nam tinin ni sin thohai sianlân; chi dang danghaiin chubai nang mûk ri sehai. Ni urênghai laia rêng angin omin lân; ni nu nâihaiin chubai nang mûk ri sehai: Khua nang sâltu chu khosâlin om sianlân, sat nang vurtu chu satvurin om ri se,” a tia.
Hi rêng ringahai hi Josua kuang an hong hruaiin chu Israel mihai chu a koi irbukhaia, a sipai hruaituhai kuang, “Hong unglân, hi rêng ringahai tukburung hi sirbê pehai roi,” a tia. An honga, an tukburung an sirbea.
Khan, an râi nôka nâipasal a nei nôka, “Atûna nâi hi chu Rengpa inpâkna’n hmang ki ti,” a tia. Khasikin a’rhming khom Juda a tia; kha zoiin chu nâisalu a bâng ta.
Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.
Khanchu, upahai laia inkhatin ki kuang, “Chap no roh. Irngai ta! Juda nama mi Kâmkeibaknei, Davida bulpui khan, a’rsinsiana sari kha inhonga, lekhabu irzuat kha phar hrangin an hnê ta,” a tia.
Inlârna dik loi nang an irhmua, tasânna dik loiin nang an inentir a ni, ni ringa khandai irbuntirin om ni ta, ni sualna intirom tak sikin ni zoro a hong tung ta, hremna hnungkhôn tak sûn kha.
A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.
Rengpa’n a ompui a nih ti an hriatin, Efraima ram ata Samaria hai ram ata ama tianga kop mi tamtakin Asa an hor hnêla. Asa’n khahai kha Judai ram le Benjamina rama mihai a bukkhômhaia.
Reng Asa’n pho le ufeihai chôiin, Judai ram ata sipai nuai thum le Benjamina ram ata irdoi thei, rôppho innghâk le thal chôi sipai nuai hni sîngriat a neia; mi hrât irdoi thei tak tak an ni.
Khanchu Joaba khan mihriam om dôr kha rêng kuang a pêka. Israel rama khan pasal râl doi thei takhai chu, Israel mi nuai riat an oma, Juda mi kha nuai ringa an iom a ni.
Israel mihai chu an irthoka, Bethel-a an fea, Pathian an zonga, “Benjamina irchihai doi hrangin tu nam mo fe masa hrang?” an tia. Rengpa’n, “Juda irchihai fe masa ri sehai,” a tia.
Khan Josefa chu kha rama khan hruaitu tak a lei nia; ama ti loiin tûte ram dang mihai bu pêk thei ni maka: khanchu a uhai an honga irnênga khûksadelin ama chubai an mûka.
Rengpa Israelhai Pathianin, ki urênghai laia, ki dam sûnga inlal hrangin a nin thang suaka, nam hruaitu Juda irchihai hi a indanghai a ni. Judahai laia chu keini in sûng mi hi a nin thanga, kin in mi laia keima hi a nin dit bîka, Israelhai rêngin a ni siama.