IRPHUTNA 46:3 - PATHIAN LEKHABU IRTHIANG C.L. Bible (BSI)

³ Khanchu Pathianin, “Keima hi ni pa Pathian chu ki ni. Aigupta rama fe chu chi viat no’n lân fe ro; khu hmuna khun irchi tam takin nang siam ki ti:

IRPHUTNA 46:3 ပူးပေါင်းရင်းမြစ်များ

IRPHUTNA 12:2

khanchu irchi tamtakin nang siam ki ta, sat tinrêng nang vur ki ti, ni’rhming inthangtir ki ti; khan, nang satvurna ni ro.

IRPHUTNA 15:1

Kha zoiin chu Abrama kuang Pathianin, “Abram chi no ro, kei hi ni pho le lômman hlutak ki ni,” tiin Rengpa thu chu irmang angin an hriata.

IRPHUTNA 15:13

Khan Abrama kuang Pathianin, “Ni’rchihai chu an ram ni loina hmuna chu mikhualin la om an ta, an sin an la itho pehai hrang a ni kha; kum 400 dengthei tuang an ta;

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

IRPHUTNA 18:18

Abrahama lak hi irchi tamtak le sinthothei a la ini hrang a nia; ama rengata hi rammual mi tin sat la vur ki ti.

IRPHUTNA 22:17

Irvâna ârsi zât le tuia chiai tam nêkin ni’rchihai la’npung ngêt ki ti, nir chihaiin an irdoipuihai kul mikot khom la nei an tih ti le.

IRPHUTNA 35:11

Pathian ngêtin a kuanga khan, “Kei Pathian Itinrêngthotheitu ki ni: irchi tam takin hong pung ro; irchi tep zoi loi rak, nam dang dang changin hon pungtir ni ta, nir chi ata rênghai khom la hong om an ti.

IRPHUTNA 47:27

Khan Israelhai chu Aigupta Gosen rama omhmun an khuara; irchongna tam tak neiin an pung tâk a ni.

IRPHUTNA 48:16

siatna tinrênga nin zôktu vântirtônin nâipanghai hi satvur ri se, khan ki’rhming le kir chibul Abrahama le Isaka irhming pêlin om ri sehai, rammual pumpui hi lua sipa pungin om ri sehai,” a tia.

IRPHUTNA 48:19

Khannisianlân a pa khan nuam maka, “Kin hriat, ki nâi kin hriat: ama khom nam tiin koi ni a ta, khannisianlân a sangpa hi inlal ual a ti, ama irchi ata nam tamtak la hong suak an ti,” a tia.

FESUAKNA 1:12

Khannisianlân deng an intheihai lia an pung li liaa, an zaphai nôk maia; Israel irchihai pung dân enin a sân an char a dong pehai ta.

FESUAKNA 14:13

Mosia khan mipuihai kuang khan, “Chi no unglân, lungthiriamin om roi, Rengpa saninhringna a vuan hin nangni a itho pe hrang hi a thîr vai tho roi, a vuana Aigupta mi nin ihmuhai hi, kumtuangin hmuhai nôk ta no chin ni.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

JEREMIA 40:9

Gedalia’n a ti pehaia, “Babulon-hai kuta irpe hrangin ite chi hrang zel om mah ti hi chong ki inkung a ni. Hi rama hin omhmun indet unglân, Babulon rama rêng sintho unglân, nin ta hrangin thil tinrêng fel ving a ti.

TÎRTÔNHAI SINTHO 27:24

‘Paula, chi no roh, Kaisara makunga ni ingîr hrang a ni. Irngai ta, irkuanga ni inzinpui murdi kha nangma sikin Pathianin a inzôk hrang a ni,’ a ni zuang tia.

TÎRTÔNHAI SINTHO 7:17

Abrahama kuang Pathian chonginkung kha a tung hrang zoro anai tika chu ei mihai kha Aigupta-a khan a sân an punga, an tam tâka.

DÂN INHNINA 1:10

Rengpa nin Pathian khan irvâna ârsi dôrin nangni an puangtira.

DÂN INHNINA 10:22

Nin puhai, mi sômsari kha, Aigupta rama an chuma, atûn chu Rengpa nin Pathian khan ârsi dôra tamin nangni an pungtir tâk a ni.

DÂN INHNINA 26:5

Rengpa nin Pathian kuang hiang hin nin iti sa hrang a ni. ‘Ka pa chu mi chaninvâi, a ram mi a nia. Aigupta rama a zu fea, kha khan a om tâka; a sân an la tôma; khannisian, kha khan nam roiinpui tak, hrât tak le irrual tak an ni tâka.