IRPHUTNA 31:53 - PATHIAN LEKHABU IRTHIANG C.L. Bible (BSI)

⁵³ Abrahama Pathian, Nahora Pathian, an pa Pathianin ei kâra thu chu ngaitua ri se,” a ti nôka. Khan Jakoba’n a pa Isaka Pathian irhmingin khomâk a’rsâma.

IRPHUTNA 31:53 ပူးပေါင်းရင်းမြစ်များ

IRPHUTNA 31:42

Ka pa Pathian, Abrahama Pathian, Isaka Pathian ki kuang om no sianlân chu, kut koronga ni ni infetir hrang kêng a inih mo ni mah. Pathianin ki dengthei le ki dûktonghai hi a le’nhriat sikin, mizân khan chu nang a irchu a ni ta,” a tia.

IRPHUTNA 16:5

Khanchu Saraii khan Abrama kuang, “Ki thil tuang hi nangin a mô pêl ro: ki suaknu chu nangma ompui hrang ki tia, an râi ti a’rhriatin chu a ni theimâka; Rengpa’n nang le keima kâr hi ngaitua ta ri se,” a tia.

JOSUA 24:2

Josua’n mi murdi makunga, “Rengpa, Israelhai Pathianin hiang hin a ti: Tianlaia nin irchibul pi le puhai chu Eufrates vadung râla an om ngaia, pathian danghai an biak ngai. An laia mi inkhat chu Tera a ni, ama chu Abrahama le Nahora pa a ni.

FESUAKNA 3:6

Khan kei hi ni pa Pathian, Abrahama Pathian, Isaka Pathian le Jakoba Pathian kha ki ni, a ti pe nôka. Kha tena chu Mosia kha a hmâi a thupa; Pathian a en ngam loi sikin.

DÂN INHNINA 6:13

Rengpa nin Pathian kha chi unglân, ama vai chubai mûk unglân, ama irhming vai sâmin khomâkirsâm ngai roi.

IRPHUTNA 28:13

Irngai ro, a sîp taka Rengpa an dinga, “Kei hi Rengpa, ni pu Abrahama Pathian le Isaka Pathian ki ni: ni zâlna hmun kha nang le nir chihai nangni pe ki ti;

IRPHUTNA 17:7

Khan kei le nangma le ni’rchi hong pung hranghai Pathian ni hrangin kumtuanga hek ta loi hranga thuthung ki indet a ni ta.

IRPHUTNA 14:22

Khan, Abrama’n Sodom khuaa rêng kuang khan, “Pat malkhat khom, kekok insuina hruite khom, ni inei ite la no ning, itinrêng irvân neitu Pathian inchungtak makunga ki kut ki iphar a ni ta, anino’nchu, ‘Abrama chu keima irchongtir kêng ni itih hrang mo ni ma’

IRPHUTNA 11:31

Khan Tera’n a nâipa Abrama chu a tupa Lota, Harana nâipahai kuanga a moinu Saraii chu a hruaihaia; khan Kanaan fe hrangin Kaldai hai khua, Ur-ah irthokin an suaka; Haran khua an tunga, kha hmun khan om hmun an khuara.

IRPHUTNA 31:52

ite ei irti loina hrangin hi lung irchuan leh phun hi eini ruai kâra inhriat maina lung changin om ri se.

IRPHUTNA 47:31

Khan Jakoba’n, “Keima inhriata hin khomâk irsâm ro,” a tia: khanchu a’rsâma, khanchu Jakoba chu a lu kûnin lômthu a hril ta.

FESUAKNA 5:21

khanchu anni kuang khan, “Rengpa’n nangni ompui sian, Pathianin roirêl theina nangni innei ri se, keinihai ni thatna hrangin an kuta chem hring chôiin Faroa mit hmua, an ni ilo a ni ta,” an tia.

ROIRÊLTUHAI 11:27

Khasikin, keini’n thilsual kin nei moa, nangni’n nin ni hong idoi mai hi nin itho indik loi a ni. Rengpa Roirêlpu’n, Israel mihai le Amon mihai kâra thu hi rêl fel ta ri se,” a tia.

1 SAMUELA 20:23

eini ruai kâra thu ei ithung chungchânga chu Rengpa’n ei ruaia kâra kumtuangin nin det pe mai a ti,” a tia.

1 SAMUELA 24:12

Rengpa’n nangma le ei chungchâng chu rêl ri se, Rengpa khan ki chunga ni thil tho hin kuttum nan tuangtir ri se. Khannisian keima’n chu ni chunga kut zel tha viat no ning.