IRPHUTNA 3:6 - PATHIAN LEKHABU IRTHIANG C.L. Bible (BSI)

⁶ Khanchu nupangnu khan thing ra kha fâk thei zât a nih ti le mit lâktak a nih ti le, mihai invârtir theitu thing ra irzukom tak a nih ti an hriatin chu, a ra senkhat irhmalin a fâk tâka; khan, a pasal khom a pêka a fâk sa tâka.

IRPHUTNA 3:6 ပူးပေါင်းရင်းမြစ်များ

IRPHUTNA 3:12

Khan Adama’n, “Keima ni ompui hranga nupang ni ni ipêk khan thei ra a ni pêka, ki ifâk tâk a ni,” a tia.

IRPHUTNA 3:17

Khan, Adama kuang khan, “Ni dôngma thu ni zôm ta, thing inkhat, ‘A ra ni ifâk hrang ni mah’ tia thu nang ki ipêk kha, a ra ni fâk sikin irnêng hi nangma sikin khosâl tongin a iom tâk a ni; ni dam sûngin intak taka sinin a ra kha fa ta ni ti.

IRPHUTNA 39:7

Kha zoi chu hiang hi a nia; a pu dôngma’n Josefa chu an dita; sûn khat chu, “Ni zâlpui ro,” a tia.

IRPHUTNA 6:2

Pathian nâihai khan, mihriam nâihai kha an hmêl a sa ti’n an hmuhaia, khanchu an indit murdihai chu dôngma’n an luahaia.

2 SAMUELA 11:2

Sûn khat chu, khohloi misa dâia zâlhmun ata Davida kha a thoia, rêng in chunga a hong fea. In chunga a hong fe’n chu nupang inkhat tuiirsil lai hi a hmua, kha nupang kha hmêl satak a nia.

1 RÊNGHAI 13:19

Judai rama deipu khan deipu tarpa chu a zuia, a kuang bu a nêkpui ta.

JOBA 31:1

Taksa irzukna lungrîl nei pumin, Dôngmate en loi hrangin chong kin kung ta.

EZEKIELA 24:16

“Mihriam nâipa, ni lunginkham taknu kha voikhat zelin ni kuang ata lapai hrang ki ni. Khannisian chûlpui ual no’n lân ni mitrithi khom intha viat no roh.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

EZEKIELA 24:25

Khan Rengpa’n, “Atûn chu mihriam nâipa, biakbuk dettak nin irsorpui ngai le an raiinfânpuina ngai kha anni rengata lâkpai ni a ta, khan an nâipasalhai le nupanghai khom lapaihai sa ki ti.

HOSEA 6:7

Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

MATHAIA 5:28

Keima’n chu hiang hin nangni ki hril, tukhom, nupang indit ena en ka chu, a lungrîla a iuire chian tâk a ni.

1 TIMOTHEA toc2 1 TIMOTHEA 2:14

Khabana, ihuanga om kha Adama ni maka, nupang kha kêng ihuang le porinchetirtu chu a ni.

JOSUA 7:21

Ei thil man laia Babulon puan satak, sumru sekel irza vêla rik le sekel sômringa vêla rik rângachak le ileh ki hmua, a sân ki’rzuka, ki ilâk zel a ni ta. Ki puan in sûnga irnênga ki ithupinrûk a ni, a hnuai taka sumru chu ki sia,” a tia.

1 JOHANA 2:16

Rammuala thil om murdihai taksa irzukna hai, mit irzukna hai, mâni sum irsorpuinahai le dam sûng roiinpuinahai hi Pa kuang ata suak ni mak e, rammual ata suak kêng a ini ual.

ROIRÊLTUHAI 14:17

Hruai an inthê sûng sûn sari sûng chu a chap a chapa, a ngên ngut ngut sikin a sûn sari nî chu a hril pe tâka, a dôngma’n a mihai a hril tâka.