IRPHUTNA 3:15 - PATHIAN LEKHABU IRTHIANG C.L. Bible (BSI)

¹⁵ Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

IRPHUTNA 3:15 ပူးပေါင်းရင်းမြစ်များ

ROM KHUAA MIHAI KUANGA TÎRTÔN PAULA LEKHATHON 16:20

Irngeina Pathian khan Setana kha nin ke hnuaia nangni insirphatir a ti. Ei Rengpa Jisua Krista lungkhamna kha nin kuang om ri se.

1 JOHANA 3:8

Thil sual thotu chu Diabola ata suak a ni; a phut rengata Diabola khan thil sual a thoa. Pathian Nâipa a zuang inlangna san chu, Diabola sinthohai inboi hranga a ni.

THUPHUANG 12:17

Dragon kha nupangnu chunga a ning an mur tak taka, nupangnu irchi la om Pathian thupêk zômhai le Jisua thutak inpuang pomhai kha doi hrangin a fe tâk.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

GALATIA 4:4

A zoro tak a hong tungin chu Pathianin a Nâipa kha a zuang tîra.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

MATHAIA 13:38

loi chu rammual hi a ni, chi sa chu Ram nâihai an nia, farhli chu sual nâihai an ni;

1 JOHANA 3:10

Pathian nâihai le Diabola nâihai inlang infelna chu hi hi a ni: tukhom thil dik tholoi le a urêng lungthung loi chu Pathiana suak ni mah.

LUKA 10:19

An kuang, “Irngai u ta, mirûl, âinuvêt hai, râlpa hrâtna murdi hai sirbe theina ircham nangni ki pêk a ni, ite’n nangni inna viat no ni.

INPÂKNA HLAHAI 132:11

Rengpa khan Davida kuang chonginkung det an kunga; Ama kha la nôk ta no nia; Nangma nâi ngei ni rêngtoihmuna khan intoitir ki ta,

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

KOLOSA 2:15

Kha Krosa khan Krista’n irtha roirêltuhai le irchamneinahai, sinthotheinahai ata suak paiin, khahai an hnêna kha mi tin hmu hrangin a siam ta.

TÎRTÔNHAI SINTHO 13:10

“Diabola nâipa, satna tinrêng râlpa. Milak tinrêngin ni sipa, zoro tina Pathian thutak hi thu no inchang ni itum ngai a ni.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

ISAIA 53:12

Mi lianhai laia a dongtum hrang ki hrê pea, mi hrâthai laia râllâk sum sem ta ki ti: Thi hranga ar pêkna sikin, mi sualhai laia tep sa a ni. Ama’n chu mi tamtak siatna irthûlin, mi sualhai hrangin a izong pehai ngai a ni.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

JEREMIA 31:22

O nang, nâinupang pûtsôt iamom loi mihai, idôr mo nang ki inghâk hrang? Rengpa’n irnênga thil a siam inthar tâk mani, nupangin pasal an ivêl tâk hi!” a tia.

1 JOHANA 5:5

Jisua hi Pathian Nâipa a nih ti iamtu vai no chu tu mo rammual hi inhnê thei hrang?

HEBRAI toc2 HEBRAI 2:18

Ama ngeiin thêmna tongin a lei tuang tâk sikin, atûn chu thêmna tonghai a changpui thei ta.

EFESI 4:8

Pathian Lekha thua khom: “Chung tiang a kâia khan râl tamtak a imanhai kha suaka a hruaia, Mihriamhai kuang khom thilpêk a sem,” ti a ni kha.

THUPHUANG 13:7

Pathian mihai doia inhne hrangin phal a ni, chi tin, nam tin, chong tin, le zât tin chunga irchamneina a kuang pêk a ni sa.

HEBRAI toc2 HEBRAI 5:7

A taksa irput lai sûnhaia khan Jisua’n thina irthoka ama saninhring theitu Pathian kuang a sâna inringa khêkin le ngênna hai a neia, irngaiintôma ar pêkna sikin irngai pe’n a om.

LUKA 22:53

A nitin, Tempila nin laia ki om ngai lai khan ni chel mak chêia; khannisianlân, inthim irchamneina’n roi a rêl lai hin nin sintho zoro a ni,” a tia.

MATHAIA 23:33

Nangni mirûlhai le mirûl irchihaio! Hremhmun fe hranga rêlinchukna irthokin itin mo zôk thei hrangin nin irtûng?

MATHAIA 12:34

Mirûl irchihaio, nangni’n sual nei chianin itin mo thu sa nin insîr thei hrang? milunga lêt raka sip hi kêng bâiin a insîr suak ngai.

MATHAIA 3:7

Khan, Farisaihai le Sadukai tamtak hong a hmu’n an kuang, “Mirûl irchihaio, ningmur hong tung hrang rengata zôk hrangin tu mo baptisma chang hranga nangni inthor?

ROM KHUAA MIHAI KUANGA TÎRTÔN PAULA LEKHATHON 3:13

An hrok chu thân inhong a nia, An mileiin huangna thu an insîra, An hmûr ata mirûl tûr a suaka,

LUKA 1:76

“A ni, ki nâi, nang hi Anchungtak Pathian deipu nang la ti an ti. A lampuihai sinsiam hrangin Rengpa maton tiang lei fe ni ti.

MARKA 16:18

Mirûlhai an kutin chel an ta, thina tûr i ang khom in an ta, ite ti no ni; damloihai chunga an kut irnghat an ta, dam thiai an ti,” a tia.

MATHAIA 1:25

Khannisianlân nâipasal a nei mâka chu zâlpui suam ma, khan Josefa’n ar hminga JISUA tiin nâi irhminga khan a phua tâka.

IRPHUTNA 49:17

Dana hi chu lampui kôla mirûl ang a ni. Mirûl tûr hrât lampuia irkhang ngai ang a ni. Sakor ke inchuk invûngtirtu ang hi ni a ti.

DANIELA 9:26

Khan hapta sômruk inhni zoia hriak inthek chu inboi ni a ta, ite nei ta no ni: khan rêng la hong hrang mihaiin khopui le a hmun irthiang chu insiat an ta; khanchu a mongna chu tuilian leh ni a ta, a mong dênin irdoina om a ta, siatnahai chu inkung sai a ni.

AMOSA 9:3

Karmel tâng sîpa irbîkhai khom sianlân, zong ki ta. Khataka khan anni kha kaisum ki ta, khan, tuikhanglian monga ki mit hmu loia irbîkhai khom sianlân, khataka mirûl kha irchamneina pe ki ta, inchukhai a ti.

LUKA 24:27

Khanchu, Mosia ata irphutin deipu murdi thu suiin Pathian Lekha thua, a thurchi irziakna hmun tina a hrilfiah pehaia.