IRPHUTNA 39:11 - PATHIAN LEKHABU IRTHIANG C.L. Bible (BSI)

¹¹ Khaanga sintho hrangin in sûnga a va lûta; kha ni khan in sûnga tûte mi dang om mahaia.

IRPHUTNA 39:11 ပူးပေါင်းရင်းမြစ်များ

IRPHUTNA 39:10

Khanchu sûn tin zân tin hmunkhat hmârkhata ompuiin, a chongpui khomin ama zâlpui hrang rêng rêng tum viat maka.

IRPHUTNA 39:12

Khanchu a pi khan, “Ni zâlpui ro,” tiin a songkol a lei chel pea: khanchu a songkol mâksanin an tâna, a suaksana.

JOBA 24:15

Inru’n chu zân inthim a nghâka, “Tûte’n ni hmu no nihai,” tiin, A hmâi a thupa.

THUVÂRHAI 9:17

Khan, inhriatna nei loi mihai kuang khan, “Inrûk tui chu a thum uala, inrûk bai khom ar hnik ual,” a tia.

JEREMIA 23:24

Ki ihmu thei loina hrang hmuna tûte irbi thei no nihai. Irvân le irnêng hmun tina ki om ti hi nin inhriat loi ma ni?

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

EFESI 5:12

Inrûka om thil tho ngaihai kha insîr khom inzak a om a ni.

EFESI 5:3

Pathian mihai nin ni tâk sikin, nin laia: irditna hai, Porinchena hai, huatirhamna hai rêng rêng nin laia sâm khom sâm ni no ri se.