IRPHUTNA 48:15 - PATHIAN LEKHABU IRTHIANG C.L. Bible (BSI)

¹⁵ Khan Josefa chu sat a vura, “Ki’rchibul Abrahama le Isaka maton ata a vuan sûn tena nin fâtu Pathian,

IRPHUTNA 48:15 ပူးပေါင်းရင်းမြစ်များ

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

KOLOSA 2:6

Khanchu, Krista Jisua kha Rengpaa nin pom tâk sikin ama leh irzomin om mai roi.

HEBRAI toc2 HEBRAI 11:21

Iamna’n Jakoba khan, a thi hrang tônin Josefa nâihai kha sat a vur seng senga, kha hnung chu a khianghrol hmor tûngin Pathian chubai a mûk tâka.

2 KORINTH 1:12

Hi rammuala kin hringnuna le a bîkin nangni leh kin irzomna khan lungkhamna sinthotheina sikin Pathian ipêk irthiangna le dikna an ni vong ti kin sia le sa inhriatna’n a ni hril sikin kin irsong a ni.

1 KORINTH 10:31

Khaang khan, nin isin murdi, nin ifâk le nin i-in murdi Pathian roiinpuina hrangin tho roi.

LUKA 1:6

An ruaiin Pathian mit hmua fel takin an oma, sêlna boiin Rengpa dân le a thu zômin an om ngaia.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

ISAIA 33:16

Hmun irsângtaka om a ta, kul bing chunga omhai angin zôk a tih, fâk hrang nghâkin tui irsam no ni.

ISAIA 30:21

Chang tiang mo, vei tiang mo nin fe hrangin chu, “Ama hi lampui dik chu a ni, hi hin fe roi,” nin hnunga hong thiai thiai a ti.

THUHRILTU 6:7

Mihriam sin sôlna murdi chu a bâi ta hrang a nia, khannisian a phîngchâmna chu itiklai khom inkhoptirin om ngai ma.

THUHRILTU 5:18

Irngai ta, mihriamhai ta hranga satak ki ihmu chu, Pathianin an hring sûng sôtnote a ipêk sûnga an sintho suakhai fâk le nêka, nunkhonhoi taka an ihmang hi a ni; kha kha mihriamhai tong hranga om chu a ni.

THUHRILTU 5:12

Sinthotu chu a fâk intôm khomin, a fâk intam khomin a inmu ar dêna, khannisian irchong chu ar chongna khan in intir thei no ni.

INPÂKNA HLAHAI 37:3

Rengpa chu iamin lân, thil sa tho roh, Hi rama hin omin lân, iamomna irzûl mai roh.

INPÂKNA HLAHAI 23:1

Rengpa chu a ni enkoltu a nia; ite irsam no ning.

INPÂKNA HLAHAI 16:8

Rengpa chu ki makunga kin omtir ngaia, ki chang tiang a om sikin inhnîng no ning.

1 RÊNGHAI 3:6

Solomona’n, “Ni siahlo Davida, ka pa chu nangma hrangin iamom takin a oma, dik tak le lungrîl fel le irthiang takin a om sikin, ni’rngaiinnata, a chunga ni khonzâna irsâng tak pêkin atûn hin rêngtoihmuna toi hrangin a nâipa ni pêka.

DÂN INHNINA 33:1

Pathian mi Mosia khan a thi mân, hiang satvurnahai hi Israel mihai ta hrangin a ngên pehaia.

IRPHUTNA 49:28

Hihai murdi hi Israel nam sômhleihnihai chu a ni. An sika satvurna an irphulam ang takin an pa khan a vurhai ving a ni.

IRPHUTNA 49:24

Khannisianlân a thalngul chu ite châng viat no ni. A kuthai khom irnak songin hrât tak ni a ti. Jakoba mi hrât kut sinthotheina khan (kha khan chu belra hrungtu, Israel lampui a lei oma).

IRPHUTNA 48:16

siatna tinrênga nin zôktu vântirtônin nâipanghai hi satvur ri se, khan ki’rhming le kir chibul Abrahama le Isaka irhming pêlin om ri sehai, rammual pumpui hi lua sipa pungin om ri sehai,” a tia.

IRPHUTNA 28:22

Hi ki lungphun khom hi, Pathian in ni a ta; khan ni ni ipêk hrang murdihai khom hin sôma inkhat chu nang pe ngêt ki ti,” tiin chong an kunga.

IRPHUTNA 28:20

Khan Jakoba’n, “Ka pa ina irtharngamtaka ki kîr theina hrangin Pathian ki kuang a oma,

IRPHUTNA 28:3

Khanchu Pathian Itinrêng thotheiin sat nang vur a ti; nam tamtak ni la hong chang theina hrangin, na’npungtir a ti;

IRPHUTNA 27:4

Ki thi mân ngêt sat nang ki vur theina hrangin, ki indu tak anh suangin lân nin fatir ro,” a tia.

IRPHUTNA 24:20

Khan inrang takin a tuibêl kha an ronga, tui chôi hrangin tuisunsuak tiang a kîr nôka, saringseihai in hrangin tui a’rthak pehaia.

IRPHUTNA 6:9

Hiang hin Nova thurchi chu a ni. Nova chu mi feltak a nia, kha laia mihriam sûnga chu Nova chu Pathian le hmunkhata lêngsuam ngai a ni.

1 THESALONIKA 2:12

A ram le a roiinpuina chang sa hranga nangni koitu Pathian mi irphuaa om hranga ngênin, inthorin, nangni kin inhriatir ngai a ni.

FESUAKNA 3:16

Fe’n lân Israel ulianhai buk khômhaiin lân, Rengpa nin irchibul Pathian, Abrahama Pathian, Isaka Pathian le Jakoba Pathianin nangni ki zuang pan a ni hi, Aigupta mihaiin nin chunga nangni an ilo lam hi ki hmu ta.

FESUAKNA 4:5

Rengpa’n nin irchibulhai Abrahama Pathian, Isaka Pathian le Jakoba Pathian chu nangma kuanga khom nang a ompui ti an inhriat theina hrangin, a tia.

1 THURCHI SUINA 5:1

Jakoba nâi ulian tak Reubena irchihai chu hihai hi an ni. (Reubena hin a pa lâksîr a zâlpui sikin a nâilutîr tak sutpai a nia, Israel nâi Josefa inchanga pêk a ni, khasikin nâilutîr irtepna hin ar hming a iom ta loi a ni).

IRPHUTNA 24:40

Khan ama’n ki kuang, ‘Rengpa kuang ki omna hmun tina a vântirtôn chu ni kuang hong tîr a ta, ni ifena bi khom manchang nang insuatir ngêt a ti; khan kêng ka pa urênghai laia mi a dôngma hrang ni inneitir hrang a ni.

IRPHUTNA 27:27

khan a va nâia a tuma; khan ama’n a silkai mirim inhriatin sat a vur tâka. “Irngai ro, ki nâipa mirim hi Rengpa satvurna ram mirim ang a ni:

IRPHUTNA 35:3

Thoi ei ta, Bethel-a fe ei ti, ki chardong le lungzîng laia ki kuanga om ngai Pathian ta hrangin maichâm siam ki ti,” a tia.

IRPHUTNA 49:22

Josefa hi a ôn ra nuam tak a ni. Tuikuang kôla thing ra nuamtak ang kha; a ôn irzâmnahai khan lung danghai irkhûhai a ti.