“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.
Ki inthang ki mihriamhaiin nin irhminghai kha khosâlna’n hmang an ta, Rengpa Pathianin nangni thatpai a ti, ki siahlohai chu irhming thar phuahai ki ta.
Khan, Jisua kuang a hong hruaia. Jisua’n ama a lei ena, “Johana nâipa, Simona ni ni, Kifa nang ti ta an ti”. (Kifa chu Petera ti le hmunkhat, a omzia chu lungpui tihna a ni.)
A vuanhai tena an tho dân milui an la itho mai a ni. Rengpa chu an ibiak taktak thei loi a ni, a dân le a thupêk, Jakoba irchi, Israel irtihai laia pêk chu an izôm loi a ni.
Saula khan Davida kuang, “Ki nâipa Davida, Pathianin sat nang vur ri se. Ni sinthôna kipa manchangsua mai ni ti,” a tia. Khanchu Davida kha a fe tâka, Saula chu a in tiang a kîr nôk tâka.
Khan, Suria mi Labana kuanga khan zâna a’rmang tiang Pathian a zuang pea, a kuang khan, “Jakoba kuang ite a sia le a sa thu hril loi hrangin irdîn ro,” a tia.
Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.