Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IRPHUTNA 43:11 - PATHIAN LEKHABU IRTHIANG C.L. Bible (BSI)

11 An pa Israela’n an kuanga khan, “Khaang kha a ni tâkin chu, hiang hin tho ta roi, nin phurhaia khan hi rama neinun sa, thinghnâi, hloihai, khuaituihai, mirimhoi le Mura, theipui rahai ama lômna hrangin chôi unglân,

အခန်းကိုကြည့်ပါ။ ကော်ပီ




IRPHUTNA 43:11
37 ပူးပေါင်းရင်းမြစ်များ  

Khanchu bu nêkin an irbuka, an hong thîra, irngai roi, Ismaela khual fe mihai Gilead ram ata saringsei, mirimhoi, thinghnâi, hloi le Mura pêlin Aigupta ram fe hranghai an honga,


Gilead thinghnâi hloi a iom ta loi ma ni? Kha khan nin damtir thei an iom loi mo? Khaang khan a ni’n teh itho mo ki mihai indamin an iom loi?


Juda le Israel ramhai rêkin chu fasen le khuaihlutui le oliv hriakhai le thil mirimhoihaiin ni neinunhai chu an thûl ngai.


Mi lian hmu nuamtuhai chu thil pêkin lampui an hong pe ngai.


Saula khan a zuitu kuang khan, “Fe ta ngân inlân, imo ei ichôi pe hrang? Ei phura ite bai lak nei ta mak mea, Pathian mi kha ite lômman chôi pe hrang lak nei mak mea, imo ei irhmu ta hrang o?” a tia.


Inthêm thei a ni no tena chu, ‘Rengpa ircham cham ni ri se,’ kin tia, kin chîn tâka.


Rodes mihai chu nangma le sum bepâr tho’n ni hmang ngai, tuipui kôla om mi tamtakhaiin ni neinunhai chu sâiha le pervom thinghai le an hong thûlpai ngaia.


O ki lungdi, irhnot ro; sakhipui mani, Sazuktuai angin mani om ro; mirimhoi tânghai chunga khan.


Spiknard le pâr mirimhoi dipar le thingzungthum thing mirimhoi tinrêng le; mura le Aloe rimhoi chi tinrênghai leh.


O ki lungdi le ki rualnu, ni lungkhamna khan ki râi nin fântira, ni lungkhamna chu uain nêkin a thum uala, mirim dang tin nêkin a hoitak chu a ni.


Mi chunga a ning an murin chu dâihreka thilpêkin a milung insuai a ti.


Mi tamtakin mi lianhai ditsakna dong an tum ngaia; ditsaktu hrangin chu tinrêng rual sa an ni.


Inhriatna nei loi mi vai kêng mi dang lâkai chunga mophurtu hranga chonginkung ngai.


Thu inkung unglân, Rengpa nin Pathian ata sua roi: A kôla mi murdi chu chi hrangpu kha lômmanhai hong chôi pe ri sehai.


Tarsis ram le chômbung rênghaiin lômman hong inhlanhai sianlân, Arab rêng le Seba rênghai khomin thilpêkhai hong chôi ri sehai.


Jerusalema ni biak in sikin rênghaiin lômmanhai nang la hong chôi pe an ti.


“Fe’n lân, Susa khuaa Juda om murdi koi khômin lân, ki ta hrangin a sûn a zânin bu ngheiin sûn thum sûng chongchai roi. Ki siahlo dôngmatehai leh hin keini khomin khaang khan chongchai kin ti. Kha zoia chu dân ni no khom sian rêng makunga ki thi le ki thi irhuamin, va fe ki ti,” a tia.


Kha laitaka khan Babulon rêng Balada’n nâipa Merodak-baladana’n Hezekia chu a dam nôk tah ti an hriatin thilpêk le lekha a hong thona.


Khan Ahaza’n Rengpa tempil le rêng sum siana in ata tangka le rângachak om chu Assuria rêng êsêl entîrna’n a thona.


Rengin Hazaela kuang khan, ‘Imo khôk thilpêk hrang chôiin lân, Pathian mi var hmupui ro, ki la idam suak hrang le damloi hrang, Rengpa ni var don pe ro,’ a tia.


“Ka pa le ni pa an irkop ang khan, en roh rângachak le sumru nang ki hong thon. Israel rêng Baasa le rual nin irchangna hi teipuiin lân, ei ram sûnga sipaihai hruai paihai ri se,” a tia.


A kuanga hong murdihaiin sumru le rângachaka siam, puan mani, râl doina neinun, mosola, sakor, le sakor puak pêl theihai an hong ipêk ngai a ni. Hiang hin a kum tin an ipêk ngai a ni.


Irvai mihai le dukan thotuhaiin an tho manhai an pêk ngaia, Arabia rênghai le Israel rama bial tina ram optuhaiin an pêk saa.


Solomona chu Eufrates tuidung ata Aigupta ram dep Filistia ram dênin roi a rêla. Kha ram pumpuia khan Solomona kuang omna man chôiin an oma, Solomona dam sûng chu a khua le tuia tep sa an ni.


Khan irngaihoi takin ka pu, ni ta hranga thilpêk ki hong ichôi hi ni pom pe’n lân, ka pu ruathartehai hi pêk ni ri sehai.


An thei rahai khan misa hmu insa sianlân, a zoro taka hmin mer mur ri se,


khanchu nin urêngpa le Benjamina hi an sua theihaina hrangin Pathian itinrêng tho theiin a lungrîla lungkhamin nangni hmu ri se. Ki nâihai chu an chân a ni le khom inchânhai ta ki ti,” a tia.


Khan Jakoba’n, “Ni thei no ni, ni mit ki tungin chu lungkham takin ki thilpêkhai kha ni la pe ro: Pathian hmêl hmu angin ni hmêl ki hmua, ki chunga ni lôm ti an langa;


Hi ram, khuaihlutui le dût tui luangna ram hi, nin ilua hrangin nangni pêk hrang kin kung tâka, nangni pe ngêt ki ti; Rengpa nin Pathian ki ni, nam dang lai ata nangni ki ilâk indang a ni.


hiang hin ni khap no’n lân chu voihni zu tung nôk ta kin ti,” an tia.


Khanchu a lômna hrangin thilhai kha chôiin, sum lêthni chôiin, Benjamina khom an hruaia, Aigupta rama an fea, Josefa kuang an zu tung nôk tâka.


khanchu an lômman chôihai kha Josefa bunêk a hong mân an lei sinsiamhaia, kha hmuna khan Josefa bunêk a hong ti an inhriat sikin.


Khan Josefa ina a hong lûtin chu an lômman chôihai leh khan an va pana, irnênga khûksadelin chubai an mûka.


Seba le Raama suminpâr mihaiin rângachakhai, lunghluhai le rimhoi satakhai leh ni neinunhai an irchôk ngai.


Khasikin Aigupta mihai kuang ata hruaisuaka inzôkhai hrang le, kha ram mâksana, Kanaan hai, Hit hai, Amor hai, Periz hai, Hiv hai le Jebus hai omna ram sa le lian tak, khuaitui le dût tui luangna rama hruai suak hrangin ki zuang isuak a ni ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ