IRPHUTNA 5:22 - PATHIAN LEKHABU IRTHIANG C.L. Bible (BSI)

²² Methusela a nei zoiin Enoka chu kum 300 chu Pathian le omsuamin, nâinu le nâipa a la neihaia,

IRPHUTNA 5:22 ပူးပေါင်းရင်းမြစ်များ

1 THESALONIKA 2:12

A ram le a roiinpuina chang sa hranga nangni koitu Pathian mi irphuaa om hranga ngênin, inthorin, nangni kin inhriatir ngai a ni.

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

LUKA 1:6

An ruaiin Pathian mit hmua fel takin an oma, sêlna boiin Rengpa dân le a thu zômin an om ngaia.

MALAKIA 2:6

Thutak dân kha a bâia a oma, thu insual a hmûra om ma: Irtharngamna tak le irdîn takin ki makunga a lêng ngaia, mi tamtak an pualoina ata an kîrtir a ni.

IRPHUTNA 6:9

Hiang hin Nova thurchi chu a ni. Nova chu mi feltak a nia, kha laia mihriam sûnga chu Nova chu Pathian le hmunkhata lêngsuam ngai a ni.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

MIKA 6:8

O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

INPÂKNA HLAHAI 116:9

Mihring rama hin Rengpa makunga lêng ki ti.

LEVI DÂN 26:12

Nangni ompui ki ta, nin Pathian ni ki ta, ki mihai ni nin ti.

KOLOSA 1:10

Rengpa mi nin rukin, lam tinrênga inhriatnaa nin irsôn inlian theina hrangin kin ngên ngai a ni.

1 THESALONIKA 4:1

A mong taka chu urênghaio, Pathian inlôm lama om dân kin kuang ata nin idong ang khan nin oma, khaanga om mai hrangin Rengpa Jisua irhmingin nangni kin ngên.

EFESI 5:15

Khanchu nin om dâna a sân irdîn roi, mi’nvêthai anga om loiin mi vârhai angin om ual roi.

IRPHUTNA 48:15

Khan Josefa chu sat a vura, “Ki’rchibul Abrahama le Isaka maton ata a vuan sûn tena nin fâtu Pathian,

IRPHUTNA 24:40

Khan ama’n ki kuang, ‘Rengpa kuang ki omna hmun tina a vântirtôn chu ni kuang hong tîr a ta, ni ifena bi khom manchang nang insuatir ngêt a ti; khan kêng ka pa urênghai laia mi a dôngma hrang ni inneitir hrang a ni.

KOLOSA 4:5

Iamloihai ata vâr takin om unglân, nin zoro kha hmang insa roi.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

ROM KHUAA MIHAI KUANGA TÎRTÔN PAULA LEKHATHON 8:1

Khasika khan atûn chu Krista Jisua omhai ta hrangin chu thiamno inchangtirna zel om ta mah.

TÎRTÔNHAI SINTHO 9:31

Judai rama, Galili rama, Samari ram haia, a ram pumpuia koiindang mihai kha lungngam takin an oma, an det tîr tîra, Rengpa chi pumin an om saa, Irtha Irthianga irtharngamin an hong pung tîr tîra.

MIKA 4:5

Nam tinin mâni pathian seng biak an ta, eini khom Rengpa ei Pathian kha kumkhua’n biak ei ti.

AMOSA 3:3

An irngei no’n chu mi inhni an ife suam thei hrang ma ni?

HOSEA 14:9

Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

HLAHAI HLA 1:4

Ni kuang ni hruaiin lân, rot zel ei ti; ki ta hrangin rêng nin lân, ni tentana ni hruai lût ro, Ei raiinfân suam ei ta, lungirthungna uain irhnik takin insuam ei ti, dôngmate murdi’n lung nang inkhamhai khom sian.

INPÂKNA HLAHAI 128:1

Rengpa chihai ka chu an vân a sa, A lampui hrôtuhai chu.

INPÂKNA HLAHAI 86:11

O Rengpa, ni lampui chu nin entir ro; ni thutaka om ki ti: Ni’rhming chi hrangin milung pumkhat ni’rputtir roh.

INPÂKNA HLAHAI 56:13

Ki hringna hi thina ata ni saninzôk tâka: Ki kehai hi tûk loi hrangin ni isaninzôk tâk mo ni ma? Mihring vâra hin Pathian makunga ki lêng theina hrangin.

INPÂKNA HLAHAI 26:11

Khannisianlân kei chu lungrîl sa irputin om ki ti: Lung nin khamin ni saninzôk roh.

INPÂKNA HLAHAI 16:8

Rengpa chu ki makunga kin omtir ngaia, ki chang tiang a om sikin inhnîng no ning.

2 RÊNGHAI 20:3

O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia.

1 RÊNGHAI 2:4

Rengpa khan, nir chihai khom irdîn takin om an ta, lungrîl le thu takin ki thupêkhai an zômin chu Israel rêngtoihmun hi lua thei mai an ti, tia a lei inkung kha a tak chang a ti.

DÂN INHNINA 28:9

Rengpa nin Pathian thu hi nin zôma, a thupêkhai nin zôm ta takin chu a inkung angin ama dongtum, a mi irthiang ta hrangin nangni nei a ti.

DÂN INHNINA 13:4

Rengpa nin Pathian hnung kha zui unglân, a sin kha tho roi.

DÂN INHNINA 5:33

Rengpa nin Pathianin nin fena hrang a itia khan nin ife thiai hrang a ni; khanchu, dam nin ta, irhniang nin ta, nin ram nei hranga khan sôt tak nin idam hrang a ni.

FESUAKNA 16:4

Rengpa khan Mosia kuang, “Irngai ro, nin ta hrangin bai irvân ata zuang inthatir ki ta, khanchu mipuiin a sûn tina an fâk hrang vai va hrût ngai ri sehai, ki dân an zôm le zôm loi ki fiahai theina hrangin.

IRPHUTNA 5:24

Khan Enoka chu Pathian leh omsuamin om ta maka, Pathianin a hruaipai tâk sikin.

1 KORINTH 7:17

Tukhom Rengpa’n a kuang thilpêk a ipêk lam tak le Pathianin a ikoi lam takin om ri se. Hi dân hi koiindang tina ki isiam a ni.

IRPHUTNA 5:21

Khan Enoka khom kum 65 a niin nâipasal Methusela a neia,

IRPHUTNA 5:23

khanchu Enoka dam sûng kum chu 365 a nia.