IRPHUTNA 6:17 - PATHIAN LEKHABU IRTHIANG C.L. Bible (BSI)

¹⁷ Khanchu irngai ro, keima’n taksa nei murdi hringna pai hrangin irnêng chung hi tui ki indîl zit hrang a ni. Irnênga hringna nei murdi that vingna hrangin,

IRPHUTNA 6:17 ပူးပေါင်းရင်းမြစ်များ

IRPHUTNA 2:7

Khan Rengpa Pathianin irnêng pilin mihriam a siama, a hnâra hringna phûk a mût inlûta, khanchu mihriam kha mihriam hring a hong ni tâka.

IRPHUTNA 6:13

Khanchu Pathianin Nova kuang khan, “Taksa murdi hek hrang nikhua chu ki kuang a om ta, annihai sikin irnêng chung hi hnarsana’n a sipa, khasikin irnêng chung hi ki insiatpai hrang tâk kêng, a tia.

IRPHUTNA 6:16

Irkuanga khan tukver khom ni isiam hrang a ni. A chung tiang mûk khat kâra a dâp ni itho hrang a ni. Irkuang inkhat chu a sîr tiang ni inhong hrang a ni. Irkuang chu irchuan inthumin ni isiam hrang a ni.

IRPHUTNA 6:7

Khanchu Rengpa’n, “Ki mihriam siam, hi irnênga omhai hi inboi ving inlân, mihriamhai, sahai, thilhring hai, chunglêng vahai leh hin; ki siam tâk sikin a sân ki’rsîr,” a tia.

IRPHUTNA 7:15

Khanchu taksa nei murdi a chal a pui an rêngin Nova irkuang sûnga an lûta.

IRPHUTNA 7:17

Khan, tui kha irnêng chunga hin sûn sômminli a lêt tâka, tui chu a sip zut tâka, irkuang chu a’rhlân maia.

IRPHUTNA 7:4

Sûn sari a la’rsam, hi zoi hin chu irnêng chunga hin sûn sômminli zân sômminli rua inthotir ki ta; ki thilhring siam murdi irnêng chunga an hek theina hrangin,” a tia.

IRPHUTNA 9:9

“Irngai roi, keima ngêtin nangni le nin irchi la hong om hranghai kuanga ki thuthung chu ki indet a ni,

JOBA 22:16

A zoro ni loia sonpaiin a oma, An irnghatna khom tuilianin a tânpai ta.

INPÂKNA HLAHAI 107:34

Ram satakhai chu a mi omhai sual sikin, ram inponin an changtira.

INPÂKNA HLAHAI 29:10

Rengpa chu tuisânglian lai khan rêngin a toia, A ni, Rengpa chu kumkhontuanga hrangin Rêngin a itoi a ni.

FESUAKNA 14:17

Keima’n Aigupta mihai lungrîl inngartir pehai ki ta, khanchu irzûlhai mai an ti. Faroa le a sipaihai, a sakor tâli le sakor chung chuang mihaiin ni chôiirsâng an ta,

ISAIA 51:12

Keima hi ki nih irtharngamna intungtu, a thi thei mihriam, pârhai anga mihring nâihai hi, ithoa mo nin la ichihai mai?

ISAIA 54:9

Nova dam lai khan irnênga tui sip ta loi hrangin thu kin kunga, ningmur taka irchu ta loi hrang atûna ki inkung hi, nang an rentu Rengpa’n a ti.

EZEKIELA 34:11

“Kei Rengpa Pathian hin nangni ki hril, keima ngêtin ki belrahai chu enkolin donsuihai ki ti.

EZEKIELA 34:20

“Khasikin atûn, kei Rengpa Pathian ngêt hin nangni ki hril, nangni belra hrâthai le irzalhai kâr hi rêl hrang ki ni.

EZEKIELA 5:8

Khasikin, Rengpa pathian khan hiang hin a ti. Irngai ro, kei ngei khom hin nang doi hrang ki ni. Nam danghai mithmua nangni ki ihrem hrang a ni.

EZEKIELA 6:3

Israel rama tânghai, Rengpa pathian thu hi irngai roi. Rengpa pathianin tânghai le mualhai kuanga le irhôrhai le phâi irhôrhai kuang hiang hin a ti. Irngai roi, kei, keima ngei hin nin chunga khandai zuang inlek ki ta, millim biak irbôlna hmunhai chu insiat zit ki ti.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

LEVI DÂN 26:28

ningmurin nin chunga insum ki ta, a bâk saria nain nangni hrem ki ti.

AMOSA 9:6

irvâna a tentanhai siama, tuikhanglianhai siama, irnêng chunga a tentan irkual siama, tuikhanglian tuihai koia, irnêng chunga bunpaitu, ar hming chu Rengpa a ni.

MATHAIA 24:39

tui a hong liana, an rêngin an irhmang zit mâka chu imo a hong itung ite inhre mahai; Mihriam Nâipa zuang nôkna chu, khaang tak khan nih a ti;

LUKA 17:27

Nova irkuanga a lût ni dên khan mihai khan an fâkin an ina, dôngma pasal an irneia; tui a hong liana, an rênga a hong ithat irhmanghai tâk kha.

ROM KHUAA MIHAI KUANGA TÎRTÔN PAULA LEKHATHON 5:21

Khanchu, sual chu thina’n roi a rêla; ei Reng Jisua Krista zâra kumtuang hringna ei nei theina hrangin Pathian lungkhamna khan thiam inchangtirna’n roi a irêl tâk a ni.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

DÂN INHNINA 32:39

Keima vai hi Pathian kha ki ni, om ta tak mahai pathian danghai, ki thathaia, kin damtirhaia, ki ta ni sutpai thei tûte om mahai.

HEBRAI toc2 HEBRAI 11:7

Iamna’n Nova khan, sûn matona thil a la ihmu theiloi Pathianin a hril laia khan, Pathian thu zômin irkuang a sina, kha irkuanga khan ama le a in sûng mihai saninhringin an om. Khasika khan, rammual kha thiamno an changa, iamna sika felna Pathian kuanga om kha a idong a ni.

1 PETERA toc2 1 PETERA 3:20

Khahai kha Nova irkuang tuk sûnga Pathianin tuangdiar taka a nghâk laia, zôm nuamloihai irtha kha an ni. Irkuanga khan, mi tômte, kiriat vai, tuia saninhring an ni.

2 PETERA toc2 2 PETERA 2:5

Tianlai rammual khom hôi ma, rammual sual tak chunga tui an lêttira khom khan, Nova, felna thu’npuangtu le mi dang sari vai an izôk a ni.