IRPHUTNA 48:4 - PATHIAN LEKHABU IRTHIANG C.L. Bible (BSI)

⁴ ki kuang, ‘Irchi tam takin nan pung ki ta, irchi tam takhai irnghatna hmunin nang siam ki ti, hi ramhai hi nir chi suanpârhai khomin la hong lua an ti,’ a ni tia.

IRPHUTNA 48:4 ပူးပေါင်းရင်းမြစ်များ

IRPHUTNA 12:2

khanchu irchi tamtakin nang siam ki ta, sat tinrêng nang vur ki ti, ni’rhming inthangtir ki ti; khan, nang satvurna ni ro.

IRPHUTNA 17:13

Ni ina suak khom, suma ni irchôk khom a ser ni itan hrang a ni: khan kêng ki thuthung kha kumtuang thuthung a nih ti nin taksa khan a iom hrang.

IRPHUTNA 17:6

Nam tin chi tin nangma ata suak an ta, senkhat chu rêng ni an ta, rammual bitin pung ta ni ti.

IRPHUTNA 17:8

Khan ni kôl le ni hnunga ni’rchi la hong om hranghaiin chu ni mikhualna ram, Kanaan ram murdi hi kumkhua irchon hrangin nangni ki pêk; khan keima hi an Pathian ni ki ti,” a tia.

IRPHUTNA 22:17

Irvâna ârsi zât le tuia chiai tam nêkin ni’rchihai la’npung ngêt ki ti, nir chihaiin an irdoipuihai kul mikot khom la nei an tih ti le.

IRPHUTNA 26:4

Khan, irvâna ârsi tam nêkin nir chi la’npung ki ti, hi ram murdi khom hi nir chihai la pe ki ti; khan nangma irchi ata rammual mi chi tin vânsatna dong an ti.

IRPHUTNA 28:3

Khanchu Pathian Itinrêng thotheiin sat nang vur a ti; nam tamtak ni la hong chang theina hrangin, na’npungtir a ti;

IRPHUTNA 32:12

Nangin nang siam insa ngêt ki ta, nir chihai khom tuipuia chiai tam anga tep zoi loi nêka tamin nang siam ki ti, ni tia,” a tia.

IRPHUTNA 35:11

Pathian ngêtin a kuanga khan, “Kei Pathian Itinrêngthotheitu ki ni: irchi tam takin hong pung ro; irchi tep zoi loi rak, nam dang dang changin hon pungtir ni ta, nir chi ata rênghai khom la hong om an ti.

IRPHUTNA 46:3

Khanchu Pathianin, “Keima hi ni pa Pathian chu ki ni. Aigupta rama fe chu chi viat no’n lân fe ro; khu hmuna khun irchi tam takin nang siam ki ti:

IRPHUTNA 47:27

Khan Israelhai chu Aigupta Gosen rama omhmun an khuara; irchongna tam tak neiin an pung tâk a ni.

INPÂKNA HLAHAI 127:3

Irngai ta, nâi le têhai hi Rengpa ata ei irchon an nia: Rîla ra hi a lômman ni pêk a ni.

FESUAKNA 1:11

Khanchu Faroa ta hranga neinun hrêna in siam hrangin, Pithom le Ramases khuaa khan an siahaia, dengthei le sinrunat taka sin hrangin enkoltu an sia pehaia.

FESUAKNA 1:7

Khan, Israel irchi chu an la hong pung nôk maia; an hong tam tîr tîra, an hong hrât sit sita, kha ram kha an hong bit zoi tâka.

EZEKIELA 37:25

Khanchu an irchibulhai omna ram, ki sinthotu Jakoba kuanga ki lei ipêk rama khan om ta an ta, khataka khan kumkhontuangin anni le an nâi le tehai le an irchi suanpârhai chu om ta an ti. Ki sinthotu rêng Davida angin an chunga kumtuangin roirêl ta a ti.

LEVI DÂN 26:9

Sat nangni vur ki ta, nâi le te nangni pe nghek ki ta; ki thuthung angin keiin ki itho hrang chu nangni tho pe thiai ki ti.

DÂN INHNINA 32:8

An chungtaka namhai ram a sema, Mihai omna hrang an kung pe lai khan, Pathian nâihai phâkin an ramri a khang pehaia.