IRPHUTNA 45:2 - PATHIAN LEKHABU IRTHIANG C.L. Bible (BSI)

² Khanchu a chap ngûk ngûka, Aigupta mihai le Faroa in mihai khomin an inhriata.

IRPHUTNA 45:2 ပူးပေါင်းရင်းမြစ်များ

IRPHUTNA 42:24

Josefa chu an ihrilhai kha inhriatin a’rngai a siatin a’rheia, a chap tâka; khanchu hiang hin a ti pehaia, an laia Simeona chu a hruai suaka, an mithmua a khit pehaia.

IRPHUTNA 43:30

Khan Josefa’n a sangpa a hmu nôk tâk sikin, a milung an dûk pe hraia, chapna hmun inrangtaka zongin a zâlna hmuna a lûta, kha hmun khan a chap tâka.

IRPHUTNA 45:14

Khanchu a kut leh a sangpa Benjamina chu irkuapuiin a chapa, Benjamina khom khaang dênin a chap nôk ta.

IRPHUTNA 45:15

Khanchu a urêng danghai kha an rêngin a tumhaia, a chapkhumhai ta. Khanchu a urênghaiin thu tamtak an insîrpui ngam tâk a ni.

IRPHUTNA 46:29

khan Josefa’n a sakor chu a’rsiamtirhaia; Gosen rama a pa don hrangin a fea, khanchu hmêlirhriatna neiin, Josefa’n a pa ringa a kut leh inkuapumin zoro sôttak a chapa.

2 RÊNGHAI 20:3

O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia.

ZAKARIA 12:10

Davida irchi suanpâra mihai le Jerusalema mihai chunga khan khonzâna le chongchai nuamna irtha chu buak ki ti. Khanchu an lei isun that tâk kha en an ta, mi’n a nâi khât a ichâ angin ama chu la châ an ti. Nâilutîr sûntuhai angin a sân la sûn an ti.

NAMBAR 14:1

Khanchu kha zâna khan mipuihai chu chardongin inring takin an chapa.

TÎRTÔNHAI SINTHO 20:37

An rêngin an chap tâka, Paula kha an inkuaa, an tum tâka.

RUTHI 1:9

Nin ruaiin pasal dang nin nei nôk theina hrangin Rengpa’n nangni ngaitua pe ri se,” a tia. Annihai kha a tumhaia, inring takin an chap tâka.