IRPHUTNA 41:15 - PATHIAN LEKHABU IRTHIANG C.L. Bible (BSI)

¹⁵ Khanchu Faroa khan Josefa kuang, “Irmang ki neia tûte a hrilfia thei om mahai, nangin irmang thu nin hriata ni hrilfia pehai thei tih mi insîr kin hriata,” a tia.

IRPHUTNA 41:15 ပူးပေါင်းရင်းမြစ်များ

IRPHUTNA 40:8

Anni khan, “Irmang kin neia, tûte’n a ni hrilfia pe thei om mahaia,” an tia. Khanchu Josefa’n, “Irmang hrilfia theina chu Pathian ta mo ni ma? I irmang mo nin iphan ni hril roi ba,” a tia.

IRPHUTNA 41:8

Zîng khua a hong vâra, Faroa chu a char an dong oka, khanchu Aigupta ram sûnga mitphil, dôithei, mi vârhai zong hrangin mi a tîra; khan Faroa’n a hril pehaia, khannisianlân tûte’n a hrilfia pe thei om mahaia.

2 THURCHI SUINA 26:5

Pathian thu tianga kaihruaitu Zekaria dam sûng chu Rengpa thu a poma, Pathianin a irhniangtira.

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

DANIELA 2:3

Rêngin an kuang khan, “Irmang ki neia, kha irmang inhria’nfel hrangin ki lungrîl a sôl zoi ta,” a tia.

DANIELA 4:18

Khan, Nebukadnezara’n, “Hi irmang hi keima rêng Nebukadnezara’n ki iphan a ni,” a tia. “Nang o Beltesazzara, a hrilfiana chu inpuang ro, ki rama mi vâr murdihaiin chu a hrilfiana ni hril thei mahai; nangma’n chu thei ni ti, nangmaa hin chu Pathian irthiang irtha a om sikin,” tiin.

DANIELA 4:9

o, Beltesazzara mitvai dôitheihai hruaitu, nangma hin Pathian irthiang irtha a om ti le thu’rthup murdi’n nan buai ngai mah ti kin hriat sikin: ki’rmanga ki ihmu inlârna le hrilfiana nin hril roh.

DANIELA 5:12

lungrîl feltak irput inhriatna, inhriat theina le irmang hrilfiana, thu intak inhriat theina, dôi sût theinahai chu Daniela rêngin Beltesazzara a itihna hmuna a om ti inhriat a lei ni tâka. Atûn hin Daniela chu koi ni sianlân, a hrilfiana chu ni hril pe thei a ti,” tiin a hrila.

DANIELA 5:14

Nangmaa hin Pathian irtha a oma, en theinahai, inhriat theinahai, vârna sabîk ni nei ti inhriat a nia, ni thu ki len hriata.

DANIELA 5:16

Nangma’n chu hrilfia thei ni ta, dôi khom ni sût thei ti ki len hriata; atûn hin ni theiin chu a’rziak hi tepin lân, a hrilfiana khom ni hril ro, khanchu puansenduk insiltir ni ni ta, ni ringa rângachak zîngziri inhlitirin om ni ta, hi rama roirêltu inthumhai laia thuneitu tak ni ni ti,” a tia.