IRPHUTNA 5:2 - PATHIAN LEKHABU IRTHIANG C.L. Bible (BSI)

² Thu ringotin pasal le nupang kha a isiamhai a ni. Thu ringota siam an ni lai khan sat a vurhaia, an irhming khom “Mihriam” a tihai ta.

IRPHUTNA 5:2 ပူးပေါင်းရင်းမြစ်များ

IRPHUTNA 1:27

Khanchu Pathianin ama irangpuiin mihriam a siama, ama ang zekin pasal le nupang a siama.

IRPHUTNA 1:28

Khanchu Pathianin sat a vurhaia, Pathian ngêtin an kuang khan, “Irchi tamtak sema pung hrangin, irnêng chung hi lua sipin, nin ircham takin inomtir roi, tuipui sûnga ngahai chunga, chunglêng vahai chunga khom, thilhring irnêng chunga bokvâka fe murdihai chunga ircham nei roi,” a tia.

IRPHUTNA 2:15

Khan Rengpa Pathianin mihriam kha a hruaia, Eden irhuan enkola hrung hrangin a siaa.

IRPHUTNA 2:23

Khan Adama’n, “Hi ngêt hi keima ru ang ru neia, ki taksa anga taksa nei ngei chu a ni: Pasal ata lâksuak a ni sikin. ‘Nupang’ ti hrang ni a ti,” a tia.

IRPHUTNA 5:3

Khanchu Adama kha kum 130 a ni kumin, ama irangpuiin nâipasal a neia; a’rhming khom Setha a phuaa.

MALAKIA 2:15

Khan hringna chi kha a nei sikin, ama khan inkhata a isiam loi ma ni? Itho sika inkhata siam mo a ini? Pathian chi kha a izong a ni. Khasika khan nin irtha khan irdîn unglân mi tukhom a thoibop dôngma kha porinche takin lo no ri sehai.

MATHAIA 19:4

Khan ama’n, “A phut ata hi thu hi tep ngai mak chêi mo? a phut ata siamtu khan nupang le pasal a siama,

MARKA 10:6

Khannisianlân, rammual irsiang ata Pathian thubu’n a iti angin, ‘Pathianin pasal le nupang a siam a ni’.

TÎRTÔNHAI SINTHO 17:26

Rammual pumpuia om hrangin, mi inkhat ata zât tin a siama. An ta hrangin hun bihai a khit pehaia, an omna hranghai a khang pehaia.