IRPHUTNA 50:18 - PATHIAN LEKHABU IRTHIANG C.L. Bible (BSI)

¹⁸ A urênghai khom an rêngin a kôla khan khûksadelin an oma; “Nangma siahlohai kin ni,” an tia.

IRPHUTNA 50:18 ပူးပေါင်းရင်းမြစ်များ

IRPHUTNA 45:3

Khanchu Josefa’n a urênghai kuanga khan, “Josefa kha ki ni; ka pa chu a la dam mai na,” a tia. Khannisianlân a urênghaiin ite sâm hrang inhre loiin an kamang zoi tâk a ni.

IRPHUTNA 44:14

Khan Juda le a sanghaiin Josefa in an va tungin chu, a lei om maia, kûnin chubai an va mûka.

IRPHUTNA 42:6

Khan Josefa chu kha rama khan hruaitu tak a lei nia; ama ti loiin tûte ram dang mihai bu pêk thei ni maka: khanchu a uhai an honga irnênga khûksadelin ama chubai an mûka.

IRPHUTNA 27:29

nam tinin ni sin thohai sianlân; chi dang danghaiin chubai nang mûk ri sehai. Ni urênghai laia rêng angin omin lân; ni nu nâihaiin chubai nang mûk ri sehai: Khua nang sâltu chu khosâlin om sianlân, sat nang vurtu chu satvurin om ri se,” a tia.

IRPHUTNA 41:43

Khan a sakor inhnina khan an chuangtira; “A matona hin mi tinin chubai mûk roi,” tiin an khêka. Khanchu Aigupta rama hruaitu a ni tâka.

IRPHUTNA 50:17

hiang hin Josefa kuang ti roi, lungkham takin ni urênghai sin insiatna, le an sat loinahai chu ngaidamhai ro, nin iti hrang a ni, tiin thu a ni pêka: khasikin lungkham takin ni pa Pathian siahlohai thil sual tho chu ngaidamhai ro,” an tia. Khan Josefa makunga an hrilin chu Josefa chu milung nain a chapa.

IRPHUTNA 50:19

Khanchu Josefa’n an kuanga khan, “Chi no roi, kei hi Pathian irthûla om mo nin ni sôn?