IRPHUTNA 39:9 - PATHIAN LEKHABU IRTHIANG C.L. Bible (BSI)

⁹ hi ina hin keima nêka irchamnei tûte om mahaia; a dôngma ni ni sikin nangma ti no chu ki kuanga hin ite inhroi maka; khasikin itin mo hi sual liantak hi sinin Pathian chunga sin ki insiat thei hrang?” a tia.

IRPHUTNA 39:9 ပူးပေါင်းရင်းမြစ်များ

IRPHUTNA 13:13

Khan, Sodom khua mihai chu Rengpa mithmua a satêrenga sual sin tho an nia.

IRPHUTNA 20:3

Khannisianlân, Pathianin zâna a’rmangin Abimeleka kuang khan hiang hin a hrila, “Irngai ro, ni nupang hruai sikin mithi ni ni ta, mi dôngma kêng a ini,” a tia.

IRPHUTNA 20:6

Khan Pathianin a’rmang tiang, “A lungrîl porinche loia hi thu hi ni iti a ni, nang kin hriat, keima khomin ki chunga sin saloi tho loi hrangin nang ki ikhap a ni; khasikin, hi nu hi inthem hrang khomin nang phal ma ung.

IRPHUTNA 20:9

Khanchu Abimeleka’n Abrahama kha a koia, a kuang khan, “Kin chunga hin itho mo hiang sin hi ni itho? i ang sin mo ni chunga kin inchâina om, kei le kin khua kin tuihai chunga thil saloi tak ni hong intungtir hi? Thil tho loi hrangtak ni itho tâk hi,” a tia.

IRPHUTNA 24:2

Khan, Abrahama’n a siahlopahai laia, a in mihai laia a uliantak, a neinunhai chunga ircham neitu kuanga khan, “Lungkham takin ni kut kha ki teêl hnuaia hin thun ro;

IRPHUTNA 39:10

Khanchu sûn tin zân tin hmunkhat hmârkhata ompuiin, a chongpui khomin ama zâlpui hrang rêng rêng tum viat maka.

IRPHUTNA 41:40

nangma ngêt kêng ki in sûngkuahai chunga hruaitu ni ni ta, ki khua le tui ni ienkol hrang; rêngtoihmuna vai hin kêng keima inlal ki ti,” a tia.

IRPHUTNA 42:18

Sûn thum ni sûn chu Josefa’n “Kei lak Pathian ki chia, hiang hin tho unglân, khan kêng nin izôk thei hrang a ni.

2 SAMUELA 11:27

A sûn zoro a khêl tena chu Davida khan a in tiang a hruaia, dôngma’n a nei tâka, nâipasal a nei pea. Khannisian Davida thil tho kha Rengpa milung chuk pe maka.

2 SAMUELA 12:13

Davida khan Nathana kuang, “Rengpa chunga thil ki tho insual tâk a ni,” a tia. Nathana’n, “Rengpa khomin nang an za ta, thi no chi ni.

NEHEMIA 5:15

Khannisian matona ram optu chu a le’rchong oka, tangka sekel sômminli tep loiin, an bu le uainhai an lâk pehaia; a hnung le a mân tianga siahlohai chu an inlal oka; khannisian keima’n chu Pathian chitna’n khaang khan tho ma unga.

NEHEMIA 6:11

Keima’n, “Keima anga mi hi ki lei intân hrang mo ni ni sôn? Mâni hringna inzôk hrangin tu mo biak in sûnga lût hrang? lût viat no ning,” ki tia.

JOBA 31:23

Pathian ni isoisak ki chi hrai sikin, An lal hrai sikin kha thilhai kha ki itho ngamloi a ni.

INPÂKNA HLAHAI 51:4

Ni chunga, ni chung vaia thil ki tho’nsuala, Ni mithmua thil ki lei tho’nsual tâka: Thu nin sîrin thiam ni chang theia, Roi ni rêlin sêlnaboi ni ni theina hrangin.

FESUAKNA 20:14

Ni iuirê hrang ni mah.

THUVÂRHAI 6:29

Khaang khan, mi dang dôngma leh zâl ka chu tukhom tuang loiin suak no ni.

THUVÂRHAI 6:32

Mi dôngma irchûpuitu chu inhriatna nei ma. Ama le ama a insiat a nih ti inhre suak ngai mah.

THUHRILTU 7:26

Khanchu, thil inkhat thina nêka kha ual chu ki hmua, kha kha nupang, a milung chu châng anga om le lênhai anga, a kuthai khom chu minâng anga om mi chu a ni. Mihriam, Pathian lungdo anga omtu chu zôk thei a ta, khannisian, kha nu khan mi sualhai chu chelhai a ti.

JEREMIA 28:16

Khasikin Rengpa khan nang a ithat hrang a ni. Rengpa doia mipuihai tehel nin zongtirhai sikin, hi kum sûnga ngêt hin thi ni ti,” tiin.

JEREMIA 50:7

An rêngin anni chu an idoihai a ni. An râlhaiin, Rengpa chunga an tho’nchâia, ei thil tho hin ite a sualna om mah. An irchibulhaiin Rengpa chunga an irnghat ngita, anni khomin, ‘ama ta hrangin iamomin an iom hrang kêng a ini,’ an tia.

LEVI DÂN 20:10

A Israel chanpui dôngma uirepuitu chu a nupang leh khan that hrang an ni.

LEVI DÂN 6:2

A’rchi Israelhaiin a kuanga thil a inkoltirhai, a ihlephai, pêk kîr nuam ta no sian, inrûkpai pên mani huang ta sianlân;

NAMBAR 32:23

Khannisian nin thu inkung kha nin pom maia ni’n chu, irngai roi, nangni ki hril hi, Rengpa chunga nin insual ni a ti. Khasikin nin inchâi viat hrang ni ma, khano’nchu nin sualna sikin hremin om nin ti.

LUKA 12:48

Aniachu, inhre loi sika hremna dôr thil tho chu nêp uala zêm nih an ti. Tukhom tamtak indongtira omhai chu tamtak ingên ni an ti.

1 KORINTH 4:2

Enkoltu hranga inkunghai chu an iiamom phot hrang a ni.

TITA toc2 TITA 2:10

An puhai neinun an inrûk hrang ni mah. Inrûk nêkin, Pathian ni Saninhringtu hi mihaiin an iam nuam theina hrangin itiklai khomin mi sa le iamom an nih ti an inlang ual hrang a ni.

HEBRAI toc2 HEBRAI 13:4

Inneina hi mi murdi’n an inhlut hrang a ni, ompui sangram khomin an iamom irhlôm hrang a ni. Irdithai le uirehai chu Pathianin rêl a ti.

1 JOHANA 3:9

Tukhom Pathian nâi chu sual ngai maka, Pathian nitna tak amaa a om maia; Pathian kha a pa a ni sikin a isual thei ta loi a ni.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

THUPHUANG 22:15

Khopui pên tiang chu uihai, dôi theihai, irdit saloihai, mi thathai, millim biakhai, chong le sinthoa milakhai kha om an ti.