IRPHUTNA 47:6 - PATHIAN LEKHABU IRTHIANG C.L. Bible (BSI)

⁶ Aigupta ram chu a la lian hi te, khasikin ni pa le ni urênghai omna hrang chu hmun hoi le ram a sa ni itihna taka inomtirhai ro; Gosen rama omhai sian. Khan anni laia mi itinrênga ni iiamzoi ni nei le’nvângin chu, ei sahai chunga hruaitu ni hrang khomin siamhai ro,” a tia.

IRPHUTNA 47:6 ပူးပေါင်းရင်းမြစ်များ

IRPHUTNA 13:10

Khanchu Lota chu ram a en vêla, Zoar khua tiang pan balamin, Jordan phâizôl murdi chu Rengpa irhuan ang le Aigupta ram anga tui tamna hmun a nih ti an hriata; Sodom le Gomora khom kha Rengpa’n a la insiat mân kha a nia.

IRPHUTNA 13:9

Ram irzât tak lak hin a iom mo ni ma? Lungkham takin keima kuang ata a bingin om ta ro: nangma vei tiang ni omin chu, keima chang tiang, nang chang tiang ni fe le keima vei tiang,” a tia.

IRPHUTNA 20:15

Khan Abimeleka’n, “En ro, ram lian tak ki nei, ni iom nuamna taka om ro,” a tia.

IRPHUTNA 34:10

Khanchu kin kuang om nin ta; ram lak a la lian zapa, hi rama hin omin sin tho nin ta irfûk takin om nin ti,” a tia.

IRPHUTNA 45:10

khanchu Gosen rama om ni ta, keima kôl ngêta om ni ta, nang le ni nâihai le ni tûhai le ni belra le ni sahai ni inei murdihai leh om ni ti.

IRPHUTNA 46:34

nangni’n chu ni siahlohai hi kin irchibulhai ata irthokin atûn ten hin, sa vâi ngai kin ni’ ti unglân: khan kêng Gosen rama nangni a inomtir hrang,” a tia. Belra hrungtuhai hi chu Aigupta mihai intir tak ngai a ni.

IRPHUTNA 47:11

Khanchu Josefa’n a pa le a urênghai chu omhmun an khuartirhaia, Faroa thupêk angin Aigupta ram laia a satak Ramases ram chu an irchon hrangin a pêkhaia.

IRPHUTNA 47:16

Khan Josefa’n, “Nin sahai zuang chôi unglân, kha irthûlin bu nangni pe thei ki ti,” a tia.

IRPHUTNA 47:4

Anni ngêtin, “Hi rama om viat hranga zuang kin ni; kin rama lak kin belrahai fâk hrang a om ta no sikin; Kanaan rama châm tâk lak a na hrai tâk sikin; khasikin lungkham takin ni siahlohai hi Gosen rama nin omtir ro,” an tia.

IRPHUTNA 47:5

Khanchu Faroa’n Josefa kha, “Ni pa le ni urênghai hi ni kuang an zuang tung tâka;

1 RÊNGHAI 11:28

Jeroboama chu ruatharte feltak le takirtâi tak a nih ti inhriatin Manasea bial le Efraima bial sûnga sinthotuhai enkol hrangin a hmanga.

2 THURCHI SUINA 26:10

Khan, kholaia khom kul nei khua an dinga; tuipang a choi saa; nitâk tianga omhai, tâng sîphaia sehrât a vâi intam hluka, loi inmân tiang ar hnik oka, tâng rama khom grep an phuntirhaia, phâiram sahai khan thôl an thotirhaia.

FESUAKNA 18:21

Kha no khomin, mipui laia irthok mi theithiam, Pathian chi mi, mi dikhai, fâkinrûk fel loi khôkmâk mihai inthangsuakin lân, anni chu sâng khat chunga roirêltu, irza chunga roirêltu, sôm ringa chunga roirêltu, sôm ruk chunga roirêltuhai ni hrang se roh.

FESUAKNA 18:25

Mosia’n Israelhai laia mi kâmom u ual an thanghaia, mipuihai laia hruaitu’n a siamhaia, sâng chunga hruaitu le irza chunga hruaituhai, sômringa chunga hruaitu hai, sômkhat a bêhaia.

FESUAKNA 9:10

Khanchu irtapa irvut kha an lâka, Faroa kôla an ngîra; Mosia’n irvân tiang a hlôna, khanchu mihriam le sahai chunga sakhuai an irvei ving tâka.

FESUAKNA 9:21

khan Rengpa thu irngai loituhai siahlohai le sahai chu loia an inomtira.

THUVÂRHAI 21:1

Reng lungrîl chu Rengpa’n a zêka; tui luangna iva korong a isiam angin a nuamna tiang tak an kôitir ngai.

THUVÂRHAI 22:29

Takirtâia sin sa sin mi nir hmutirin lân, mi narân nêka sa, rênghai rual irnghatpui thei mi chuk nang irhmutir ki ti.

JEREMIA 40:4

Atûn hin nang chu thîrhrui leh ni kuta irthokin ki sûta, nang ki insua a ni ta, Babulon rama keima leh hmunkhatin ni fe nuam noa ni’n chu, fe loiin ni om thei, ni nuamna tiang taka fe thei ni ti,” a ni tia.

JOHANA 17:2

Mi murdi chunga irchamneina a kuang ni pêk tâk sikin, Ama khomin ni ipêk murdihai kuang kumtuang hringna a pêk theina hrangin.

1 SAMUELA 21:7

(Kha ni khan Saula kêlbelra entu ulian tak Doega, Edom mi kha Rengpa kuang a thotum zoi hrangin a lei iom sa a ni.)