔN PAULA LEKHATHON 11:29

Pathianin mi, sat a ivur tâk le a inthang tâk chu sut nôk thei ni ta mah.

EFESI 4:30

Pathian Irtha Irthiang kha beiindongtir no roi, irtanna ni hrangin ama ta ngei nin nizia Pathianin nangni a isinsia a ni.

DÂN INHNINA 32:29

Vâr ualhai sian chu inhre thei an ti, an om hrang dân thîr thei an ti.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti:

HEBRAI toc2 HEBRAI 3:10

Khasikin, kha irchihai chunga khan ki ning an mura, ‘An lungrîlin a hruai pêta, Ki lampuihai khom inhre ta mahai,’ ki tia.

HEBRAI toc2 HEBRAI 3:17

Tuhai chunga mo kum sômminli sûnga Pathian ning a inmur kha? Sual sina ramchâra thi tâkhai chunga khan a ni.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

1 SAMUELA 15:11

“Saula rêng ki lei inchang hi chu ki irsîr a ni; hnung a ni songsana, ki thupêkhai zôm maka,” a tia. Samuela chu a ning an mur pea, zân khovârin Rengpa an sama.

1 SAMUELA 15:29

Israelhai roiinpuina Pathian kha irsîr no nia, a lungrîl khom thûl no ni. Ama chu mihriam anga lungrîl irthûl ngai ni ma,” a tia.

1 SAMUELA 15:35

Khaangin Samuela chu a thi nî dênin Saula chu va’rtongpui nôk ta maka; khannisianlân, Samuela kha Saula sikin beiindong takin a iom tâk a ni. Rengpa khan Israelhai rêng ni hranga Saula a lei iphun kha a irsîr tâk a ni.